பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

**ayyasamy ram** · **ayyasamy ram** Fri Aug 09, 2019 7:10 am

குடியரசு முன்னாள் தலைவர் பிரணாப் முகர்ஜி, பாரதிய ஜன சங்கத்தின் தலைவர் நானாஜி தேஷ்முக், பாடகர் பூபேன் ஹஸாரிகா ஆகியோருக்கு நாட்டின் மிக உயரிய விருதான "பாரத ரத்னா' வழங்கி கெளரவிக்கப்பட்டது. இதில் நானாஜி தேஷ்முக், பூபேன் ஹஸாரிகா ஆகியோர் மறைவுக்குப் பிறகு கெளரவிக்கப்பட்டுள்ளனர்.

தில்லியில் குடியரசுத் தலைவர் மாளிகையில் வியாழக்கிழமை நடைபெற்ற நிகழ்ச்சியில் குடியரசுத் தலைவர் ராம்நாத் கோவிந்த் அவர்களுக்கான விருதை வழங்கினார். அவர்களில் பிரணாப் முகர்ஜி தனக்கான விருதை பெற்றுக்கொண்டார். மறைந்த நானாஜி தேஷ்முக்கிற்கான விருது, அவரது நெருங்கிய உறவினர் விக்ரம்ஜீத் சிங்கிடமும், பூபேன் ஹஸாரிகாவுக்கான விருது அவரது மகன் தேஜிடமும் வழங்கப்பட்டன. இத்துடன் பாரத ரத்னா விருது பெற்றவர்களின் எண்ணிக்கை 48 ஆகியுள்ளது.

இந்த நிகழ்ச்சியில் குடியரசு துணைத் தலைவர் வெங்கய்ய நாயுடு, பிரதமர் நரேந்திர மோடி, மத்திய உள்துறை அமைச்சர் அமித் ஷா, பாதுகாப்புத் துறை அமைச்சர் ராஜ்நாத் சிங், மேலும் சில மத்திய அமைச்சர்கள், அஸ்ஸாம் முதல்வர் சர்வானந்த சோனோவால் ஆகியோர் கலந்துகொண்டனர்.

பாரத ரத்னா விருது, 4 ஆண்டுகள் இடைவெளிக்குப் பிறகு தற்போது வழங்கப்பட்டுள்ளது. கடந்த 2015-ஆம் ஆண்டு, முன்னாள் பிரதமர் அடல் பிகாரி வாஜ்பாய், பனாரஸ் ஹிந்து பல்கலைக்கழக நிறுவனர் மதன்மோகன் மாளவியா ஆகியோருக்கு இந்த விருதை வழங்கி பிரதமர் நரேந்திர மோடி அரசு கெளரவித்திருந்தது.

தற்போது பாரத ரத்னா விருது வழங்கப்பட்டுள்ள பிரணாப் முகர்ஜி, அந்த விருது பெற்ற 5-ஆவது குடியரசுத் தலைவராவார். சர்வபள்ளி ராதாகிருஷ்ணன், ராஜேந்திர பிரசாத், ஜாகிர் ஹுசைன், வி.வி. கிரி ஆகியோர் இதற்கு முன்பாக இந்த விருதைப் பெற்ற குடியரசுத் தலைவர்களாவர்.

பிரணாப் முகர்ஜி தனது 47-ஆவது வயதில் இந்தியாவின் இளம் நிதியமைச்சராக கடந்த 1982-ஆம் ஆண்டு பொறுப்பேற்றார். 2004-ஆம் ஆண்டு முதல் வெளியுறவுத் துறை, பாதுகாப்புத் துறை, நிதித்துறை போன்ற முக்கிய துறைகளின் அமைச்சராகவும் இருந்தார். 2012 முதல் 2017 வரையில் குடியரசுத் தலைவராக பதவி வகித்தார்.

நானாஜி தேஷ்முக்: மத்தியப் பிரதேச, உத்தரப் பிரதேச எல்லைப் பகுதியில் உள்ள சித்ரகூடம் மாவட்டத்தின் மிகவும் பின்தங்கிய கிராமப்புறத்தின் முன்னேற்றத்துக்கு பங்களித்ததற்காக நானாஜி தேஷ்முக்கிற்கு பாரத ரத்னா விருது வழங்கப்பட்டுள்ளது. கடந்த 1975-ஆம் ஆண்டில் அவசரநிலைக்கு எதிரான ஜெயபிரகாஷ் நாராயணின் இயக்கத்தில் முக்கியப் பங்கு வகித்தார்.

பூபேன் ஹஸாரிகா: அஸ்ஸாம் மாநிலத்தைச் சேர்ந்த பூபேன் ஹஸாரிகா, பாடலாசிரியர், இசையமைப்பாளர், கவிஞர், இயக்குநர் என்று பன்முகத்தன்மை கொண்டவர்.

