மட்டன் பிரியாணி சுலபமாக பேச்சிலர்கள் செய்வது எப்படி?

தாமு · தாமு Sat Mar 19, 2011 5:19 am

மட்டன் பிரியாணி தேடி தேடி நல்ல கடையாய் சாப்பிடுவது பிடித்த விசயமாய் இருந்தாலும் நாமே பிரியாணி செய்தால் என்ன என்று ஒரு விபரீதமான ஐடியா தோன்றியது.பல கடையில சாப்பிட்ட அனுபவம் இருக்கேன்னு சமைக்க உட்கார முடியாதுன்னு பல புத்தகத்துல படிச்சேன்,எதுவுமே மண்டையில ஏறல.அப்புறம் இயக்குனர் சீமான் தன் நண்பர்களுக்காக தானே செஞ்சு தர்ற பிரியாணி ஸ்டைலை படிச்சேன்..கற்பனை பண்ணி பார்த்தேன்.தக்காளி சாதம் மாதிரி வரும் னு தோணுச்சு.ஏன்னா முழு கைப்பக்குவம் தெரியல.வீட்டுல எல்லோரும் ஊருக்கு போன நாள்ல தைரியமா ரிஸ்க் எடுத்துட வேண்டியது தான்னு களம் இறங்கினேன்.அதோட விளைவு தான் இப்ப நீங்க படிச்சிகிட்டு இருக்குறது.

மட்டன் பிரியாணி சுலபமாக பேச்சிலர்கள் செய்வது எப்படி? Chicken_Biriyani

ஆபரேசன் சக்ஸஸ் பேசண்ட் அவுட் ரகம் அல்ல இது.ரெண்டுமே சக்சஸ்.அதனால் வீட்டுல தனியா சமைச்சி சாப்பிடுற பேச்சுலர்ஸ் தைரியமா இதை டிரை பண்ணி பார்க்கலாம்.ஒவ்வொரு கணவன் மார்களும் இந்த ரிஸ்க் எடுக்கணும்.நாமே சமைச்சி சாப்பிடுறது ஒரு சுகம் தான்.இது குக்கர்ல செய்ற முறை.தம் போடுற வழக்கம் எல்லாம் இல்ல.பிரியாணி சாப்பிட்டு வேணா தம் அடிக்கிறவங்க அடிச்சிக்கலாம்.ரொம்ப நல்லாருக்குன்னு ,பக்கத்து வீட்டுக்கு கொடுக்குறேன் பேர்வழி னு அஞ்சு பத்து பக்கத்து வீட்டுல கைமாத்து வாங்குறதை கெடுத்துக்காதீங்க...பிரதர்..
ஓகே...எல்லா புக்லியும் படிச்சு நிறைய வெப்சைட் பார்த்து நானே செஞ்சு பார்த்த என் கைப்பக்குவ உடனடி பிரியாணி.
செய்முறை;
இது இரண்டு பேர் சாப்பிடற அளவுக்கு சொல்லி இருக்கேன்..
தேவையான பொருட்கள்;

மட்டன் பிரியாணி சுலபமாக பேச்சிலர்கள் செய்வது எப்படி? Canvas

மட்டன் கறித்துண்டுகள் -10
சின்ன வெங்காயம்-10
தக்காளி-3
புதினா,இஞ்சி,பூண்டு,சீரகம்,நெய்,கருவேப்பிலை-கொஞ்சம் கொஞ்சம்
மட்டன் பிரியாணி தூள் 25 கிராம் -ரொம்ப ரிஸ்க் எடுக்க கூடாதுல்ல, சேஃப்டிக்கு..
ஏலக்காய்-4
சீரக சம்பா அரிசி அல்லது பாஸ்மதி அரிசி கடையில கொஞ்சம் வாங்கிக்குங்க..பொன்னி அரிசி இருந்தா அதே கூட போதும்

ஒருடம்ளர் அரிசியை மட்டும் ஊற வெச்சிருங்க...
அப்புறம் மட்டனை நல்லா கழுவிட்டு ,குக்கரை வெச்சு..எண்ணை ஊற்றி கடுகு போட்டு ,மட்டனை போட்டு ,கொஞ்சம் மஞ்சள் தூள் போட்டு புரட்டிட்டு தண்ணி ஊத்தி நல்லா வேக வைங்க..முக்கா வேக்காடு வந்ததும்...
மட்டனை எடுத்து வெச்சிகிட்டு,அதே குக்கர்ல நெய் ஊற்றி,கடுகு போட்டு,தக்காளி,வெங்காயம் ,போட்டு வதக்கவும்.இஞ்சி பூண்டு லேசா தட்டி போடவும்.புதினா போடவும்,உப்பு தேவையான அளவு போடவும்.பிரியாணி மசாலா தூளையும் போட்டு கலக்குங்க ஏலக்காயை போடவும்.மட்டனையும் போடவும்.அப்புறம் மட்டன் வெந்த தண்ணீரை கீழே ஊத்திடாதீங்க அத்தனையும் சத்து.அதுல அஞ்சு டம்ளர் தண்ணிரை எடுத்து குக்கர்ல ஊற்றவும்.ஓகே..
பத்தலைனா தேவையான தண்ணீர் அண்டாவுல இருந்து எடுத்து ஊத்துங்க..மொத்ததுல அஞ்சு டம்ளர்.ஓகே.
இப்போ தண்ணீர் கொதித்ததும்,உப்பு காரம் சரியா இருக்கான்னு பாருங்க கொஞ்சம் கரிக்கிறாப்புல,தூக்குனாப்புல இருக்கணும்.அப்பதான் பெட்டரா வரும். அரிசியை .நல்லா தண்ணியில்லாம பிழிஞ்சு போடுங்க,ஆங்..இப்ப,குக்கரை மூடி வெச்சிருங்க...
6 விசில் விடுங்க...ஓகெ.இப்போ பிரசர் எல்லாம் நின்னதும் மூடியை திறந்து சாப்பாட்டை கொஞ்சம் நெய் விட்டு கிளறி விடுங்க..

மட்டன் பிரியாணி சுலபமாக பேச்சிலர்கள் செய்வது எப்படி? Mutton+briyani

அப்புறம் என்ன சூப்பரான பிரியாணியை செம கட்டு கட்டுங்க...

submit_url ="http://sathish777.blogspot.com/2010/09/blog-post_29.html"

மட்டன் பிரியாணி சுலபமாக பேச்சிலர்கள் செய்வது எப்படி?

மட்டன் பிரியாணி சுலபமாக பேச்சிலர்கள் செய்வது எப்படி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக