இண்டர்லோக் நாவல் குறித்து அமைச்சும் மஇகாவும் இன்று கலந்துரையாடுகின்றன

**சிவா** · **சிவா** Tue Jan 18, 2011 11:34 am

கல்வி அமைச்சும் மஇகாவும் சிஜில் பிலாஜாரான் மலேசியா தேர்வுக்கான மலாய் இலக்கியப் பாடநூலாக வைக்கப்பட்டிருக்கும் இண்டர்லோக் நாவல் எழுப்பியுள்ள சர்ச்சை குறித்து இன்று கலந்துரையாடல் நடத்துகின்றன.

அக்கலந்துரையாடல் காலை மணி 9-க்கு புத்ராஜெயாவில் உள்ள கல்வி அமைச்சில் தமது தலைமையில் நடைபெறும் என்று துணை அமைச்சர் முகம்மட் புவாட் ஸர்காஷி கூறினார்.

மஇகா சார்பில் கலந்துரையாடலில் கலந்துகொள்ளும் குழுவில் மேலும் இருவர் சேர்க்கப்பட்டிருப்பது பற்றித் தமக்குத் தெரிவிக்கப்படவில்லை என்று குறிப்பிட்டார்.

அவர்களை அவர் ஏற்பாரா என்று வினவியதற்கு, “அதைப் பற்றி எனக்குத் தெரியாது. கல்வித் தலைமை இயக்குனரை (அப்துல் கப்பார் மஹ்முட்)த்தான் நீங்கள் கேட்க வேண்டும்”, என்றார்.

கலந்துரையாடலில் பங்கேற்கும் குழுவுக்கு மேலும் இருவர் நியமிக்கப்படுவதாக மஇகா தலைவர் ஜி.பழனிவேல் நேற்று ஓர் அறிக்கையில் கூறியிருந்தார்.

மலேசிய இந்து சங்க முன்னாள் தலைவர் முனைவர் ஆறு நாகப்பனும் தமிழ் இளைஞர் மணிமன்றத் தலைவர் சு.வை.லிங்கமும் புதிதாக நியமனம் செய்யப்பட்டிருக்கிறார்கள்.

ஏற்கனவே அக்குழுவில் இடம்பெற்றுள்ளவர்கள் மலேசிய இந்து சங்கத் தலைவர் ஆர்.எஸ்.மோகன் ஷான், மலாயாப் பல்கலைக்கழக இந்திய கல்வித்துறையின் முன்னாள் தலைவர் எஸ்.சிங்காரவேலு, இந்நாள் தலைவர் எஸ்.குமரன், மஇகா கல்விக்குழுத் தலைவர் டி.மாரிமுத்து, முன்னாள் கல்வி அமைச்சு அதிகாரி ஜி.கிருஷ்ணபகவான் ஆகியோராவர்.

மலாய் இலக்கியப் பாடநூலாக வைக்கப்பட்டுள்ள இண்டர்லோக் இந்திய சமூகத்தை இழிவு படுத்தும் சொற்களையும், வாசகங்களையும் கொண்டிருப்பதால் அப்புத்தகம் பாடநூலாக பயன்படுத்துவதற்கு இந்தியர்களிடையே கடும் எதிர்ப்பு எழுந்துள்ளது.

மலேசியாஇன்று!http://www.malaysiaindru.com/?p=63949

இண்டர்லோக் நாவல் குறித்து அமைச்சும் மஇகாவும் இன்று கலந்துரையாடுகின்றன

இண்டர்லோக் நாவல் குறித்து அமைச்சும் மஇகாவும் இன்று கலந்துரையாடுகின்றன

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக