மூன்று வயது சிறுவன் நரபலி

arularjuna · arularjuna Tue 13 Apr 2010 - 12:05

எட்டா : உத்தரபிரதேச மாநிலத்தில் மூன்று வயது சிறுவனை நரபலி கொடுத்த கொடூர சம்பவம் நிகழ்ந்துள்ளது. உத்தரபிரதேச மாநிலம், கன்ஷிராம் நகர் மாவட்டம், ஷாபூர் கிராமத்தைச் சேர்ந்த ஓம்பால் என்ற மூன்று வயது சிறுவன் கடத்தப்பட்டதாக, அவனது தந்தை சந்திரபால், போலீசில் புகார் செய்தார். இவ்வழக்கில், நாதுராம், லயக்சிங், சோன்பால், ஜாவகரன் என்ற நான்கு பேரை போலீசார் கைது செய்தனர். லயக்சிங் என்பவர் மாந்திரீக வேலைகளில் ஈடுபட்டவர் என்று கூறப்படுகிறது. அந்தக் கிராமத்திலுள்ள கோவிலுக்கு அருகில் சிறுவனது உடல் கண்டெடுக்கப்பட்டது. லயக்சிங், சிறுவனை நரபலி கொடுத்ததாக விசாரணையில் தெரிந்தது. இதையடுத்து அப்பகுதியில் போலீஸ் பாதுகாப்பு போடப்பட்டுள்ளது. சந்திரபால் குடும்பத்தைச் சேர்ந்த வினய் என்ற நான்கு வயதுச் சிறுவனை, நான்கு பேர் இதே கோவிலில் இரண்டு மாதங்களுக்கு முன்பு நரபலி கொடுத்தனர் என்பது குறிப்பிடத்தக்கது.