சென்னை கடலில் மூழ்கும் அபாயம்; ஐநா எச்சரிக்கை!!

சென்னை கடலில் மூழ்கும் அபாயம்; ஐநா எச்சரிக்கை!!


உலக நாடுகள் வாகனங்களில் இருந்து வெளியேறும் கார்பன் டை ஆக்சைடு என்ற நச்சு வாயுவினால் மிகவும் பாதிக்கப்பட்டுள்ளன. இதில் மிகவும் பாதிக்கப்பட்டுள்ள நாடுகள் சீனா, இந்தியா, அமெரிக்கா, ஐரோப்பிய நாடுகள் என்று தெரிய வந்துள்ளது.


பருவநிலை மாற்றங்களுக்கான நாடுகள் இடையிலான கமிட்டியானது அறிக்கை ஒன்றை தயாரித்து ஐநாவில் சமர்ப்பித்துள்ளது. அந்த அறிக்கையில் எந்தெந்த நாடுகளில் கார்பன் டை ஆக்சைடு அதிகரித்து வருகிறது. அதனால் அந்த நாடுகளுக்கு ஏற்படும் பாதிப்புகள் குறித்து விளக்கம் அளித்துள்ளது.

ஏற்கனவே கார்பன் டை ஆக்சைடினால் உலக அளவில் வெப்பம் அதிகரித்து, கடலில் இருக்கும் ஐஸ் மலைகள் உருகி வருகின்றன என்று ஆய்வுகள் வெளியாகி வருகிறது. வடக்கு துருவத்தில் இருக்கும் நிரந்தர பனிக்கட்டிகள் உருகி இந்த நூற்றாண்டின் முடிவில் கடல் மட்டம் அதிகரிக்கும் என்று ஏற்கனவே செய்திகள் வெளியாகியுள்ளது.

சென்னையில் குறட்டை போடும் ரியல் எஸ்டேட்!!

இந்த நிலையில்தான், இந்த அறிக்கையும் ஐநாவில் தாக்கல் செய்யப்பட்டுள்ளது. சீனா, அமெரிக்கா, இந்தியா, ஐரோப்பிய நாடுகள் பெரிய அளவில் பாதிக்கப்படும் என்று தெரிய வந்துள்ளது. இந்த நாடுகளின் கடல் மட்டம் அதிகரித்து, நகரங்கள் அழியும் சூழல் ஏற்படும் என்று அந்த அறிக்கையில் எச்சரிக்கப்பட்டுள்ளது. ஆனாலும், அந்த நாடுகள் இதைத் தடுக்க எந்த நடவடிக்கைகளையும் எடுக்கவில்லை என்று தனது கவலையையும் பதிவு செய்துள்ளது.

சென்னை: குழந்தை மூக்கில் இருந்து 8 வடிவிலான ஸ்பாஞ்ச் நீக்கம்!!

உலகிலேயே புதைபடிவ எரிபொருள் அடிப்படையிலான உமிழ்வுகள் இந்த நாடுகளில் இருந்துதான் வெளியாகிறது என்று தெரிவித்துள்ளது.

இந்தியாவில் மும்பை, சென்னை, கொச்சி நகரங்களும், அமெரிக்காவில் நியூயார்க், மியாமி ஆகிய நகரங்களும், சீனாவில் ஷாங்காய், நிங்போ, தைலைவ் போன்ற நகரங்களும், ஐரோப்பாவில் ஆம்ஸ்டர்டாம், வெனிஸ், ஹம்பர்க் ஆகிய நகரங்களும் கடல் மட்டம் அதிகரிப்பினால், கடலுக்குள் முழ்கும் அபாயம் உள்ளது என்று குறிப்பிடப்பட்டுள்ளது.

எனவே பாதிப்புக்குள்ளாகும் நாடுகள் தங்களது நாடுகளில் இருந்து கார்பன் டை ஆக்சைடு அதிகளவில் வெளியேறாமல், எரிபொருள் பயன்பாட்டை சிக்கனமாக பயன்படுத்தினால் மட்டுமே ஆபத்தில் இருந்து தப்பிக்க முடியும்.

இதன் அறிகுறியாகத்தான் ஏற்கனவே கடலில் மீன் வளம் குறைந்து, அடிக்கடி புயல் ஏற்பட்டு, கடல் அருகே வசிப்பவர்களில் லட்சக்கணக்கோர் இடம் பெயர்வது நடந்து வருகிறது.

தமிழ்நாடு, ஆந்திரா, கேரளா போன்ற மாநிலங்களை ஒட்டிய கடல் பகுதியில், 2100 ஆம் ஆண்டுக்குள், கடலின் மட்டம் 2.8 அடி உயரம் என்று குறிப்பிட்டு இருந்தார். அதாவது இந்த மூன்று மாநிலங்களையும் ஒட்டிய 800 கி.மீட்டர் தொலைவிற்கான கடல் பகுதியில் இந்த பாதிப்பு இருக்கும் என்று குறிப்பிட்டு இருந்தார். ஐதராபாத்தை இருப்பிடமாகக் கொண்டு செயல்படும், கடல் தகவல் சேவைகளுக்கான இந்திய தேசிய மையம் இந்த தகவலை தெரிவித்து இருப்பதாக குறிப்பிட்டு இருந்தார்.

நன்றி சமயம்

ரமணியன்