ஒன்றும் இல்லாத மோடி உரை: ராகுல், சோனியா பதிலடி

**ayyasamy ram** · **ayyasamy ram** Wed Feb 07, 2018 7:09 pm

-

புதுடில்லி :
ஜனாதிபதியில் உரைக்கு நன்றி தெரிவித்து பிரதமர் மோடி
பார்லி.,யில் இன்று உரையாற்றினார். இதனை காங்., தலைவர்
ராகுல், சோனியா ஆகியோர் கடுமையாக விமர்சித்துள்ளனர்.

மோடி உரை குறித்து செய்தியாளர்களிடம் பேசிய ராகுல்,
பிரதமரிடம் 3 கேள்விகள் கேட்டோம். அவற்றில் ஒன்றிற்கு கூட
பிரதமர் பதிலளிக்கவில்லை.

ரபேல் ஒப்பந்த முறைகேடுகள் குறித்து அவர் பதில் சொல்லவில்லை.
இது தேர்தல் பிரசார உரை மட்டுமே. பிரதமரின் உரை அல்ல.
பிரதமர் ஒரு மணி நேரத்திற்கும் அதிகமாக உரை நிகழ்த்தி உள்ளார்.

ஆனால், மக்களின் எந்த பிரச்னைகளையும் பற்றி பேசவில்லை.
ரபேல் முறைகேடு குறித்தும் ஒரு வார்த்தை கூட பேசவில்லை.
எங்களின் கடுமையான கேள்விகளை அவர் தவிர்க்கிறார்.

பார்லி., குழு தகவல் கூறி, ரபேல் ஒப்பந்தம் மாற்றப்பட்டுள்ளதா?
அமைச்சரவை கூட்டத்திலாவது அது பற்றி பிரதமர் கூறுவாரா?
ரபேல் விலை குறித்தும் அவர் எதுவும் பேசவில்லை. ஊழல் குறித்து
பேசும் பிரதமர், ரபேல் ஊழல் குறித்து ஏன் பேசவில்லை?

அவர் நமது நாட்டின் பிரதமர் போல் பேசவில்லை. எதிர்க்கட்சி
தலைவரை போல் பேசுகிறார். நமது ராணுவ வீரர்களின் உயிர்
தியாகம் குறித்தும் அவர் எதுவும் பேசவில்லை.

ஜனாதிபதி உரைக்கு பதிலுரை வழங்காமல் அவர் தேர்தல் உரையை
வழங்கி உள்ளார். ரபேல் ஜெட்களின் விலையை ஏன் ரகசியமாக
வைத்துள்ளார்? என்றார்.

காங்., முன்னாள் தலைவர் சோனியா கூறுகையில், பிரதமரின்
உரையில் புதிதாக ஒன்றும் இல்லை. மக்கள் வேலைகளையே
எதிர்பார்க்கிறார்கள். வெறும் பேச்சுக்களை அல்ல.

நாட்டு மக்களுக்கு தேவை வேலைவாய்ப்புக்கள். வெறும்
சொற்பொழிவுகள் அல்ல. இவ்வாறு அவர் தெரிவித்துள்ளார்.
-
-------------------------------------------------
தினமலர்

aeroboy2000 · aeroboy2000 Wed Feb 07, 2018 9:12 pm

இப்போதுதான்
இவர்களே வாயைத்திறக்கிறார்கள்

இனி துதி பாடிகள் திருந்த வேண்டும்
அடி வருடிகள் மாற வேண்டும்

அப்போது தான்
பிரதமர்
தன் நிலையில் இருந்து மாறுவார் ...

கார்பரேட்டுகளின் (புலி வால்) பிடியை விட்டு விட்டு
மக்கள் நலம்
மக்கள் சிந்தனை வரும் ....

ஹர ஹர மஹா தேவா ...

அதிர்ச்சி