தை நீராடிய ராஜேந்திர சோழன்

தை நீராடிய ராஜேந்திர சோழன்
தை நீராடல் பண்டிகை பற்றியும், பாவை நோன்பின் போது கடைப்பிடிக்கப்படும் சடங்குகள் பற்றியும், ஆண்டாளின் திருப்பாவை மற்றும் மாணிக்கவாசகரின் திருவெம்பாவை போன்றவற்றில் பாடப்பட்டுள்ளது
பல் சங்க இலக்கியங்களில் தமிழ் மாதப் பெயர்கள் காணக் கிடைக்கின்றன.
அதில், தை மாதச் சிறப்பை குறித்து, சில இவை ,
நற்றிணையில், ‘வான்பெயல் நனைந்த புறத்த நோன்பியர்தையூண் இருக்கையின்’ ‘தைஇத் திங்கள் தண்கயம் படியும்’ என்றும்,
ஐங்குறுநூறில் ‘நறுவீ ஐம்பால் மகளிர் ஆடும் தைஇத் தண்கயம் போலப் பலர்படிந்து’ என்றும்,
கலித்தொகையில், ‘வையெயிற்றவர்நாப்பண் வகையணிப் பொலிந்து
நீ தையினீ ராடிய தவந்தலைப் படுவயோ’
‘இழையணி ஆயமொடு தகுநாண் தடைஇத்
தைஇத் திங்கள் தண்கயம் படியும்
பெருந்தோட் குறுமகள்’ என்றும்,
குறுந்தொகையில், ‘தைஇத் திங்கள் தண்ணிய தரினும்’ என்றும், புறநானூறில். ‘தைஇத் திங்கள் தண்கயம் போல்’ என்றும், கலித்தொகையில், ‘தையில் நீராடி தவம் தலைப்படுவாயோ’ என்றும் பல இலக்கியங்கள் பாராட்டும் திருவிழா இது
இதேப்போல் இந்த செய்தியை மெய்ப்பிக்கும் வகையில் வரலாற்றிலும் சில செய்திகள் தை நீராடல் குறித்துக் கிடைக்கின்றன .
ஆயிரம் ஆண்டுகளுக்கு முன்பு தை பொங்கல் தினத்தில் ராஜேந்திர சோழன் தனது பரிவாரங்களோடு காவிரியில் புனித நீராடியதற்கான ஆதார கல்வெட்டு கிடைத்திருப்பதாக வரலாற்று ஆய்வாளர் குடவாயில் பாலசுப்ர மணியன் தி இந்து பத்திரிகையில் வெளியிட்டிருந்தார் .
கர்நாடக மாநிலம் கிருஷ் ணராஜசாகர் அணைக்கு அருகில் உள்ளது பெலகோலா. இங்கு ராஜேந்திர சோழனால் கட்டப்பட்ட சிவாலயம் ஒன்று உள்ளது. காவிரியை தழுவிச் செல்லும் இந்த சிவாலயத்தின் தீர்த்தத் துறைக்கு வலம்புரி தீர்த்தம் என்று பெயர். இந்த கோயிலுக்கு தினமும் சிறப்புப் பூஜைகள் நடப்பதற்கு ராஜேந்திர சோழன் நிவந்தங்களை (மானியங்களை) அளித்துள்ளார். அங்கு உள்ள ‘ஹனகன்னட கல்வெட்டு’ இந்தத் தகவல்களைச் சொல்கிறது.
இப்பகுதியை தனது ஆளுமைக் குள் வைத்திருந்த ராஜேந்திரர் , இப்பகுதியின் மகாதண்ட நாயக னாக பஞ்சவன் மாராயன் என்ற பட்டத்துடன் விளங்கி இருக்கிறார். ஆயிரம் ஆண்டுகளுக்கு முன்பு தை முதல் நாளானது டிசம்பர் 23-ம் தேதியே வந்திருக்கிறது.
மேலை நாட்டவர்களின் வானியல் அடிப் படை நாள்காட்டிகளில் (காலண்டர் முறை) தவறுகள் இருந்ததே இதற்குக் காரணம்.
1582-ம் ஆண்டில்தான் மாதத் தின் நாட்களை கோள்களின் அடிப் படையில் கணக்கிட்டு சரிசெய் தார்கள்.
இதன்படி, சக வருடம் 934 பரிதாபி ஆண்டு உத்தராயண சங்கராந்தியான தை முதல் நாளில் ராஜேந்திர சோழன் தனது பரிவாரங்களோடு பெலகோலா வலம்புரி தீர்த்தத்தில் புனித நீராடியதாக கல்வெட்டு தகவல் சொல்கிறது. இதற்கு சரியான ஆங்கில ஆண்டு குறிப்பானது கி.பி.1012 டிசம்பர் மாதம் 23-ம் தேதி செவ்வாய்கிழமை என்பதாகும்.
இது ஒரு சிறப்பான நிகழ்வாக இருந்ததால் தான் கல்வெட்டில் பொறித்துள்ளனர்
.அண்ணாமலை சுகுமாரன்
14/1/18