ஆம்பளை இல்லாம வாழ முடியாது ஆம்பளைகளோடவும் வாழ முடியாது -சுழன்று அடிக்கும் சோனா!

ஈர ஆப்பிளை ஊற வச்ச மாதிரி இருக்கிறார் சோனா. வழக்கத்தைவிட சந்தோஷம் தெறிக்கிறது பேச்சில். காரணம், கவர்ச்சி நடிகை என்பதை மீறிய ஒரு அந்தஸ்து வந்திருக்கிறது அவருக்கு! ஒரே நேரத்தில் பல படங்களை தயாரிக்கிற 'தில்' இருந்தால் அந்தஸ்து தானாகவே வந்து சேர்வது இயற்கைதானே? இந்த சந்தோஷத்திற்கு இன்னொரு காரணம், இவரது தயாரிப்பில் உருவாகிக் கொண்டிருக்கும் கனிமொழி படத்தின் பாடல் வெளியீட்டு விழா எதிர்வரும் 22 ந் தேதி நடைபெறுகிறது. முதல் ஆடியோவை முதல்வர் கலைஞர் வெளியிட, நடிகர் விஜய் பெற்றுக் கொள்கிறார்.

நான் விஜய் சாரோட ஃபேன். அவரே இந்த விழாவுக்கு வர்றது எனக்கு பெரிய சந்தோஷம் என்றார் சோனா. சரி கல்யாணம் எப்போ என்ற கேஷ¨வலான கேள்விக்கு அவர் சொன்ன பதில் செம கலாட்டா ரகம். ஆம்பிளைங்க இல்லாம வாழ முடியாது. அதுக்காக ஆம்பளைங்க கூடவும் வாழ முடியாது. நமக்கு கல்யாணம்ங்கறது இல்லவே இல்லைப்பா... .

சோனாவுக்கு 'திறந்த மனசு' என்பது நாமெல்லாம் அறிந்த விஷயம்தான். ஆனால் அதற்குள்ளே ஒரு பரந்த மனசும் இருக்கிறது என்பதற்கு மேலும் சில உதாரணங்கள். ஒரு டிரஸ்ட் துவங்கப் போகிறாராம். இதன் நோக்கம் ஆதரவற்ற விலைமாதர்களுக்கு தனி இல்லம் கட்ட வேண்டும் என்பதுதான். அது மட்டுமல்ல, இந்த டிரஸ்ட்டின் மூலம் திரையுலகை சேர்ந்த பலருக்கும் மருத்துவ கல்வி உதவிகளையும் செய்யப் போகிறாராம். 'என்னை எங்க சித்திதான் வளர்த்தாங்க. அதுமட்டுல்ல, நானும் இரண்டு வருஷம் அனாதை ஆசிரமத்தில இருந்திருக்கேன். அவங்க படுற கஷ்டம் எனக்கு தெரியும். அதனாலதான்' என்றார் சூழ்நிலைக்கு பொருந்தாத சோகத்துடன்!

தமிழ்நாட்டிலேயே கவர்ச்சியான தயாரிப்பாளர் நீங்க மட்டும்தானே என்றால், மும்பையில கூட என்னை மாதிரி யாரும் கிடையாது. வேணும்னா இந்தியாவிலேயேன்னு சொல்லுங்க என்றார் அட்டகாச சிரிப்புடன். ம் அதான் சோனா!