ஸ்ரீ வைஷ்ணவத்தில் பறவைகளுக்கு முக்கியமான இடம் உண்டு

**ayyasamy ram** · **ayyasamy ram** Fri Dec 25, 2020 6:49 am

ஸ்ரீ வைஷ்ணவத்தில் பறவைகளுக்கு முக்கியமான
இடம் உண்டு என்பது கதை கதையாகச் சொல்லப்
பட்டிருக்கின்றது.

ஓர் யுகத்தில் திருவரங்கமே மண் மூடிக் காணாமல்
போய்விட்டதாம். அப்போது விஷ்ணுதர்மா என்ற அரசன்
ஆண்டு வந்தான். அவன் ஒரு நாள் காட்டில் ஒரு
மரத்தடியில் ஓய்வெடுக்க உட்கார்ந்தான்.

மேலே இரு கிளிகள் பேசிக் கொண்டிருந்தன. அவற்றில்
ஒரு கிளி ஒரு ஸ்லோகம் சொல்லியது.

அதன் பொருள் : அங்கே விரஜை; இங்கே காவிரி; அங்கே
நாராயணன்; இங்கே அரங்க நாதன்; அங்கே பரம்; இங்கே
திருவரங்கம்.

விஷ்ணுதர்மா “இங்கே என்றால் எங்கே?” எனக் கேட்டான்.
அதற்கு அக்கிளி “இம் மரத்தடியில் தோண்டிப் பார்” என்றது.

அவன் தோண்டினான்.
அங்கே அரங்கன் கோயில் இருக்க மீண்டும் திருவரங்கம்
கிடைத்தது.

இதே போல் இன்னொரு கதை உண்டு.

ஒரு முறை அந்நியர் படையெடுப்பு நிகழ நம்மாழ்வார்
திருவிக்ரகத்தைக் காப்பாற்றி ஒரு பள்ளத்தாக்கில் கொண்டு
போய் மண்மூடி மறைத்து வைத்தனர்.

பிறகு படையெடுப்பு அகல அதை எடுத்து வர அப்பள்ளத்தாக்கில்
இறங்கவே அச்சப்பட்டனர். அப்போது ஆழ்வாரப்பன் என்பவர்
துணிச்சலாக இறங்கித் தேடினார்.

நீண்ட நேரம் தேடியும் கிடைக்கவில்லை. அப்போது ஒரு கருடப்
பறவை ஓரிடத்தில் உட்கார்ந்து கொண்டு ‘சடகோபா, சடகோபா’
என்றது. அந்த இடத்தில் தோண்ட திருவிக்ரகம் கிடைத்ததாம்.

இவ்வாறு பறவைகள் கூட பெருமாளின் பெருமையை
உணர்ந்துள்ளனவாம்.
-
நன்றி- வளவ.துரையன்
திண்ணை- இணைய வாரப்பத்திரிகை

**ayyasamy ram** · **ayyasamy ram** Fri Dec 25, 2020 7:05 am

ஸ்ரீ வைஷ்ணவத்தில் பறவைகளுக்கு முக்கியமான இடம் உண்டு 5CecRbAS8K0xi6GaY6QK+250px-Blackdrongo2

ஸ்ரீ வைஷ்ணவத்தில் பறவைகளுக்கு முக்கியமான இடம் உண்டு

ஸ்ரீ வைஷ்ணவத்தில் பறவைகளுக்கு முக்கியமான இடம் உண்டு

Re: ஸ்ரீ வைஷ்ணவத்தில் பறவைகளுக்கு முக்கியமான இடம் உண்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக