பொது இடங்களிலோ அல்லது பத்திரிகையாளர் சந்திப்பிலோ பேசும்போது மூத்த தலைவர்கள் பொறுப்புணர்வுடன் பேச வேண்டும் காங்கிரஸ்

பொது இடங்களிலோ அல்லது பத்திரிகையாளர் சந்திப்பிலோ பேசும்போது மூத்த தலைவர்கள் பொறுப்புணர்வுடன் பேச வேண்டும் என்று காங்கிரஸ் கட்சி கண்டிப்புடன் கூறியுள்ளது.
காமன்வெல்த் விளையாட்டுப் போட்டிகளை நடத்துவது தொடர்பாக முன்னாள் அமைச்சர் மணிசங்கர் அய்யர் தெரிவித்த கருத்தை கண்டித்ததோடு மணிசங்கர் அய்யருக்கு பதிலளித்து இந்திய ஒலிம்பிக் சங்கத் தலைவரும் காங்கிரஸ் எம்.பி.யுமான சுரேஷ் கல்மாதி தெரிவித்த கருத்துக்கும் கட்சி கண்டனம் தெரிவித்துள்ளது.

மூத்த, அனுபவம் கொண்டவர் என்றால் அதற்குரிய மரியாதையோடு பொறுப்போடு பொது இடங்களில் பேச வேண்டும். மூத்தவர்கள் கவனமாக நடந்துகொள்ள வேண்டும் என்று காங்கிரஸ் செய்தித் தொடர்பாளர் மணீஷ் திவாரி கூறினார்.
தில்லியில் புதன்கிழமை செய்தியாளர்களுக்குப் பேட்டியளிக்கையில் அவர் இவ்வாறு கூறினார்.

காமன்வெல்த் போட்டிகள் வெற்றி பெற்றால் நான் மிகவும் வருத்தமடைவேன் என்று மணி சங்கர் அய்யர் கூறியது அவரது சொந்தக் கருத்து என்று திவாரி தெரிவித்தார்.

தலைவர்கள் அடுத்த விஷயங்களில் மூக்கை நுழைக்க வேண்டாம் என்று கட்சி மேலிடம் எச்சரித்திருந்தபோதும் மணிசங்கர் அய்யர் இதுபோன்று கருத்து கூறியிருக்கிறாரே என்று கேட்டபோது திவாரி இவ்வாறு பதில் அளித்தார்.

காமன்வெல்த் விளையாட்டுப் போட்டிகள் வெற்றி பெற வேண்டும் என்பதில் அரசு உறுதியாக உள்ளது. இதுதான் நாட்டின் கெüரவப் பிரச்னை என்றார் அவர்.

காமன்வெல்த் போட்டிக்கான ஏற்பாடுகள் செய்வதில் உள்ள காலதாமதம் பற்றி கேட்டபோது, இது சர்வதேசப் போட்டி, எனவே பணிகளை விரைந்து முடிக்க வேண்டியது அவசியம் என்றார்.

சில விளையாட்டு அரங்குகளில் கசிவு இருப்பதாக கூறப்படுவது குறித்து கேட்டபோது, குறைகள் விரைந்து சரி செய்யப்பட வேண்டும் என்றார் திவாரி.

அது சரி காங்கிரஸ் ஆளுங்க பேச ஆரம்பிக்கும்போதே சோனியால ஆரம்பிச்சு ராகுல் , மன்மொகனுனு பெரிய லிஸ்டே போட்டு வாழ்த்தி பேச வேண்டிருக்கு அதையும் கொஞ்சம் கட்டு படுத்தினா இன்னும் நல்லா இருக்கும்