'சந்தனக் காட்டுக்குள்ளே கந்தனை நான் கண்டுகொண்டேன்...'

**ayyasamy ram** · **ayyasamy ram** Tue Nov 13, 2018 9:24 am

திருச்செந்துாருக்கும், சந்தனத்துக்கும் முக்கிய தொடர்பு
உண்டு. ஒரு நாடோடி பாடலில்,

'சந்தனக் காட்டுக்குள்ளே கந்தனை நான் கண்டுகொண்டேன்...'

என்னும் பாடல் வரி இடம் பெற்றுள்ளது. முருகன் வீற்றிருக்கும்
இப்பகுதிக்கு, சந்தன மலை என்றும் பெயர் இருக்கிறது.

பதினைந்தாம் நுாற்றாண்டில் வாழ்ந்த அருணகிரிநாதர்,
திருப்புகழில், 'சந்தனப் பைம்பொழில் தண் செந்தில்' என்று,
சந்தன சோலையாக, திருச்செந்துார் இருந்ததைக் குறிப்பிடுகிறார்.

தற்போது, சந்தன மரம் எதுவும் இல்லை. ஆனால், பிரசாதத்தில்
திருநீறு போல், சந்தனத்திற்கும் மிகுந்த முக்கியத்துவம் உண்டு.

திருச்செந்துாரில் கந்த சஷ்டி விரதம் மேற்கொள்வோர், கோவில்
எல்லையைத் தாண்டக் கூடாது என்பதும், விசேஷ தகவல்.
கிழக்கில் கடற்கரை, மேற்கில் துாண்டு கை விநாயகர் சன்னிதி,
வடக்கில் வள்ளியம்மன் குகை, தெற்கில் நாழிக் கிணறு
ஆகியவற்றை, ஆறு நாட்களுக்கு கடக்கக் கூடாது.

உண்ணா நோன்பு, பேசா நோன்பு, பகலில் ஒருவேளை உண்பது
ஆகிய வழிமுறைகளை, பக்தர்கள் பின்பற்றுகின்றனர்.
சூரசம்ஹாரம் முடிந்த பின், பழச்சாறு அருந்தி, விரதம் முடிக்க
வேண்டும்.

திருச்செந்துார் சென்று, கொடி மரத்தை வணங்கி, தீர்க்காயுளுடன்
வாழுங்கள்.
-
------------------------------

- தி. செல்லப்பா
வாரமலர்

**பழ.முத்துராமலிங்கம்** · 27/09/2015

Code:: உண்ணா நோன்பு, பேசா நோன்பு, பகலில் ஒருவேளை உண்பது ஆகிய வழிமுறைகளை, பக்தர்கள் பின்பற்றுகின்றனர். சூரசம்ஹாரம் முடிந்த பின், பழச்சாறு அருந்தி, விரதம் முடிக்க வேண்டும். திருச்செந்துார் சென்று, கொடி மரத்தை வணங்கி, தீர்க்காயுளுடன் வாழுங்கள்.

எங்கள் வீட்டில் இந்த சூரசம்ஹர விரதம் வருடம் தவறாது கடைபிடித்து வருகிறார்கள்.
இந்த நாட்களில் நானும் இதே நடைமுறைகளை கடைப்பிடித்து வருகிறேன்.
விரதம் தவிர.
நாங்கள் இது வரை திருசெந்தூர் இதற்கு போனதில்லை, வரும் காலங்களில்
நிச்சயம் போவோம்
அருமையான பதிவு
நன்றி ஐயா

**krishnaamma** · **krishnaamma** Tue Nov 13, 2018 12:44 pm

திருச்செந்தூரில் தான் 'பன்னீர் இலை' இல் வாசமான விபூதி வைத்து தருவார்கள் என்று எண்ணுகிறேன்...எங்கள் அப்பா தருவிப்பார்.... எங்கள் அப்பா வின் இஷ்ட தெய்வம் முருகர் தான்....எங்கள் வீட்டில் கந்தசஷ்டி விமரிசையாக கொண்டாடுவார்...ஆறுநாளும் பூஜை புனஸ்காரம் என்று எங்கள் வீடே விழாக்கோலமாய் இருக்கும்...ஹும்... அது ஒரு காலம் புன்னகை

இந்த பதிவைத் துவங்கியவர் நன்றி கூறியுள்ளார் krishnaamma

Sponsored content · Sponsored content

'சந்தனக் காட்டுக்குள்ளே கந்தனை நான் கண்டுகொண்டேன்...'

'சந்தனக் காட்டுக்குள்ளே கந்தனை நான் கண்டுகொண்டேன்...'

Re: 'சந்தனக் காட்டுக்குள்ளே கந்தனை நான் கண்டுகொண்டேன்...'

Re: 'சந்தனக் காட்டுக்குள்ளே கந்தனை நான் கண்டுகொண்டேன்...'

Re: 'சந்தனக் காட்டுக்குள்ளே கந்தனை நான் கண்டுகொண்டேன்...'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக