திரைத் துறையினரின் ரஜினி எதிர்ப்பு எடுபடாமல் போய்விட்டது! – இந்தியா டுடே

தென்னிந்திய சினிமாவின் பாட்ஷா! – இந்தியா டுடே


முதல்வர் விழாவில் அஜீத் பேசியதற்கு பகிரங்க ஆதரவு தெரிவித்த ரஜினிக்கு திரைத்துறையினர் காட்டிய எதிர்ப்பு எடுபடாமல் போய்விட்டது என இந்தியா டுடே வார இதழ் கருத்து தெரிவித்துள்ளது.
ஆண்டு தோறும் வெளியிடும் டாப் 50 சக்திமிக்கவர்கள் பட்டியலை இந்த முறையும் வெளியிட்டுள்ளது இந்தியா டுடே. இதில் டாடா குழுமத் தலைவர் ரத்தன் டாடா முதலிடம் பெறுகிறார். முகேஷ் அம்பானிக்கு இரண்டாமிடமும், அனில் அம்பானிக்கு மூன்றாமிடமும், கலாநிதி மாறனுக்கு 16வது இடமும் கிடைத்துள்ளது.
இந்த டாப் 50க்கு அவர்கள் தந்துள்ள அறிமுக வரிகள் இவை:
“100 கோடி மக்கள் தொகை கொண்ட இந்தியாவில் இவர்கள் வேண்டுமானால் சிறுபான்மையினராக தெரியும். ஆனால் இவர்கள் கையில்தான் அதிகாரம் இருக்கிறது…”
இந்தப் பட்டியலில்தான் ரஜினிக்கு 28 வது இடம் அளிக்கப்பட்டுள்ளது. அகில இந்திய அளவில் போடப்பட்டுள்ள பட்டியல் இது என்பது குறிப்பிடத்தக்கது.
தமிழக அளவில் முக்கிய பிரபலங்கள் என இந்த பத்திரிகை பட்டியலிட்டுள்ள 10 பேரில் கலைஞானி கமல்ஹாஸனும் ஒருவர். இந்தப் பட்டியலில் எழுத்தாளர் மனுஷ்ய புத்திரனும் உண்டு.
இந்தியாவின் பலமான முதல் 50 மனிதர்களுள் ஒருவராக ரஜினி மதிக்கப்படுவதற்கு இந்தியா டுடே கூறியுள்ள காரணங்கள் சுவாரஸ்யமானவை…

ரஜினிகாந்த் (59) நடிகர், இடம்: 28

தென்னிந்திய சினிமாவின் பாட்ஷா!
ஏனெனில், இந்தியாவிலேயே அதிக செலவில் எடுக்கப்பட்டு வரும் எந்திரன் படத்தில் நடித்து வருகிறார்.
ஏனெனில், கோலிவுட் பாராட்டு விழா, ஆர்ப்பாட்டங்களில் திரைப்பட நடிகர்கள் பங்கேற்க வற்புறுத்தப்படுவதற்கு எதிராக நடிகர் அஜீத் கொடுத்த எதிர்ப்புக் குரலுக்கு இவர் வெளிப்படையாக ஆதரவு தெரிவித்தார். திரைப்படத் துறையினர் தெரிவித்த எதிர்ப்பு எடுபடவில்லை.
ஏனெனில், ஜாக்கி சானுக்கு அடுத்தபடியாக அதிக சம்பளம் வாங்கிய நடிகர் என்ற பெருமையைப் பெற்றுள்ளார். சிவாஜிக்காக அவர் பெற்ற சம்பளம் ரூ 26 கோடி என்கிறார்கள்.
ரகசியம்: செய்வினையை தடுப்பதற்காக கடந்த 20 ஆண்டுகளாக காலில் கட்டியுள்ள கறுப்புக் கயிறு
வருந்திய நேரம்: தனது 5 வயதில் அம்மா ராம் பாய் இறந்தபோது.
உற்சாக மருந்து: பண்ணை வீட்டில் 2 மணி நேர நீச்சல்
குறிப்பு: கடந்த ஆண்டும் இந்தியா டுடே டாப் 50 செல்வாக்கு பெற்ற மனிதர்கள் பட்டியலில் இதே 28வது இடம் தந்திருந்தார்கள் ரஜினிக்கு.
இந்தியா டுடே, பல சமயங்களில் ரஜினியை கடுமையாக விமர்சனம் செய்துள்ளது நினைவிருக்கலாம். விமர்சனம் வேறு, நிதர்சனம் வேறு என்பதை இந்தியா டுடே நன்கு உணர்ந்திருக்கிறது!


http://www.envazhi.com/?p=16915

நல்ல தகவல்