பார்லி.,யில் அமளியில் ஈடுபட உரிமையில்லை: எம்.பி.,க்களுக்கு ஜனாதிபதி கண்டனம்

**ayyasamy ram** · **ayyasamy ram** Thu Dec 08, 2016 6:16 pm

புதுடில்லி: விவாதத்தில் கலந்து கொள்ளத் தான் எம்.பி.,க்களுக்கு உரிமை உண்டு எனவும், அமளியில் ஈடுபட உரிமையில்லை எனவும் ஜனாதிபதி பிரணாப் முகர்ஜி கூறியுள்ளார்.

ஏற்க முடியாது:
-
டில்லியில் நடந்த நிகழ்ச்சி ஒன்றில் ஜனாதிபதி
பிரணாப் முகர்ஜி பேசியதாவது: பார்லிமென்ட்டில்
எம்.பி.,க்கள் கூச்சல் குழப்பத்தில் ஈடுபடுவதை
ஏற்க முடியாது.

பார்லிமென்டில் பெண்கள் இட ஒதுக்கீடு மசோதா
நீண்ட காலமாக நிறைவேற்றப்படாமல் உள்ளது.
இதனால் பெண்பிரதிநிதிகளின் எண்ணிக்கை
குறைவாக உள்ளது. இதனை முற்றிலும் ஏற்க முடியாது.

போராட்ட களமா?
-
எம்பி.,யாக விவாதம் நடத்த உரிமை உள்ளது.
இடையூறு செய்வதற்கு உரிமை இல்லை. பார்லிமென்ட்,
போராட்டத்திற்கான களம் அல்ல. பார்லிமென்டில்
தர்ணா நடத்த தலைவர்கள் தேர்வு செய்யப்படவில்லை.

அவையில் விவாதம் நடத்தவில்லை என்றால்,
பார்லிமென்ட் நடவடிக்கைகள் சிறப்பானதாக இருக்காது.
பார்லிமென்ட் என்பது சட்ட நடவடிக்கைகள் இடம்பெற
வேண்டிய இடம்.

முடிவுக்கு எதிரானது:
-
கடவுள் அருளுடன் எம்பி.,க்கள் உங்கள் பணியை செய்ய
வேண்டும். இடையூறு செய்வது பெரும்பான்மையான
மக்கள் முடிவுக்கு எதிராக உள்ளது.

தொடர்ச்சியாக தேர்தல் நடத்துவது பண செலவை
ஏற்படுத்துகிறது. லோக்சபா மற்றும் சட்டசபை தேர்தலை
ஒரே நேரத்தில் நடத்த வழியை காண வேண்டும் எனக்கூறினார்.
-
தினமலர்

**T.N.Balasubramanian** · **T.N.Balasubramanian** Thu Dec 08, 2016 7:59 pm

அன்றைய ஆளும் கட்சி ,இன்றைய எதிர் கட்சி ,அன்றைய எதிர் கட்சி செய்ததை இன்று செய்கிறார்கள் .
இவர்களை தேர்ந்தெடுத்த மக்களைத்தான் குறை சொல்லவேண்டும்.

ரமணியன்

பார்லி.,யில் அமளியில் ஈடுபட உரிமையில்லை: எம்.பி.,க்களுக்கு ஜனாதிபதி கண்டனம்

பார்லி.,யில் அமளியில் ஈடுபட உரிமையில்லை: எம்.பி.,க்களுக்கு ஜனாதிபதி கண்டனம்

Re: பார்லி.,யில் அமளியில் ஈடுபட உரிமையில்லை: எம்.பி.,க்களுக்கு ஜனாதிபதி கண்டனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக