தமிழகத்தில் ஜப்பானிய தொழிற்சாலை நகரம் : மோடி -

காந்திநகர்:
ஜாப்பானிய தொழிற்சாலை நகரங்களை உருவாக்க தமிழகம்
தேர்வு செய்யப்பட்டுள்ளதாக பிரதமர் மோடி தெரிவி்த்துள்ளார்.

மத்திய அரசு ஜப்பானுடன் ஒப்பந்தம் மேற்கொண்டு இந்தியாவில்
புல்லட் ரயில் திட்டத்தை கொண்டு வருகிறது. இதற்கான
அடிக்கல் நாட்டு விழா குஜராத்தில் இன்று நடந்து.

இதில் பிரதமர் மோடி மற்றும் ஜப்பான் பிரதமர் அபே உட்பட பலர்
கலந்து கொண்டனர்.

நிகழ்ச்சியில் பிரதமர் மோடி பேசுகையில் :
‛‛ ஜப்பானுடனான எனது பழக்கம் பல ஆண்டுகள் பழையது.
இந்தியாவில் ஒரு குட்டி ஜப்பானை உருவாக்க வேண்டும்.
இந்தியாவில் ஜப்பானிய தொழிற்சாலை நகரங்களை உருவாக்க
குஜராத், ராஜஸ்தான், ஆந்திரா, மற்றும் தமிழ்நாடு ஆகிய
மாநிலங்கள் தேர்வு செய்யப்பட்டுள்ளன.

வாரணாசி மாநாட்டு மையம், ஜப்பான் மற்றும் வாரணாசி
கியோட்டோ நகரங்களுக்கிடையே கலாச்சார ஒத்துழைப்புக்கான
அடையாளமாக உள்ளது.

இது வாரணாசிக்காக ஜப்பான் மீதான அன்பின் பரிசு,
இது இந்தியாவில் இருந்து பரவிய புத்த பாரம்பரியத்தின்
அடையாளம்.

ஜப்பான் இந்தியாவிற்கான திறனையும், திறமையையும், அளவையும்,
மேம்படுத்த பெரிதும் பயனளிக்கும். 21ம் நூற்றாண்டு ஆசியாவின்
வளர்ச்சிக்கான நாடு, உலக நாடு வளர்ச்சியின் ஆசியா, புதிய
மையமாக வளர்ந்து வருகிறது.

ஜப்பானிய மக்களையும், அந்நாட்டு நிறுவனங்களையும், இந்தியாவில்
வந்து பணியாற்ற சகோதரத்துடனும், நம்பிக்கையுடனும்
வரவேற்கிறேன். '' என கூறினார்.
-
-----------------------------------
தினமலர்