வங்க கடலில் உருவாகிறது காற்றழுத்த தாழ்வு பகுதி: பருவமழை தீவிரமடையும்

**ayyasamy ram** · **ayyasamy ram** Mon Aug 03, 2020 7:49 am

சென்னை வானிலை ஆய்வு மையம் வெளியிட்ட அறிவிப்பு:

வங்க கடலின் வடக்கு பகுதியில், புதிய காற்ற ழுத்த
தாழ்வுப்பகுதி, நாளை உருவாக வாய்ப்புள்ளது. இதன்
காரணமாக, தென்மேற்கு பருவ மழை மேலும்
தீவிரமடையலாம் என, எதிர்பார்க்கப்படுகிறது.

தெற்கு ஆந்திரா, தெற்கு கர்நாடகா பகுதிகளில், வளிமண்டல
மேலடுக்கு சுழற்சி காணப்படுகிறது.

அதனால், அடுத்த, 48 மணி நேரத்தில், திருவள்ளூர், வேலுார்,
விழுப்புரம், கடலுார், கோவை, தர்மபுரி, கிருஷ்ணகிரி,
திண்டுக்கல், திருப்பூர், திருச்சி, கரூர், மதுரை, தஞ்சை, திருவாரூர்,
நாகை, புதுக்கோட்டை,சிவகங்கை, விருதுநகர், தென்காசி
மாவட்டங்களில், மிதமான மழை பெய்ய வாய்ப்புள்ளது.

நீலகிரி மாவட்டத்தில், ஒரு சில இடங்களில், இடி, மின்னலுடன்
கன மழை பெய்யலாம்.

மன்னார் வளைகுடா, அந்தமான் கடல் பகுதி, வடக்கு மற்றும்
மத்திய வங்க கடல் பகுதிகளில் பலத்த காற்று, மணிக்கு,
50 கி.மீ., வேகத்தில் வீசலாம்.தென் தமிழக கடலோர பகுதிகளில்,
கடல் அலை, 3.9 மீட்டர் வரை எழும்பும். எனவே, மீனவர்கள் கடலுக்கு
செல்ல வேண்டாம் என, அறிவுறுத்தப்படுகின்றனர்

.சென்னை மற்றும் புறநகர் பகுதிகளில், வானம் மேகமூட்டமாக
காணப்படும்;

ஒரு சில பகுதிகளில் இடி, மின்னலுடன் மழை பெய்ய வாய்ப்புள்ளது.
இவ்வாறு, அதில் கூறப்பட்டுள்ளது.

தினமலர்

SK · SK Mon Aug 03, 2020 9:36 am

அப்ப சென்னைல மழை பெய்துதா
சோகம்

**T.N.Balasubramanian** · **T.N.Balasubramanian** Mon Aug 03, 2020 5:07 pm

மாம்பலத்தில் மழை பெய்ததாக செய்தி.
நானிருக்கும் மாம்பலத்தில் நீர் தெளித்தார் போல் இருந்தது.

ரமணியன்

**ayyasamy ram** · **ayyasamy ram** Mon Aug 03, 2020 5:52 pm

T.N.Balasubramanian wrote:மாம்பலத்தில் மழை பெய்ததாக செய்தி.
நானிருக்கும் மாம்பலத்தில் நீர் தெளித்தார் போல் இருந்தது.

ரமணியன்

மேற்கோள் செய்த பதிவு: 1326492
-
சென்னையில் விடிய விடிய வெளுத்து வாங்கிய மழை - தினத்தந்தி(ஆகஸ்ட் 03, 2020, 08:46 AM)
-
சென்னையில் விடிய விடிய பரவலாக கன மழை வெளுத்து வாங்கியது.
சைதாப்பேட்டை, அடையார், அண்ணா சாலை, திருவல்லிக்கேணி,
பெசன்ட் நகர், திருவான்மியூர், தேனாம்பேட்டை, கிண்டி ஆகிய இடங்களில்
நல்ல மழை பெய்தது.

ஆங்காங்கே விட்டு விட்டு கன மழை பெய்தாலும், தொடர்ந்து சாரல்
மழையும் நீடித்து வருகிறது.
-

**ayyasamy ram** · **ayyasamy ram** Mon Aug 03, 2020 5:52 pm

**T.N.Balasubramanian** · **T.N.Balasubramanian** Tue Aug 04, 2020 4:45 pm

மழை வந்தால் நலம்தான்.

ரமணியன்

**krishnaamma** · **krishnaamma** Tue Aug 04, 2020 6:35 pm

இங்கு பெங்களூரிலேயும் காலை முதல் இருட்டிக்கொண்டு இருக்கிறது...ஆனால் மழை இல்லை...ஒருவேளை சிட்டி இல் பெய்ததோ என்னவோ...

**T.N.Balasubramanian** · **T.N.Balasubramanian** Wed Aug 05, 2020 5:10 pm

தோட்ட கம்மனஹள்ளி பகுதியிலும் மழை இல்லையாம்.
ஜெய்நகர் டீ பிளாக்கில் மழை.

பெங்களுருவின் அதிசயம் இதுதான்.
8மெயின் 7கிராஸ்ஸில் மழை பெய்யும்
7த் மெய்ன் 8த் கிராஸில் மழை பெய்யது.

ரமணியன் ஒன்னும் புரியல