'ஒயின்' குடித்துவிட்டு வாகனம் ஓட்டலாமா? மும்பை போலீசார் பதிலுக்கு குவியும் பாராட்டு!

மும்பை
-'ஒயின் குடித்துவிட்டு வாகனம் ஓட்டினால் தவறில்லையா?' என,
சமூக வலைதளம் வாயிலாக மும்பை போலீசாரிடம் கேள்வி எழுப்பிய
நபருக்கு, போலீசார் அளித்துள்ள பதில் பல்வேறு தரப்பிலும்
பாராட்டுகளை குவித்து வருகிறது.

இரட்டிப்பு லாபம்

மஹாராஷ்டிராவில் முதல்வர் உத்தவ் தாக்கரே தலைமையில் சிவசேனா,
காங்கிரஸ், தேசியவாத காங்., கூட்டணி ஆட்சி நடக்கிறது. இந்த மாநிலத்தில்
பல்பொருள் அங்காடிகள் மற்றும் சாதாரண கடைகளிலும் ஒயின் எனப்படும்
மதுபான வகையை விற்பனை செய்ய மாநில அரசு சமீபத்தில் அனுமதி
அளித்தது.

இதற்கு பல்வேறு தரப்பிலும் ஆதரவும், எதிர்ப்பும் கிளம்பி உள்ளது.இது குறித்து
சிவசேனா எம்.பி., சஞ்சய் ராவத் விளக்கம் அளித்தார்.

அவர் கூறியதாவது:ஒயின் மதுபான வகையினில் சேராது. திராட்சை, கொய்யா
உள்ளிட்ட பழங்களில் இருந்து தயாராகிறது. இதை அனைத்து கடைகளிலும்
விற்பனை செய்வதால் விவசாயிகள் இரட்டிப்பு லாபம் அடைகின்றனர்; பா.ஜ.,
மட்டும் தான் இதை எதிர்க்கிறது.இவ்வாறு அவர் கூறினார்.

இந்நிலையில் மும்பை போலீசின் சமூக வலைதள கணக்கில், மும்பையை
சேர்ந்த நபர் ஒருவர் கேள்வி எழுப்பினார். வாடகை வாகனம்அதில்,
'நான் ஒயின் குடித்துவிட்டு வாகனம் ஓட்டினால் போலீசார் என்னை கைது செய்வரா
அல்லது அருகில் இருக்கும் மதுபான கூடத்துக்கு வழி சொல்லி அனுப்பி வைப்பரா?'
என, கேள்வி எழுப்பினார்.

இதற்கு மும்பை போலீசார் அளித்த பதில்:நீங்கள் ஒயின் அருந்திய பின் பொறுப்புள்ள
குடிமகனாக வாடகை வாகனத்தில் பயணம் செய்யவே நாங்கள் பரிந்துரைப்போம்.
ஒருவேளை நீங்கள் வாகனம் ஓட்டி வந்து எங்களிடம் பிடிபட்டால், உங்கள் உடலில் உள்ள
ஒயின் அளவை கணக்கிட்ட பின் எங்கள் விருந்தாளியாக வந்து நீங்கள் கம்பி எண்ண
நேரிடும்.இவ்வாறு பதில் அளித்தனர்.

நகைச்சுவையுடன் கூறினாலும், சொல்ல வந்த கருத்தை தெளிவாக கூறிய மும்பை
போலீசாரின் பதிலுக்கு பலரும் பாராட்டுகளை தெரிவித்து வருகின்றனர்.

தினமலர்

ஒயினாக இருந்தாலும் அளவுக்கு அதிகமாகப் போகக் கூடாது என்று தெளிவுபடுத்தியது சிறப்பு!

ஒயின் பழரசம் என்று கூறினாலும் ஆல்கஹால் ஓரளவு கலந்தே இருக்கிறது.
ஒரு கோப்பையில் குடியிருப்பு பரவாயில்லை ஆனால் கோப்பையே ..... பெரிய அளவாக இருக்கும் போது ..........ஆல்கஹாலின் தாக்கம் அதிகமாகத்தான் இருக்கும்.

ஒயின் ---திராக்ஷை ரசம்தானே என்பவர்களுக்கு திராக்ஷை ரசம் வீட்டிலேயே மிக்சியில்
சாறாக்கி குடிக்கவேண்டியதுதான்.    இது வேண்டாம்.

இதற்கு மும்பை போலீசார் அளித்த பதில்:நீங்கள் ஒயின் அருந்திய பின் பொறுப்புள்ள
குடிமகனாக வாடகை வாகனத்தில் பயணம் செய்யவே நாங்கள் பரிந்துரைப்போம்.
ஒருவேளை நீங்கள் வாகனம் ஓட்டி வந்து எங்களிடம் பிடிபட்டால், உங்கள் உடலில் உள்ள
ஒயின் அளவை கணக்கிட்ட பின் எங்கள் விருந்தாளியாக வந்து நீங்கள் கம்பி எண்ண
நேரிடும்.இவ்வாறு பதில் அளித்தனர்.

சூப்பர்.....