பாஜக தலைவர் பதவி : தமிழிசைக்கு செக் வைக்கும் எஸ்.வி.சேகர்

**சிவா** · **சிவா** Tue Sep 25, 2018 5:48 am

 தமிழக பாஜக தலைவர் பதவி தனக்கு அளித்தால் பாஜக வாக்கு வங்கியை அதிகரித்து காட்டுவேன் என நடிகரும், பாஜக பிரமுகரான எஸ்.வி.சேகர் தெரிவித்துள்ளார்.

தமிழிசை சவுந்தரராஜன் தற்போது தமிழக பாஜக தலைவர் பதவியில் நீடித்து வருகிறார். ஆனால், தமிழகத்தில் காலூன்ற பாஜக எடுத்து வரும் அத்தனை முயற்சிகளும் தோல்வியிலேயே முடிந்து வருகிறது. ஆர்.கே.நகர் தேர்தலில் பாஜக நோட்டோவுடன் போட்டி போட்டு பாஜகவினருகு பெரும் தலைகுனிவை ஏற்படுத்தியது.

இது ஒருபுறம் எனில், எஸ்.வி.சேகர், பாஜக தேசிய செயலாளர் ஹெச்.ராஜா போன்றோர் தெரிவிக்கும் கருத்து தொடர்ந்து சர்ச்சைகளை ஏற்படுத்தி மக்களிடையே கடும் அதிருப்திக்கு உள்ளாக்கியிருக்கிறது.

இந்நிலையில், ஸ்ரீவில்லிபுத்தூரில் ஒரு கோவிலுக்கு வந்த அவரிடம், தமிழக பாஜக தலைமையை ஏற்க முன் வருவீர்களா? என ஒரு நிருபர் கேள்வி எழுப்பினார். அதற்கு பதில் கூறிய எஸ்.வி.சேகர் “ வாய்ப்பு கிடைத்தால் கண்டிப்பாக அதை ஏற்பேன். தற்போது பாஜகவிற்கு என்ன வாக்கு வங்கி உள்ளதோ அதை விட அதிக வாக்குகளை நான் பெற்று தருவேன்” என அவர் தெரிவித்தார்.

**சிவா** · **சிவா** Tue Sep 25, 2018 5:50 am

 எஸ்.வி.சேகர் சொன்னதை காமெடியாக எடுத்து கொள்ளுங்கள்: தமிழிசை 

தமிழக பாஜக தலைவர் பதவி கொடுத்தால் பாஜகவுக்கு தற்போது இருக்கும் வாக்கு சதவிகிதத்தை விட அதிக வாக்கு சதவீதம் பெற்று கொடுக்க தன்னால் முடியும் என்றும், தன்னை பாஜக பயன்படுத்தி கொண்டால், பாஜகவுக்குத்தான் லாபம் என்றும், பயன்படுத்தவில்லை என்றால் எனக்கு எந்தவித நஷ்டமும் இல்லை என்றும் சமீபத்தில் நடிகரும் பாஜக பிரமுகருமான எஸ்.வி.சேகர் தெரிவித்திருந்தார்.

இதற்கு பதிலளித்த தமிழக பாஜக தலைவர் தமிழிசை செளந்திரராஜன், 'பாஜக தலைவர் பதவி என்றால் அவ்வளவு இலகுவான பதவியா? எஸ்.வி.சேகர் நிறைய காமெடி நாடகங்களில் நடித்துக் கொண்டிருப்பவர். அதனால்தான் இப்படி காமெடியாக பேசிக்கொண்டிருக்கிறார். இதையெல்லாம் பெரிதாக எடுத்துக்கொள்ளாமல், காமெடியை நினைத்து சிரித்துவிட்டுப் போயிவிடவேண்டும். அவ்வளவுதான் என்று கூறினார்.

இந்த நிலையில் பாஜக வட்டாரங்களில் இருந்து வந்த தகவலின்படி வரும் பாராளுமன்ற தேர்தல் வரை தமிழக பாஜக தலைவரை மாற்றும் எண்ணம் அக்கட்சியின் தேசிய தலைமைக்கு இல்லை என்றே கூறப்படுகிறது.

**krishnaamma** · **krishnaamma** Tue Sep 25, 2018 7:48 am

Sponsored content · Sponsored content

பாஜக தலைவர் பதவி : தமிழிசைக்கு செக் வைக்கும் எஸ்.வி.சேகர்

பாஜக தலைவர் பதவி : தமிழிசைக்கு செக் வைக்கும் எஸ்.வி.சேகர்

Re: பாஜக தலைவர் பதவி : தமிழிசைக்கு செக் வைக்கும் எஸ்.வி.சேகர்

Re: பாஜக தலைவர் பதவி : தமிழிசைக்கு செக் வைக்கும் எஸ்.வி.சேகர்

Re: பாஜக தலைவர் பதவி : தமிழிசைக்கு செக் வைக்கும் எஸ்.வி.சேகர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக