கலி யுகம்

சரவணன் · சரவணன் Tue Feb 23, 2010 12:20 pm

கலியுகம்:யுகங்களில்,
இருண்டகாலம் எனப்படும் கடைசி காலகட்டமாகும்.மற்றவை கிருத யுகம் (அல்லது)
சத்திய யுகம்,திரேதா யுகம், துவாபர யுகம்.இவற்றின் காலவரையாக கூறப்படுபவை:

கிருதயுகம் - 17 லட்சத்து 18 ஆயிரம் ஆண்டுகள்,
திரேதாயுகம் - 12 லட்சத்து
90 ஆயிரம் ஆண்டுகள்,
துவாபரயுகம் - 8 லட்சத்து 64 ஆயிரம் ஆண்டுகள்,
கலியுகம் - 4 லட்சத்து 36 ஆயிரம் ஆண்டுகள்.

தற்போது கலியுகம் நடப்பதாக
நம்பப்படுகிறது.கலியுகம் முடிந்ததும் மீண்டும் கிருதயுகம் ஆரம்பிக்கும்,
அடுத்து திரேதாயுகம், துவாபரயுகம், மீண்டும் கலியுகம் இவ்வாறு மீண்டும்
மீண்டும் வந்துகொண்டேயிருக்கும்.4 யுகங்களிலும் கலியுகம் மிகச் சக்தி வாய்ந்தது. கலி என்றால் சனி. கலியுகம் என்றால் சனியுகம் என்றும் நம்பப்படுகிறது. அந்த வகையில், தற்போது நடந்து வரும் அசம்பாவிதங்களின் சதவீதம் நாளுக்கு நாள் அதிகரிக்கும். பூமிப்பகுதியை கடல் ஆக்கிரமிக்கும் நிலை ஏற்படும். அடுத்தடுத்து சுனாமி வரும்.

கலியுகத்தில் மக்களின் மனநிலை எப்படியெல்லாம் மாறும், மனசாட்சிக்கு இல்லாமல் ஒருவரை ஒருவர் அழித்து வாழ்வது என்பது பற்றி சில வேதங்களிலும் கூறப்பட்டுள்ளது குறிப்பிடத்தக்கது.

மேலும் கலியுகத்தில் இவ்வாறெல்லாம் நடக்கும் எனக் கூறப்படுபவை:

* அரசர்கள் செங்கோல் தாழும்.கொடுங்கோல் ஏற்றமுறும். வரிகள் அதிகமாகும். அரசுகள் இறை
நம்பிக்கை மற்றும் வழிபாடுகளை பாதுகாக்க மாட்டார்கள். அரசே மக்களை துன்புறுத்தும். மக்கள் உணவுக்காக வேறு நாடுகளுக்காக இடம் பெயர்வர்.
* மக்கள் மனப்பான்மை: பொறாமை அதிகமாகும்;ஒருவருக்கொருவர் வெறுப்பு வளரும். கொலைகள் எந்தவொரு குற்றவுணர்ச்சியையும் ஏற்படுத்தாது.காமம் மற்றும் பாலின
ஒழுக்கமின்மை சமூகத்தில் ஏற்கப்படும்.
* ஆசிரியர்களுக்கு மதிப்பு கிடைக்காது.அவர்களுக்கு மாணவர்களால் ஆபத்து உண்டாகும்.

* இவ்யுகத்தில் உண்மைக் கடவுள் பற்றி கேள்விக்குறி, கள்ளச்சாமியார்கள், பல மதங்கள்,தீய எண்ணம்
கொண்ட இனங்கள் முன்னேறுவது என்று தீய சக்திகளின் ஆக்கிரமிப்பு
அதிகமாக இருக்கும். இவை அழிவுக்கான அத்திவாரங்கள்.
*****************************

சரவணன் · சரவணன் Tue Feb 23, 2010 12:22 pm

படித்ததில் பிடித்த கவிதை

நவ( நாகரீக) கலியுகம்...!

நுனி நாக்கில்
குழைவாய் பசப்பலாய்
நளினமாய் நாசுக்காய் வலைவீசி
எதிரியையும்
சுண்டிஇழுக்கும்
வண்ணம்; வண்ணம் பூசிய
வசீகரிக்கும் வார்த்தைகள்..

பகலுக்கே கண்கூசும்படி
பகட்டு தெரிக்கும்
நவீனத்தில் மூழ்கிய
நவ நாகரீக ஆடைகள்...

எதிர்க்கண்கள்
கவனிக்காத பொழுதில்
அவசரகதியில் அத்துமீறி
கண்ட இடங்களைத்
தொட்டுத் திரும்பும்
பசிகொண்ட பார்வைகள்....

நூற்றாண்டுகள் கடந்தும்
உள்ளே ஆழ்மனம்
கற்கால மனிதன்போல
ஆடையில்லாமல்
இன்னும் அம்மணமாய்.....

( கவிதை: துரை. ந.உ @ http://duraikavithaikal.blogspot.com)

கலி யுகம்

கலி யுகம்

Re: கலி யுகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக