சச்சின் - ஐசிசி-யின் சிறந்த விளையாட்டு வீரர்

Guest · Guest Wed Oct 06, 2010 10:06 pm

பெங்களூரு: ஐசிசி-யின் சிறந்த விளையாட்டு வீரராக இந்தியாவின் சச்சின் டெண்டுல்கர் தேர்வு செய்யப்பட்டுள்ளார். அதிரடி வீரர் வீரேந்திர சேவக் சிறந்த டெஸ்ட் வீரராகவும் தோனி சிறந்த டெஸ்ட் கேப்டனாகவும் தேர்வு செய்யப்பட்டுள்ளனர்.

இன்று பெங்களூரில் நடந்த ஐசிசி விருது வழங்கும் விழாவில் சிறந்த வீரர்கள் அறிவிக்கப்பட்டனர். அதன்படி சிறந்த ஒரு தின கேப்டனாக ஆஸ்திரேலியாவின் ரிக்கி பாண்டிங்கும், சிறந்த ஒருதின விளையாட்டு வீரராக தென் ஆப்ரிக்காவின் டி வில்லர்ஸும் தெரிவு செய்யப்பட்டுள்ளனர்.

சிறந்த T20 விளையாட்டு வீரராக நியுஸிலாந்தின் மெக்கல்லம் தேர்வு செய்யப்பட்டுள்ளார். கிரிக்கெட் விளையாட்டில் அனைத்து சாதனைகளையும் நிகழ்த்தி இருக்கும் டெண்டுல்கர், ஐசிசி விருது பெறுவது இதுவே முதல் முறை. அதே போல் மக்கள் விருதும் சச்சினுக்கு கிடைத்துள்ளது.

அதேபோல் சிறந்த நடுவராக பாகிஸ்தானின் அலீம் தரும், சிறந்த விளையாடு பற்று உள்ள அணியாக நியூஸிலாந்தும் தேர்வு செய்யப்பட்டுள்ளன.

சிறந்த இளம் கிரிக்கெட் வீரராக இங்கிலாந்தின் ஸ்டீபன் பிஃன் தேர்வு செய்யப்பட்டுள்ளார்.

நன்றி :http://www.inneram.com/2010100611032/2010-10-06-14-46-46