இதயத்தை பலப்படுத்தும் துளசி

துளசி மூலிகை செடி. இந்தியா, இலங்கை போன்ற நாடுகளில்
அதிகம் காணலாம். 50 சென்டி மீட்டர் வரை வளரக் கூடிய
இச்செடியின் அனைத்துப் பாகங்களும் மருத்துவக் குணம்
கொண்டவை.

வீடு முற்றங்களில் துளசி செடியை வைத்து பூஜிப்பது இன்றும்
வழக்கத்தில் உள்ளது.

*துளசிச் செடி சுற்றிலுமுள்ள விஷக் கிருமிகளைக் கொல்லும்,
விஷப்பூச்சிகளை விரட்டியடிக்கும். அத்துடன் நாம் வெளியிடும்
கரியமில வாயுவை உட்கொண்டு நமக்கு வேண்டிய
தூய்மையான பிராண வாயுவை அதிக அளவில் வெளியிடுகிறது.

*துளசிச் செடிகள் இருக்கும் இடத்தில் பாம்பு, தேள் போன்ற
விஷ ஜந்துக்களும் ஏன் கொசுக்கள் கூட அதிகமாக
அணுகுவதில்லை.

*துளசியை பறித்து சுத்தமாகக் கழுவி தண்ணீரில் குறைந்த
பட்சம் எட்டு மணி நேரம் ஊறவைத்து பிறகு அந்த இலைகளை
கசக்கிப் பிழிந்து எடுத்து அந்த நீரை பருகினால் கல்லீரல்,
மண்ணீரல் நோய்கள் அணுகாது.

*கொஞ்சம் துளசியை எடுத்துச் சுத்தம் செய்து சற்று ஆவியில்
காட்டிக் கசக்கிப் பிழிந்து ஒரு தேக்கரண்டி அளவு குழந்தைக்குக்
கொடுத்துப் பாருங்கள். சளி, ஜுரம் போன்ற அனைத்து
நோய்களும் குணமாகிவிடும்.

*காதில் குத்தல், குடைச்சல் ஏற்பட்டால் துளசிச் சாற்றைக் காதில்
விட்டால் உடனே குணமாகிவிடும்.

*கொஞ்சம் துளசியை பாலை விட்டு நன்றாக அரைத்துப் பாலில்
கரைத்துக் கொண்டுசாப்பிட்டால், உடனே வாந்திபேதி நின்று
விடும்.

*அடிக்கடி சளிப்பிடித்துக் கொண்டு தொந்தரவு செய்தால்
ஐந்தாறு துளசி இலையுடன் சிறிதளவு இஞ்சியையும் சேர்த்து
மென்று தின்று வெந்நீர் குடிக்கவும். இவ்வாறு இரண்டு மூன்று
தினங்கள் காலை, மாலை சாப்பிட்டு வந்தால் குணமாகும்.

*தலைப் பேன்களுக்கு இந்தத் துளசி வாசனை அடியோடு
பிடிக்காது. அதனால் துளசியை நிறைய பறித்து சுத்தம் செய்து
தலையணையின் மேல் பரப்பி ஒரு வெள்ளைத் துணியால் மூடி,
அதன் மீது தலையை வைத்துத் தூங்கவும்.

சீக்கிரத்தில் தலையிலிருக்கும் பேன்கள் எல்லாம் இறங்கத்
தொடங்கி விடும். இவ்வண்ணம் இரண்டு மூன்று தினங்கள்
செய்து வந்தால் தலையிலுள்ள பேன்கள் அனைத்தும் அடியோடு
அகன்று விடும்.

*துளசியை எலுமிச்சம் பழச்சாறு விட்டு அரைத்து படர் தாமரைப்
புண்களுக்குப் போட்டு வந்தால் குணமாகும்.

*துளசிச் சாறுடன் தேனைக் கலந்து அதில் கொஞ்சம்
வெந்நீரையும் விட்டுக் கலக்கி நாள்தோறும் காலையில்,
மாலையில் வெறும் வயிற்றில் சாப்பிட்டால் இதயம் பலப்படும்.

- ஆர்.ஜெயலெட்சுமி, திருநெல்வேலி.
நன்றி-குங்குமம் தோழி

துளசியின் அருமை அனுபவித்தவர்களுக்கு தெரியும்.

கருந்துளசியின் வீர்யம் அதிகம்.