தமிழும் என் கவியும்

**kirikasan** · **kirikasan** Thu 11 Nov 2010 - 16:06

கவி என்ற தேரேறித் தமிழென்னும் உலகோடி
களிகாண மனமாகினேன்
செவி கொள்ள இனிதாகச் சிறிதேனும் பதமாக
செந்தமிழில் இசைபாடுவேன்
புவிவாழும் தமிழன்னை பொழுதேனும் மனம்கோணிப்
போகாமல் மொழி போற்றுவேன்
குவி வண்ண மலர்கொண்டு திருஅன்னை அடிபோற்றித்
தினம்தினம் துதி பாடுவேன்

கவிஎன்னும் சுவைவீணை உணர்வென்ற இழைதொட்டுக்
களிகொள்ள இசைமீட்டுவேன்
புவிமீது தமிழன்னை இருபாதம் அடிமீதில்
போயெந்தன் தலை சாத்தினேன்
குவி வானம் பொழிகின்ற மழைபோல இவன்நானும்
குளிர்கொண்ட கவி கொட்டுவேன்
செவிதானும் இனிதென்று செந்தமிழ் அன்னையவள்
சிலிர்த்தின்ப உணர்வேற்றுவேன்

பழம்தேனும்,வெல்லமுடன் பாகும் கலந்து ஒரு
பாலிட்ட மதுரசுவையில்
விழைந்தோர் கவிசெய்து வீரமகள் தேவியவள்
வேண்டுவரை ஊட்டி நிற்பேன்
குழைந்தமுது உண்டவளை கொண்டைமலர்சூட்டி
குமுத மலர்க் கால்களுக்கு
தளை சந்தமணி சிலம்பு தான்கொண்டுஎழில்கூட்டி
சாமரையும் வீசிநிற்பேன்

துள்ளியவள் ஓடிவரச் சுந்தரப் பாட்டினிலே
சொல்லாலே தாளமிட்டுத்
தெள்ளிசை தென்றலென தேகம்வருடியவள்
தாகமதைத் தீர்த்து வைப்பேன்
புள்ளினம் இசைபாடப் பூவண்டு சுதிசேர்க்கப்
பொன்மாலை இளவேனிலில்
அள்ளி ஓராயிரம் அழகான கவிசொல்லி
அழகுத்தமிழ் மகிழ்வாக்குவேன்

அன்பு தளபதி · அன்பு தளபதி Thu 11 Nov 2010 - 16:13

**சிவா** · **சிவா** Thu 11 Nov 2010 - 16:20

அருமையான வரிகளுடன், தமிழ் வார்த்தைகள் கொஞ்சி விளையாடுகிறது அண்ணா!

**kirikasan** · **kirikasan** Thu 11 Nov 2010 - 16:26

சிவா wrote:அருமையான வரிகளுடன், தமிழ் வார்த்தைகள் கொஞ்சி விளையாடுகிறது அண்ணா!

நன்றிகள் அவை என்கனவு, இன்னும் படித்து ஒழுங்காக கவி இயற்ற வெகு நாளிருக்கிறது. மரபுப்பா பயிலரங்கம் நிறைய உதவி செய்கிறது

யாதுமானவள் · யாதுமானவள் Thu 11 Nov 2010 - 18:41

[quote="kirikasan"]

விழைந்தோர் கவிசெய்து வீரமகள் தேவியவள்
வேண்டுவரை ஊட்டி நிற்பேன்
குழைந்தமுது உண்டவளை கொண்டைமலர்சூட்டி
குமுத மலர்க் கால்களுக்கு
தளை சந்தமணி சிலம்பு தான்கொண்டுஎழில்கூட்டி
சாமரையும் வீசிநிற்பேன்
துள்ளியவள் ஓடிவரச் சுந்தரப் பாட்டினிலே
சொல்லாலே தாளமிட்டுத்
தெள்ளிசை தென்றலென தேகம்வருடியவள்
தாகமதைத் தீர்த்து வைப்பேன்

அருமையான வரிகள் சகோதரரே! வாழ்த்துக்கள்.

**kirikasan** · **kirikasan** Thu 11 Nov 2010 - 19:13

நன்றி யாதுமானவள் சகோதரி!

ஒரு தோழமைக் கவிஞரிடமிருந்து பாராட்டும் பெறும்போது மகிழ்சியாக இருக்கிறது

புவனா · புவனா Thu 11 Nov 2010 - 19:18

அருமையான வரிகள்..... அன்பு மலர்

Thanjaavooraan · Thanjaavooraan Thu 11 Nov 2010 - 19:38

அருமையான கவிதை மகிழ்ச்சி

கலைவேந்தன் · கலைவேந்தன் Thu 11 Nov 2010 - 21:51

தாய்த் தமிழில் தனிச்சிறப்பான தகைமை மிக்க கவிதை..!

பாராட்டுக்கள் கிரிகாசன்..!

**kirikasan** · **kirikasan** Thu 11 Nov 2010 - 22:13

கலை wrote:தாய்த் தமிழில் தனிச்சிறப்பான தகைமை மிக்க கவிதை..!

பாராட்டுக்கள் கிரிகாசன்..!

பாராட்டுக்கள் மிக மகிழ்ச்சியைத் தருகின்றன. தங்களுக்கும் சகோதரி புவனா அவர்களுக்கும் மற்று அனைவருக்கும் மனமார்ந்த நன்றிகள்!

Sponsored content · Sponsored content

தமிழும் என் கவியும்

தமிழும் என் கவியும்

Re: தமிழும் என் கவியும்

Re: தமிழும் என் கவியும்

Re: தமிழும் என் கவியும்

Re: தமிழும் என் கவியும்

Re: தமிழும் என் கவியும்

Re: தமிழும் என் கவியும்

Re: தமிழும் என் கவியும்

Re: தமிழும் என் கவியும்

Re: தமிழும் என் கவியும்

Re: தமிழும் என் கவியும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக