தமிழக முதல்வர் மாண்புமிகு மு .க .ஸ்டாலின் வாழ்க! கவிஞர் இரா.இரவி !

**eraeravi** · **eraeravi** Sat May 22, 2021 11:39 am

தமிழக முதல்வர் மாண்புமிகு மு .க .ஸ்டாலின் வாழ்க!
கவிஞர் இரா.இரவி !

முத்தமிழ் அறிஞர் கலைஞரின் புதல்வரே
முத்திரைப் பதிக்க முதல்வரே வருகவே!

உன் காலம் பொற்காலம் எனும் அளவிற்கு
உன் வரலாறு சகாப்தம் படைக்கட்டும்!

கொடிய கொரோனா உலகை விட்டு ஒழியட்டும்
கொண்ட கொள்கையில் குன்றென நின்றிடுக!

எல்லோருக்கும் எல்லாம் கிடைக்கட்டும்
ஏழைகளின் வாழ்வு வளம் பெருகட்டும்!

வேலைவாய்ப்புகள் பெருமளவில் பெருகட்டும்
வேதனை நீங்கி மக்கள் மகிழ்வோடு வாழட்டும்!

அரசுப்பணியாளர்களின் அல்லல் தீரட்டும்
அனைவருக்கும் சுகவாழ்வு நிரந்தரமாகட்டும்!

படிப்படியாக வளர்ந்து உச்சம் தொட்டாய்
பாமரரின் துயரம் நன்கு அறிந்திடுவாய்!

சொன்னதைச் செய்வாய் என்ற நம்பிக்கையுண்டு
செய்யப் போவதைத்தான் உன் உதடுகள் சொன்னது!

வசை மாரி பொழிந்தவர்கள் மவுனமானார்கள்
வானளாவிய வெற்றியால் வாய் மூடினார்கள்!

சோதிடம் கணித்த பொய்யர்கள் ஓடி ஒளிந்தனர்
சோதிடம் பொய் என்பதை மெய்ப்பித்துக் காட்டினாய்!

முதல்வராக முடியாது என்று சவால் விட்டவர்கள்
மூலையில் குத்த வைத்து உட்கார்ந்து விட்டார்கள்!

தந்தை பெரியாரின் வழியில் ஆட்சி நடக்கட்டும்!
தந்தை பெரியாரின் கனவுகள் யாவும் நனவாகட்டும்!

அறிஞர் அண்ணா வழியில் ஆட்சி மலரட்டும்
அறிவார்ந்த செயல்கள் நாளும் நடக்கட்டும்!

முத்தமிழ் அறிஞர் கலைஞர் வழியில் ஆட்சி நடக்கட்டும்
முத்தமிழுக்கு முன்னுரிமையை ஆட்சி வழங்கட்டும்!

விலைவாசி குறைந்திட நடவடிக்கை எடுங்கள்
விண் தொட்ட எரிபொருள் விலையும் குறையுங்கள்!

நாடு போற்றும் நல்லாட்சி தொடரட்டும்
நாடே வியந்து பார்க்குது உந்தன் வெற்றியை!

Guest · Guest Sat May 22, 2021 2:40 pm

வாழட்டும்-வாழட்டும்.அவ்வளவு அவசரமாக எதையும் சொல்வதற்கில்லை.முதலில் கொரொனா முடிய வேண்டும்.சிறப்பான கொரொனா நடவடிக்கைகள் முடிந்த பின்னர் சவால் அதிகம் இருக்கிறது.

அரசு நிர்வாகத்தில் காலத்திற்கு ஏற்ப மாற்றங்கள் செய்ய வேண்டியது தான். அதற்காக, எடுத்தோம், கவிழ்த்தோம் என்று செயல்படுவது சரியாக இருக்காது. அந்தந்த துறை சார்ந்தோரிடம் ஆலோசனை கேட்டு, அதற்கேற்ப முடிவுகள் எடுக்கப்பட வேண்டும்.

சோதிடம் பொய்யா மெய்யா தெரியாது. ஆனால் சிலர் வருவார் எனவும் சிலர் வரமாட்டார் எனவும் சொன்னார்களே!வரமாட்டார் என சொன்ன சிலரை ஆய்வு செய்த போது அவர்கள் அ.தி.மு.க வை சேர்ந்தவர்களாக இருந்தார்களே!

கருணாநிதி செய்த தவறுகளுக்கு-ஊழலுக்கு...பரிகாரம் தேட வேண்டும்-சரிசெய்ய வேண்டும்.சவால்கள் அதிகம்.

எல்லாக் கவிதைகளையும் ஒரே பதிவாகப் போட்டிருந்தால் நன்றாக இருந்திருக்கும்.எல்லாரும் கவிதையில் ஆர்வம் உள்ளவர்களாக இருக்க வாய்ப்பில்லை.

தமிழக முதல்வர் மாண்புமிகு மு .க .ஸ்டாலின் வாழ்க! கவிஞர் இரா.இரவி ! 1571444738

தமிழக முதல்வர் மாண்புமிகு மு .க .ஸ்டாலின் வாழ்க! கவிஞர் இரா.இரவி ! 1571444738

Guest · Guest Sat May 22, 2021 2:49 pm

கூடாது.அவர் செய்த தவறுகளை திருத்தி ஆட்சி செய்ய வேண்டும்.முதலில் ஊழல்-சொந்தங்களைக் காப்பாற்ற முயற்சி செய்தது-உறவுகளுக்கு முன்னுரிமை........பல நூறு தவறுகள் அவற்றை சரி செய்ய வேண்டும்.

முத்தமிழுக்கு முன்னுரிமை கொடுத்தார். மாற்றுக் கருத்து இல்லை.ஆட்சியில் தமிழுக்கு..?

முதலில் அமைச்சர்கள்/எம்.எல்.ஏ.க்கள் செய்யும் தவறுகள்,அவசரம் சரிசெய்யப்படுவது அவசியம்.அவசரமாக வார்த்தைகளை விடுவது,பதவியை வைத்து மிரட்டுவது தொடரும் நிலையில் அவற்றுக்கு அக்கறை காட்ட வேண்டும்.
தமிழக முதல்வர் மாண்புமிகு மு .க .ஸ்டாலின் வாழ்க! கவிஞர் இரா.இரவி ! 1571444738

கவிதைகள்

தமிழக முதல்வர் மாண்புமிகு மு .க .ஸ்டாலின் வாழ்க! கவிஞர் இரா.இரவி ! 3838410834

Sponsored content · Sponsored content

தமிழக முதல்வர் மாண்புமிகு மு .க .ஸ்டாலின் வாழ்க! கவிஞர் இரா.இரவி !

தமிழக முதல்வர் மாண்புமிகு மு .க .ஸ்டாலின் வாழ்க! கவிஞர் இரா.இரவி !

Re: தமிழக முதல்வர் மாண்புமிகு மு .க .ஸ்டாலின் வாழ்க! கவிஞர் இரா.இரவி !

ஸ்டாலின் கவிஞர் இரா.இரவி

Re: தமிழக முதல்வர் மாண்புமிகு மு .க .ஸ்டாலின் வாழ்க! கவிஞர் இரா.இரவி !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக