பணமதிப்பிழப்பு-அரசியல் சாசன அமர்வு விசாரணை

உச்ச நீதிமன்ற அரசியல் சாசன அமர்வு நீதிபதிகள் எஸ். அப்துல் நசீர், பி.ஆர்.கவாய், ஏ.எஸ். போபண்ணா, வி. ராமசுப்ரமணியம் மற்றும் பி.வி. நாகரத்னா ஆகியோர் வெள்ளிக்கிழமை, இந்திய அட்டர்னி ஜெனரல் (‘ஏஜிஐ’), ஆர். வெங்கடரமணியிடம், இந்திய ஜனாதிபதியின் பெயரில் பணமதிப்பு நீக்க அறிவிப்பு ஏன் வெளியிடப்படவில்லை என்பதை விளக்குமாறு கேட்டனர்.

நவம்பர் 8, 2016 அன்று மத்திய அரசின் பணமதிப்பிழப்பு முடிவை எதிர்த்து 2016 இல் தாக்கல் செய்யப்பட்ட மனுக்களை ஐந்து நீதிபதிகள் கொண்ட அமர்வு விசாரித்து வருகிறது.

மனுதாரர்களில் ஒருவரான வழக்கறிஞர் விப்லவ் ஷர்மா நேரில் ஆஜராகி, மத்திய அரசின் அனைத்து செயல்களையும் குடியரசுத் தலைவரின் பெயரால் செய்ய வேண்டும் என்று பெஞ்சில் தெரிவித்தார்.

சர்மா வாதிட்டார், “இந்திய ரிசர்வ் வங்கி சட்டம், 1934 இன் பிரிவு 26(2) இன் கீழ் இந்திய அரசாங்கத்தால் வெளியிடப்பட்ட அறிவிப்பு, அரசியலமைப்புச் சட்டப் பிரிவு 77(1) க்கு எதிரானது.”
பிரிவு 26(2) இன் படி, இந்திய அரசிதழில் உள்ள அறிவிப்பின் மூலம், மத்திய அரசு எந்தவொரு மதிப்பிலான வங்கி நோட்டுகளின் தொடர்ச்சியையும் சட்டப்பூர்வமாக செல்லாது என அறிவிக்க முடியும். சட்டப்பிரிவு 77(1) மத்திய அரசின் அனைத்து நிர்வாக நடவடிக்கைகளும் ஜனாதிபதியின் பெயரில் இருக்க வேண்டும் என்று கூறுகிறது.

இந்த கேள்வியால் ஆச்சரியமடைந்த AGI, அதை விளக்குவதற்கு நேரம் கோரினார்.

வழக்கறிஞர் பிரசாந்த் பூசன், மார்ச் 31, 2017க்குள் தங்கள் பணத்தை மாற்ற முடியாத அனைவருக்கும் இடமளிக்க ஒரு பொது உத்தரவை பிறப்பிக்குமாறு பெஞ்சைக் கோரினார்.

நீதிபதி கவாய் மனுதாரர்களில் ஒருவரைக் குறிப்பிட்டு, அவரது கணவர் கோமாவில் இருந்தார். இறுதி நாளுக்குப் பிறகு அவர் இறந்தார். அவரது மரணத்திற்குப் பிறகு மனைவி பணத்தை கண்டெடுத்தார். எனவே காலக்கெடுவுக்குள் பணமதிப்பிழப்பு செய்யப்பட்ட நாணயத்தை மாற்ற முடியவில்லை,என்றார்.

அடுத்த விசாரணை டிசம்பர் 5ஆம் தேதி நடைபெறும்.

ஜல்லிக்கட்டு தடை விசாரணையும் தொடங்கியது.
உச்ச நீதிமன்றத்தின் ஐந்து நீதிபதிகள் கொண்ட அரசியல் சாசன அமர்வு, 2017 ஆம் ஆண்டு விலங்குகள் வதை தடுப்புச் சட்டம் (தமிழ்நாடு திருத்தம்) மற்றும் 2017 ஆம் ஆண்டின் விலங்குகள் வதை தடுப்பு (ஜல்லிக்கட்டு நடத்துதல்) விதிகளை எதிர்த்து தொடரப்பட்ட மனுக்களை வியாழக்கிழமை விசாரிக்கத் தொடங்கியது.

கூடவே கர்நாடகாவின் தட்சிண கன்னடா மாவட்டத்தில் ஆண்டுதோறும் கொண்டாடப்படும் ‘கம்பாலா’ விழா மற்றும் காளை வண்டிப் பந்தயத்தை அனுமதிக்கும் மகாராஷ்டிர அரசின் சட்டங்களும் சேர்த்து விசாரிக்கப்படுகிறது.

2016 ஆம் ஆண்டு, தமிழகத்தில் காளைகளை அடக்கும் விளையாட்டான ஜல்லிக்கட்டுக்கு அனுமதி அளித்து மத்திய அரசு ஒரு அறிவிப்பை வெளியிட்டது. இந்த அறிவிப்பை எதிர்த்து தாக்கல் செய்யப்பட்ட மனுக்கள் உச்ச நீதிமன்றத்தில் நிலுவையில் இருந்த நிலையில், ஜனவரி 31, 2017 அன்று குடியரசுத் தலைவரின் ஒப்புதலைப் பெற்ற விலங்குகள் வதை தடுப்புச் சட்டம் (தமிழ்நாடு திருத்தம்) 2017 நிறைவேற்றப்பட்டது.

2014 இல் உச்ச நீதிமன்றத்தின் தீர்ப்புக்கு மாநிலச் சட்டம் முரணானது என்று லூத்ரா சமர்பித்தார். லுத்ராவின் வாதங்கள் அன்றைக்கு முடிவடையாமல் இருந்தன. பெஞ்ச் இந்த வழக்கை அடுத்த வாரம் செவ்வாய்க்கிழமை விசாரிக்கும்.
(GK பக்சி)