கொழும்புக்கு திடீரென ‘புதிய முகம்’ காட்டுகிறது புதுடில்லி?

sabesan37 · sabesan37 Wed May 18, 2011 7:11 pm

கொழும்புக்கு திடீரென ‘புதிய முகம்’ காட்டுகிறது புதுடில்லி?
-------------------------------------------------------------------------------------
விறுவிறுப்பு.காம், Wednesday 18 May 2011, 09:05 GMT
-------------------------------------------------------------------------------------
புதுடில்லி, இந்தியா: ஸ்ரீலங்கா வெளிவிவகார அமைச்சரின் நேற்றைய (செவ்வாய் கிழமை) புதுடில்லி விஜயத்தின்போது, இந்திய அரசு ‘விநோதமாக’ நடந்துகொண்டது என்று தகவல் வெளியாகியுள்ளது.

ஸ்ரீலங்கா வெளிவிவகார அமைச்சரின் விஜயத்தின்போது, இந்தியத் தரப்பிலிருந்து “அவசரமாகச் செய்யப்பட வேண்டிய வேலைகள்” என சில விஷயங்கள் பட்டியலிடப்பட்டதாகக் கூறப்படுகின்றது.

அவற்றில், தமிழ் மக்களின் மீள்குடியேற்றம், அபிவிருத்தி வேலைகள், ஆகியவற்றுடன்… “ஸ்ரீலங்காவில் யுத்த காலத்தில் நடைபெற்றதாகக் கூறப்படும் குற்றச்சாட்டுகள் பற்றிய விசாரணையும் தொடங்கப்பட வேண்டும்” என்றும் இந்திய அதிகாரிகள் கூறியதாக, சிங்கப்பூர் ஊடகமான Straits Times செய்தி வெளியிட்டிருக்கிறது!

ஸ்ரீலங்காவில் யுத்த காலத்தில் நடைபெற்றதாகக் கூறப்படும் குற்றச்சாட்டுகள் பற்றி இதுவரை இந்தியா ஏதும் கூறியதில்லை. ஐ.நா. மற்றும் அமெரிக்கா உட்பட மேலை நாடுகள் சில இதுபற்றிய அறிக்கைகள் விட்டபோதும்கூட, இந்தியா வாய்திறந்ததில்லை.

நேற்றைய தினம் திடீரென விநோதமான முறையில் இந்தியா இதுபற்றிப் பிரஸ்தாபித்திருப்பது, ஆச்சரிய அலைகளை ஏற்படுத்தியுள்ளது.

நேற்றைய நடவடிக்கை, ஸ்ரீலங்கா தொடர்பான தனது பார்வையை புதுடில்லி மாற்றிக்கொள்ள முட்படுகின்றதோ என்ற தோற்றத்தை ஏற்படுத்தியுள்ளது.

http://viruvirupu.com/2011/05/18/2016/