உணவகம் சிந்தனை - யுகபாரதி

யமுனாஸ் · யமுனாஸ் Fri Feb 26, 2010 2:16 pm

1.
நான்குபேர் ஒன்றிணைந்து
உணவகத்தில் நுழைய
மூவர் மகிழ்ச்சியோடு
திரும்ப நேர்ந்தால்
நாலவது நபரே
பணம் செலுத்தியதென்று
சொல்லாமலேயே
தெரிந்து கொள்ளலாம்
2.
எந்த உணவகத்தில்
எது சிறப்பென்று
சிலருக்குத் தெரிந்திருக்கிறது
எல்லா உணவகத்திலும்
ஏதோ ஒன்று சிறப்பென்று
நினைத்து நுழைகிறான்
மாதச் சம்பளக்காரன்
3
கை நீட்டினாலே
தண்ணீர் வருமென்கிறார்கள்
கழுவப்படும் ஒவ்வொரு கையும்
எங்கோ ஒரு இடத்தில்
நீட்டப்பட்டதை
நினைவூட்டும் விதமாக
4.
கையேந்தி பவனிலிருந்து
காஸ்ட்லி உணவகம் வரை
நல்லதைத் தீர்மானிப்பது
நாக்குதான்.
வாக்குத் தவறினாலும்
நாக்குத் தவறுவதிலலை
நாக்கை வைத்துத்தான்
நடகின்றன
அரசியலும் உணவகமும்.
5.
மேலாளரும்
மேசை துடைப்பவனும்
ஒரே வயிற்றுக்காத்தான்
உழைக்கிறார்கள்
ஆயும் மகனும் ஒன்றானாலும்
வாயும் வயிறும் வேறு என்பதை
விளங்கிக் கொண்டவர்கள்
முதலாளியாக முடிவதில்லை

**சிவா** · **சிவா** Fri Feb 26, 2010 2:26 pm

யுகபாரதியின் கவிதைகளென்றால் அதன் வரிகளின் பிரமிப்பை சொல்லவும் வேண்டுமோ! உணவகம் சிந்தனை - யுகபாரதி 677196

kalaimoon70 · kalaimoon70 Fri Feb 26, 2010 2:31 pm

கையேந்தி பவனிலிருந்து
காஸ்ட்லி உணவகம் வரை
நல்லதைத் தீர்மானிப்பது
நாக்குதான்.
வாக்குத் தவறினாலும்
நாக்குத் தவறுவதிலலை
நாக்கை வைத்துத்தான்
நடகின்றன
அரசியலும் உணவகமும்.

உணவகம் சிந்தனை - யுகபாரதி 677196

நாக்கின் செயல்பாடு
அரசியல் நிலைப்பாடு
அனைத்து கொள்கையோடு
வார்த்தை விளையாட்டு .
அருமை