தனுஷ் கேரவனுக்கு மின்சாரம் திருட்டு: அபராதம் விதித்தது மின்வாரியம்

**ayyasamy ram** · **ayyasamy ram** Fri Aug 04, 2017 8:44 am

ஆண்டிபட்டி:
நடிகர் தனுஷின் கேரவனுக்கு மின்சாரம் திருடப்பட்ட சம்பவம், ஆண்டிபட்டி அருகே பரபரப்பை ஏற்படுத்தி உள்ளது.நடிகர் தனுஷ், தனது சொந்த ஊரான தேனி மாவட்டம், சின்னமனூர் அருகே சங்கராபுரத்திற்கு நேற்று முன்தினம் வந்தார். அங்கு வறட்சியால் தற்கொலை செய்து கொண்ட 130 விவசாயிகளின் குடும்பங்களுக்கு தலா ரூ.50 ஆயிரம் நிதியுதவி வழங்கினார். இதனிடையே, ஆண்டிபட்டி அருகே தேக்கம்பட்டி, முத்துரங்கபுரத்தில் உள்ள தனது குலதெய்வம் கோயிலான கஸ்தூரிமங்கம்மாள் கோயிலுக்கு தனுஷ் நேற்று வந்தார். அவரது மனைவி ஐஸ்வர்யா, தந்தை கஸ்தூரிராஜா, தாய் விஜயலட்சுமி ஆகியோரும் உடன் வந்திருந்தனர்.
-
பொதுமக்கள் யாரையும் கோயிலுக்குள் அனுமதிக்கவில்லை. தனுஷ் மட்டும் குடும்பத்துடன் கோயிலுக்குள் சென்று சாமி தரிசனம் செய்தார். தனுஷின் கேரவன் கோயில் அருகே நிறுத்தப்பட்டிருந்தது. அப்போது கேரவனுக்கு தேவையான மின்சாரத்தை, அருகே உள்ள பொது மின்கம்பத்தில் இருந்து முறைகேடாக எடுத்துள்ளனர்.
-
தகவல் அறிந்த ஆண்டிபட்டி மின்வாரிய செயற்பொறியாளர் ராஜேஷ் சம்பவ இடத்திற்கு வந்தார். முறைகேடாக மின்சாரம் எடுத்ததற்கு எதிர்ப்பு தெரிவித்தார். அப்போது, இருதரப்புக்கும் வாக்குவாதம் ஏற்பட்டது. இதனால் பெரும் பரபரப்பு ஏற்பட்டது. இறுதியில் மின் திருட்டிற்காக செயற்பொறியாளர் ரூ.15,731 அபராதம் விதித்தார். கேரவன் டிரைவர் வீரப்பன் அபராதத்தை செலுத்தியதால் பிரச்னை சுமூகமாக முடிந்தது.

-
தினகரன்

தனுஷ் கேரவனுக்கு மின்சாரம் திருட்டு: அபராதம் விதித்தது மின்வாரியம்

தனுஷ் கேரவனுக்கு மின்சாரம் திருட்டு: அபராதம் விதித்தது மின்வாரியம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக