லப்டப் லப்டப் லப்டப் லப்டப் இதயம் எழுப்பிடும் உயிரொலி

**T.N.Balasubramanian** · **T.N.Balasubramanian** Fri Jul 02, 2010 4:23 am

( உலக மருத்துவர் தினத்தை கொண்டாடும் வகையில் எழுதியது)

லப்டப் லப்டப் லப்டப் லப்டப் .
இதயம் எழுப்பிடும் உயிரொலி,
உதயமாகி,உயிர் பெற்ற 30 நாள் முதல்,
மீளா உறக்கம் கொள்ளும் வரை,
தாள கதியில் இயங்கிடும் இசை.
ஸ்வரம் தப்பாது,சுருதி தப்பாது இருப்பின்,
வரம் பெற்றது நீண்ட ஆயுள்
இசையை வெறுக்கும் மக்களும்,
மிசையில் விரும்பும் ஒரே இசை இதுவே.
இசை கர்த்தா யாரெனக் கேட்கின்,
இறைவன் என்றேன் நான்.!
இயற்கையின் இயக்கம் என்றான் அவன்.!!

உயரம் எவ்வளவு இருந்தாலும் ,
உடல் பருமன் எப்படி இருந்தாலும்,
அவரவர் மூடிய கை தான் ,
அவரவர் இதயத்தின் அளவும்.
Nano Technology அன்றே கண்ட ,
நாயகனாம் இறைவன் என்றேன் நான்.!
இயற்கையின் அமைப்பு என்றான் அவன் .!!

சிரைகள் கொணரும் அசுத்த இரத்தமும்,
நுரையீரல் வழி செல்ல , சுத்தமாகும்.
மறு சுத்திகரிக்கும் சுயற்சியை அன்றே கண்ட கடவுள்.
Reverse Osmosis இன் உரிமைதாரும் அவரே. என நான் கூற,
இயற்கையின் சுயற்சியை படித்ததை மறந்தனையோ என்றான்.?

தேடிப் பிடிக்கும் நாடியை பற்றி,
நொடியில் சில விஷயம் கூறவா?
ஒரு முறை, சுருங்கி-விரியும் இதய ஒலி தான்,
ஒரு நாடி துடிப்பு என்பர் மருத்துவர்.
சுருங்க ௦.3 நொடி, விரிய ௦.5 நொடி என்றால்,
௦.8 நொடியில் ஒரு துடிப்பு.
நிமிடத்திற்கு 75 துடிப்பு.-சரி தானே?
விரிந்து சுருங்கும் இதயம் ,
விரைந்து பரவும் இரத்தம் ,
தினமும் பயணம் 19ooo கி.மீ. என்றால்,
மனமும் தயங்குதே நம்ப!!
பெரிய நாளங்கள்,சிறிய நாளங்கள்,
நுண்ணியது,மிக நுண்ணியது, மிகமிக நுண்ணியது,என
தாய் நதி,கிளை நதி,உபநதிகளை ,நாளங்கள் நினைவு கூற,
ஆழ் மனமும் , எண்ணியது இறுமாப்புடன், இறைவனே
சிக்கல் இல்லா வழிப் பாதை அமைத்த No.I traffic Expert. என்று.!
சிக்கல் இல்லா கயிறு திரிக்கின்றாயா ? என்றான் அவன்.!!

இதய ஒலி நின்றால்,
இரத்த ஓட்டம் நிற்கும்.
உயர் திணை "நாமும்"
அக்றிணை "அது" ஆவோம்

இறைவன் தான் மூலவன் என்கிறேன் நான்.!
இயற்கைதான் எல்லாம் என்கிறான் அவன்.!!
இறைவா,எனக்கோர் பதில் தாயேன் என்றேன்.
இயற்கை எந்தன் புனைப்பெயர் என்றான் இறைவன்.

"ரமணீயன் "

எஸ்.அஸ்லி · எஸ்.அஸ்லி Fri Jul 02, 2010 12:19 pm

அல்ஹம்துலில்லாஹ்.பயனுள்ள செய்தி்.நன்றி். லப்டப் லப்டப் லப்டப் லப்டப் இதயம் எழுப்பிடும் உயிரொலி 678642

srinihasan · srinihasan Sat Jul 03, 2010 10:20 am

இறைவனும் இயற்கையும் ஒன்று... என்பதனை அழகிய வரிகளாக உலக மருத்துவர் தினத்தை கொண்டாடும் வகையில் மிக்க மகிழ்ச்சி... லப்டப் லப்டப் லப்டப் லப்டப் இதயம் எழுப்பிடும் உயிரொலி 677196