மழையுடன் மீன்களும் வந்ததால் கேரள மக்கள் ஆச்சரியம்

arularjuna · arularjuna Sat Mar 20, 2010 10:35 am

பாவரட்டி:கடும் வெயிலை தொடர்ந்து, நள்ளிரவில் மீன் மழை பெய்ததால், கேரள மக்கள் ஆச்சரியமடைந்தனர்.கேரள மாநிலம், திருச்சூர் மாவட்டம் காக்கச்சேரி கிராமத்தில், நேற்று முன்தினம் இரவு பலத்த மழை பெய்தது. கடுமையான வெயிலின் தாக்குதலில் தவித்து வந்த மக்கள், நள்ளிரவில் பெய்த மழையால் மகிழ்ச்சி அடைந்தனர்.

மழையுடன் மீன் குஞ்சுகளும் வானத்தில் இருந்து பூமிக்கு வந்து விழுந்ததால், அதை பார்த்த மக்கள் ஆச்சரியமடைந்தனர். கிராமத்திலுள்ள அரசு தொடக்கப்பள்ளி அருகே வசிக்கும் சசிதரன் மற்றும் அசோகன் ஆகியோரது வீட்டு முற்றத்திலும் மீன் மழை பெய்தது.அக்குடும்பத்தைச் சேர்ந்த அஜிதா, வீட்டு முற்றத்தில் அமர்ந்திருந்தார்.

அப்போது பெய்த மழையில், முற்றத்தில் ஏதோ நெளிவதை கண்டார். அருகே சென்று பார்த்த போது, அவை மீன் குஞ்சுகள் என்பது தெரிந்தது.ஆச்சரியமடைந்த அவர், அவற்றை பாத்திரத்தில் இட்டு நீர் ஊற்றி வைத்தார். இறால் இனத்தைச் சேர்ந்த மீன் குஞ்சுகள் அவை என்பது பின்னர் தெரிந்தது.மீன் மழை பெய்த சம்பவம், அப்பகுதி மக்களிடையே பரபரப்பை ஏற்படுத்தியது.

முபிஸ் · முபிஸ் Sat Mar 20, 2010 10:39 am

அதிசியமான செய்திகளா இருக்கு

மழையுடன் மீன்களும் வந்ததால் கேரள மக்கள் ஆச்சரியம்

மழையுடன் மீன்களும் வந்ததால் கேரள மக்கள் ஆச்சரியம்

Re: மழையுடன் மீன்களும் வந்ததால் கேரள மக்கள் ஆச்சரியம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக