சன்னகிரி தாலுகாவில்மோட்டார் சைக்கிளில் ஏர் பூட்டி நிலத்தை உழுத தந்தை - மகன்ஆச்சரியத்துடன் பார்த்த கிராம மக்கள்

**ayyasamy ram** · **ayyasamy ram** Fri Aug 02, 2019 10:37 am

-
பெங்களூரு,

சன்னகிரி தாலுகாவில், தனது மகன் மூலம் விவசாயி ஒருவர் மோட்டார் சைக்கிளில் ஏர் பூட்டி நிலத்தை உழுதார். இதை அப்பகுதி கிராம மக்கள் ஆச்சரியத்துடன் பார்த்தனர்.

விவசாயி

விவசாயிகள், லட்சக்கணக்கான ரூபாய் செலவு செய்து நிலத்தை உழுது பயிரிட்டு விளை பொருட்களை மார்க்கெட்டுக்கு கொண்டு வருவதற்குள் அவர்கள் படாதபாடு பட்டுவிடுகிறார்கள். ஆனால் நிலத்தை இப்படியும் உழுது புதுமை படைக்கலாம் என்று தாவணகெரே மாவட்டம் சன்னகிரி தாலுகா அஜ்ஜிஹள்ளி கிராமத்தில் ஒரு விவசாயி நிரூபித்துள்ளார். அதாவது அந்த விவசாயி ஏர் பூட்டி நிலத்தை உழுவதற்கு காளை மாடுகள் கிடைக்காததால், தனது மகன் மூலம் மோட்டார் சைக்கிளில் ஏர் பூட்டி உழுத சம்பவம் நடந்துள்ளது. இதுபற்றிய விவரம் வருமாறு:-

தாவணகெரே மாவட்டம் சன்னகிரி தாலுகா அஜ்ஜிஹள்ளி கிராமத்தைச் சேர்ந்தவர் நீலப்பா. விவசாயியான இவர் தனது நிலத்தில் தக்காளி, பச்சை மிளகாய் போன்றவற்றை பயிரிட்டுள்ளார். தற்போது அவற்றுக்கு உரமிடுவதற்கு நிலத்தை உழ வேண்டும் என்று கூறப்படுகிறது. இதற்காக அவர் காளை மாடுகளை வாடகைக்கு எடுப்பது வழக்கம். ஆனால் தற்போது ஏராளமானோர் நீலப்பா போன்றே தக்காளி, பச்சை மிளகாய் போன்றவற்றை பயிரிட்டுள்ளதால் ஏர் பூட்டி உழுவதற்கு காளை மாடுகள் கிடைக்கவில்லை என்று கூறப்படுகிறது. மேலும் சிலர் காளை மாடுகளை ரூ.5 ஆயிரம் வாடகைக்கு வேண்டுமானால் தருகிறேன் என்று நீலப்பாவிடம் சொன்னார்களாம்.

ஆச்சரியத்துடன் பார்த்த கிராம மக்கள்

இதனால் வீட்டிற்கு வந்த அவர் திடீரென யோசித்தார். தனது மகன் மூலம் மோட்டார் சைக்கிளில் ஏர் பூட்டி நிலத்தில் உழுதுவிடலாமா? என்று சிந்தித்தார். அதற்கு அவருடைய மகனும் செய்துவிடலாம் என்று கூறினார். இதையடுத்து மோட்டார் சைக்கிளில் ஏர் பூட்டப்பட்டது. பின்னர் நிலத்தில் ஏர் பூட்டிய மோட்டார் சைக்கிளை நீலப்பாவின் மகன் மெதுவாக ஓட்ட, நீலப்பா நிலத்தை உழுதார். இதைப்பார்த்த அப்பகுதி கிராம மக்கள் ஆச்சரியம் அடைந்தனர்.

இதுபற்றி நீலப்பா கூறிய தாவது:-

நிலத்தை உழுவதற்கு நான் காளை மாடுகள் கிடைக்காமல் திண்டாடினேன். அப்போது மோட்டார் சைக்கிளில் ஏர் பூட்டி உழுதால் என்ன என்று சிந்தித்தேன். பின்னர் மகனின் உதவியுடன் செய்து பார்த்தேன். அது குறைந்த செலவில் எளிமையாக முடிந்துவிட்டது.

இவ்வாறு அவர் கூறினார்.

-தினத்தந்தி

**பழ.முத்துராமலிங்கம்** · 27/09/2015

அருமையான யோசனை வாழ்த்துகள்.

**கண்ணன்** · **கண்ணன்** Fri Aug 02, 2019 2:48 pm

நல்ல யோசனை

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக