குழந்தைகளை வைத்து "காசு' பார்க்கிறது கும்பல் : தொழிலாக மாறுகிறது "பிச்சை'

நவீன் · நவீன் Thu Aug 19, 2010 12:56 pm

கோவை
: ஓடியாடி விளையாட வேண்டிய குழந்தைகளை பிச்சை எடுக்கும் தொழிலில்
ஈடுபடுத்தும் கும்பல் கோவையில் முகாமிட்டுள்ளது. வெளி மாநிலங்களிலிருந்து,
பிச்சை எடுக்க கோவை வருவோரின் எண்ணிக்கை கணிசமாக அதிகரித்துள்ளது.
தொழில்கள் நிறைந்த நகரான கோவைக்கு, வெளி மாவட்டங்களிலிருந்தும்,
மாநிலங்களில் இருந்தும் வேலைக்கு ஆட்கள் வருகின்றனர். இவர்கள், உழைத்து
சம்பாதிக்க வேலை கொடுக்க கோவை எப்போதும் மறுத்ததில்லை. இது போன்றே பிச்சை
போடும் இரக்க குணம் படைத்த கோவை மக்களால், பிச்சை எடுப்போரின்
எண்ணிக்கையும் பெருகி வருகிறது. கண்களில் ஏக்கத்துடன், பார்க்கவே
பரிதாபமான நிலையிலுள்ள குழந்தைகளை தோளில் கட்டிய துண்டில் பெண்கள் சுமந்து
வருகின்றனர். சிக்னலில் வாகனங்கள் நிற்கும் சில நொடி பொழுதுகளில் பசியை
போக்க பிச்சை கேட்கின்றனர். காலை, மாலை நேரங்களில் வாகனங்களுக்கு இடையே
புகுந்து, கேட்போருக்கு "இல்லை' எனச் சொல்லாமல், கார் டிரைவர்கள்
சில்லறைகளை கொடுக்கின்றனர். இரு சக்கர வாகனங்களில் செல்வோரும் கூட, கையில்
அகப்பட்ட சில்லறை காசுகளை கொடுக்கின்றனர். இன்னும் பஸ் ஸ்டாண்ட், கடை வீதி
போன்ற மக்கள் கூடும் இடங்களில், கையில், காலில் விழுந்தும் கூட குழந்தைகளை
பிச்சை எடுக்க வைக்கின்றனர்.
"குழந்தை தொழிலாளர்களே இல்லாத மாவட்டம்' என பெயர் வாங்க ஒருபுறம் அரசு
அதிகாரிகள் முயன்று கொண்டிருக்க, அதை வீணடிப்பதாக பிச்சை எடுக்கும்
குழந்தைகள் உருவாகி வருகின்றனர். பிச்சை எடுப்பதற்கென்றே குழந்தை பெற்றுக்
கொள்ளும் நிலை, இங்கு உருவாகி வருகிறது. பஸ் ஸ்டாண்ட், சினிமா தியேட்டர்,
ரோட்டோர சிக்னல் என மக்கள் நடமாட்டம் அதிகமுள்ள பகுதிகளில் குழந்தைகள்
அதிகளவில் பிச்சையெடுக்கின்றனர். சினிமா தியேட்டர்களில் இளைஞர்கள்
பட்டாளத்தை நோக்கித்தான் இவர்கள் குறி வைக்கின்றனர். "குரூப்'பாக நின்று
கொண்டிருப்பவர்களிடம் சென்று காசு தருமாறு கேட்கின்றனர். ஒருசில நிமிடம்
கழித்து அவர்களின் கையை பிடித்தும், கால்களில் விழுந்தும்
வற்புறுத்துகின்றனர். "மற்றவர் கீழ்த்தரமாக பார்க்கக் கூடும்' என்பதற்காக
வேறுவழியின்றி இளைஞர்கள் காசு கொடுக் கின்றனர். சிலர், குழந்தைகளை
வாடகைக்கு வாங்கியும் பிச்சையெடுப்பதை தொழிலாக கொண்டுள்ளனர்.
நாள் முழுவதும் வெயில் என்றும் பாராமல் கையில் வைத்துக்கொண்டு அலைவதால்
குழந்தைகளின் உடல்நலம் பாதிக்கப்படுகிறது. இச்சூழலில் பிச்சையெடுத்தலில்
கிடைக்கும் வருமானமே போதுமானது என்ற மனோநிலைக்கு நாளடைவில் குழந்தைகள்
தள்ளப்படுகின்றனர். சோம்பேறிகளாக மாறி வேலைக்கு செல்ல முன்வருவதில்லை;
போதிய படிப்பறிவின்றி எதிர்காலமும் கேள்விக்குறியாகிறது. பிச்சை எடுக்கும்
தொழிலை கண்டுகொள்ளாமல் அலட்சியம் காட்டினால், அதிக அளவில் பிச்சை
எடுப்போர் உருவாகும் நிலை ஏற்படும். குடும்ப சூழலால் பிச்சை
எடுக்கிறார்களா, தொழிலாக மாற்றி, கட்டாய நிலைக்கு தள்ளப்படுகிறார்களா
என்பது பற்றியும் ஆய்வு நடத்த வேண்டும்.
கோவை, சைல்டு வெல்பேர் கமிட்டி தலைவர் ராஜூ கூறுகையில், "சிறுவயது
குழந்தைகள் பிச்சையெடுக்கும்போது ரெய்டு மூலம் கண்டுபிடித்து மீட்டு
நடவடிக்கை எடுக்கப்படுகிறது. பெற்றோரை அழைத்து அறிவுரை வழங்கி,
அவர்களிடமோ, தனியார் காப்பகத்திலோ குழந்தைகள் ஒப்படைத்து
பராமரிக்கப்படுகின்றனர். இரண்டு வயது வரையிலான குழந்தைகளுக்கு கட்டாயமாக
தாயின் அரவணைப்பு தேவைப்படுகிறது. பிச்சையெடுத்தலில் ஈடுபட்டுள்ள பச்சிளம்
குழந்தைகளை மீட்கும்போது தாயையும் சேர்த்து பராமரிக்க வேண்டியுள்ளது.
வேலைப்பளு அதிகமாவதுடன் போதிய நிதி வசதியுமில்லை. வட மாநிலத்தை
சேர்ந்தவர்களே அதிகளவில் பிச்சையெடுத்தலில் குழந்தைகளை பயன்படுத்துவதாக
தெரியவந்துள்ளது. சீசன் தொழிலாக கருதி அவர்கள் அடிக்கடி இடம்
பெயர்கின்றனர். போலீசுடன் இணைந்து தொடர்ச்சியாக ரெய்டு நடத்தினால்,
பச்சிளம் குழந்தைகளை பிச்சையெடுத்தலில் ஈடுபடுத்தப்படுவதை தவிர்க்க
முடியும்,'' என்றார்.

தமிழ் · தமிழ் Thu Aug 19, 2010 1:13 pm

கைல ஏ.கே. 47 மட்டும் கிடைச்சது சுட்டுத்தள்ளூ!

**பிளேடு பக்கிரி** · 01/03/2010

தமிழ் wrote:கைல ஏ.கே. 47 மட்டும் கிடைச்சது

கிடைச்சதுன்னா எனக்கும் ஒண்ணு கொடுங்க சிரி

தமிழ் · தமிழ் Thu Aug 19, 2010 1:33 pm

பிளேடு wrote:
தமிழ் wrote:கைல ஏ.கே. 47 மட்டும் கிடைச்சது

கிடைச்சதுன்னா எனக்கும் ஒண்ணு கொடுங்க

அண்ணனுக்கு தராம வேற யாருக்கு தர போறேன் புன்னகை

**பிளேடு பக்கிரி** · 01/03/2010

தமிழ் wrote:
பிளேடு wrote:
தமிழ் wrote:கைல ஏ.கே. 47 மட்டும் கிடைச்சது

கிடைச்சதுன்னா எனக்கும் ஒண்ணு கொடுங்க

அண்ணனுக்கு தராம வேற யாருக்கு தர போறேன்

தந்தா முதல்ல உன்னை தான் போட்டு தள்ளனும் சிப்பு வருது

தமிழ் · தமிழ் Thu Aug 19, 2010 1:35 pm

பிளேடு wrote:
தமிழ் wrote:
பிளேடு wrote:
தமிழ் wrote:கைல ஏ.கே. 47 மட்டும் கிடைச்சது

கிடைச்சதுன்னா எனக்கும் ஒண்ணு கொடுங்க

அண்ணனுக்கு தராம வேற யாருக்கு தர போறேன்

தந்தா முதல்ல உன்னை தான் போட்டு தள்ளனும்

**பிளேடு பக்கிரி** · 01/03/2010

தமிழ் wrote:
பிளேடு wrote:
தமிழ் wrote:
பிளேடு wrote:
தமிழ் wrote:கைல ஏ.கே. 47 மட்டும் கிடைச்சது

கிடைச்சதுன்னா எனக்கும் ஒண்ணு கொடுங்க

அண்ணனுக்கு தராம வேற யாருக்கு தர போறேன்

தந்தா முதல்ல உன்னை தான் போட்டு தள்ளனும்