தினமணி

Guest · Guest Sat Aug 10, 2019 12:56 pm

பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார் 1571444738

இவருக்குமா? பல பணமுதலைகளை வருமானவரியில் இருந்து தப்ப வைத்ததற்காகவா அல்லது பாஜக விற்கு சாதகமாக பேசியதற்காகவா?
எல்லாம் அவன் செயல்.

**T.N.Balasubramanian** · **T.N.Balasubramanian** Sat Aug 10, 2019 1:43 pm

எந்த ஒரு கட்சியும் ஆட்சியில் இருக்கும் போது சில பணக்காரர்கள் (வர்த்தகர்கள்) பயன் பெறுவது வழக்கமான ஒன்று. இதற்காகவே லாபியிஸ்ட் ஒரு சிலர் உண்டு. அவர்கள்தான் பெரும்பாலும் நிதிமந்திரிக்கு இப்பிடி செய்யலாம் அப்பிடி செய்யலாம் என அறிவுரைகள் வழங்குவார்களாம். சில நிதி மந்திரிகள் இப்பிடி ஒரு சிலருக்கு, கட்சி தலைமைக்கு சாதகமாக செய்து கொடுத்து மறைமுகமாக தங்கள் குடும்பத்திற்கு அதிகம் செய்துகொண்டு விடுவார்கள். மற்றவர்கள் கண்டு கொண்டாலும் சொல்லவும் முடியாது மெல்லவும் முடியாது கதை. சந்தடி சாக்குலே கந்தடி காப்பணம் என்று அவர்களும் அடிப்பார்கள்.
ஆரம்பகால இந்தியாவின் ஓரிரு நிதிமந்திரிகள் இந்தியாவின் பொருளாதார உயர்வுக்கு உழைத்தார்கள்.
பிறகெல்லாம் ........ பிறகெல்லாம் ........ பிறகெல்லாம் ........ அழுகை

ரமணியன்

**ayyasamy ram** · **ayyasamy ram** Sat Aug 10, 2019 2:08 pm

சந்தடி சாக்குல தான் ஒரு நல்ல சங்கதி சொல்லிட்டீங்க...!!
-
சூப்பருங்க

Guest · Guest Sat Aug 10, 2019 3:57 pm

ஆரம்பகால இந்தியாவின் ஓரிரு நிதிமந்திரிகள் இந்தியாவின் பொருளாதார உயர்வுக்கு உழைத்தார்கள்.
பிறகெல்லாம் ........ பிறகெல்லாம் ........ பிறகெல்லாம் ........

நாட்டிற்கு உழைப்பதை நிறுத்தி விட்டு வீட்டுக்கு உழைத்தார்கள் ...என்று புரிந்து கொள்ளவா?

**T.N.Balasubramanian** · **T.N.Balasubramanian** Sat Aug 10, 2019 5:48 pm

சக்தி18 wrote:ஆரம்பகால இந்தியாவின் ஓரிரு நிதிமந்திரிகள் இந்தியாவின் பொருளாதார உயர்வுக்கு உழைத்தார்கள்.
பிறகெல்லாம் ........ பிறகெல்லாம் ........ பிறகெல்லாம் ........

நாட்டிற்கு உழைப்பதை நிறுத்தி விட்டு வீட்டுக்கு உழைத்தார்கள் ...என்று புரிந்து கொள்ளவா?

மேற்கோள் செய்த பதிவு: 1302031

அஃதே அஃதே அஃதே

ரமணியன்

anikuttan · anikuttan Sun Aug 11, 2019 7:33 am

சக்தி18 wrote:

இவருக்குமா? பல பணமுதலைகளை வருமானவரியில் இருந்து தப்ப வைத்ததற்காகவா அல்லது பாஜக விற்கு சாதகமாக பேசியதற்காகவா?
எல்லாம் அவன் செயல்.

மேற்கோள் செய்த பதிவு: 1302017
அய்யா இந்த விருத்துக்காகவும் ஒரு முறைகூட ஜனாதிபதியாகவும் ஒரு வாய்ப்பு கிடைக்குமா என்று தான் இந்த காங்கிரஸ் காரர் ஆளும் பி ஜே பி க்கு முட்டு குடுத்துவந்தார்.அன்றே மக்கள் நினைத்தது தான் இவருக்கு ஏதோ இந்த அரசு குடுக்க போகிறது என்று. இதோ இன்று கிடைத்துவிட்டது.

Sponsored content · Sponsored content

பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

Re: பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

Re: பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

Re: பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

Re: பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

Re: பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

Re: பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

Re: பிரணாப் முகர்ஜிக்கு பாரத ரத்னா விருது: குடியரசுத் தலைவர் ராம்நாத் கோவிந்த் வழங்கினார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக