வி.புலிகளின் போராளிகள் அனைவரும் டிசம்பருக்குள் விடுதலை? : சந்திரசிறி கஜதீர

ராசுக்குட்டி · 01/06/2011

வி.புலிகளின் உறுப்பினர்கள் அனைவரும், புனர்வாழ்வளிக்கப்பட்டு
எதிர்வரும் டிசம்பர் மாதத்திற்குள் விடுதலை செய்யப்படுவார்கள் என
புனர்வாழ்வு மற்றும் சிறைச்சாலைகள் மறுசீரமைப்பு அமைச்சர் சந்திரசிறி கஜதீர
தெரிவித்துள்ளார்.

வவுனியாவில் உள்ள புனர்வாழ்வு பயிற்சி நிலையங்களில் பயிற்சியை
முடித்துக்கொண்டவர்களில் ஒரு தொகுதியினரை விடுதலை செய்யும் நிகழ்வு,
வவுனியாவில் நடைபெற்ற போது அதில் கலந்து கொண்ட சந்திரசிறி இவ்வாறு
தெரிவித்தார்.

யுத்தம் முடிவுற்றதை அடுத்து, வடக்கின் வசந்தம் எனும்
பாரிய அபிவிருத்தி திட்டத்தின் கீழ் பல்வேறு அபிவிருத்தி பணிகள்
மேற்கோள்ளப்பட்டு வருகின்றன.
அதனடிப்படையில் புனர்வாழ்வு முகாம்களில்
உள்ள முன்னாள் வி.புலிகளுக்கு பயிற்சி நெறி அனைத்தும் முடிவடைந்து, அவர்கள்
அனைவரும் எதிர்வரும் டிசெம்பர் மாதத்திற்குள் சமூகத்துடன் இணைக்கப்பட்டு
விடுவார்கள் என அவர் மேலும் தெரிவித்தார்.

இதேவேளை இந்த வைபவத்தின்
போது 900 பேர் வரை குடும்பத்தினரிடம் கையளிக்கப்படுவதாக தெரிவிக்கப்பட
போதும், அதற்கு குறைவானவர்களே விடுவிக்கப்பட்டதாகவும், தமது கணவன்மார்,
பிள்ளைகள் விடுவிக்கப்படாதது ஏன் என பல உறவினர்கள் நிகழ்விடத்தில் கதறி
அழுததாகவும் தெரிவிக்கப்படுகிறது.

எனினும், இன்றைய தினம் 2
பிள்ளைகளுக்கு மேற்பட்ட பிள்ளைகளை கொண்டவர்களின் தந்தையர்களே
விடுவித்துள்ளோம், அடுத்த முறைக்கு மற்றவர்களை பற்றி யோசிப்போம் என
சந்திரசிறீ கூறிவிட்டதாக தெரிவிக்கப்படுகிறது.

இதேவேளை புனர்வாழ்வு
அளிக்கப்பட்டு விடுதலையாகுபவர்கள், பல தீயசக்திகளின் தவறான வழிநடத்தலுக்கு
உள்ளாகாது நடந்துகொள்ள வேண்டும் என எச்சரித்த சந்திரசிறி, விடுதலையானவர்களை
நாம் கைவிட மாட்டோம். அவர்களை தொடர்ந்து அவதானித்திருப்போம் எனவும்
இந்நிகழ்வின் போது தெரிவித்துள்ளார்.

தடுப்புமுகாம்களிலிருந்து
விடுவிக்கப்படும் இளைஞர்கள், யார் யாருடன் உரையாடுகிறார்கள். அவர்களுடைய
கைத்தொலைபேசியில் உள்ள தொடர்புகள் என்ன என்பது தொடர்பில் அடிக்கடி
புலனாய்வுத்துறையினர் விசாரித்தும், அச்சுறுத்தியும் வருவதாக விடுதலையான
இளைஞர்கள் முன்னர் கவலை வெளியிட்டிருந்தது குறிப்பிடத்தக்கது.

நேற்று
நடைபெற்ற நிகழ்வில், அரசாங்க அதிபர் திருமதி சாள்ஸ் புனர்வாழ்வு ஆணையாளர்
நாயகம் மேஜர் ஜெனரல் சுதந்த ரணசிங்க பாராளுமன்ற உறுப்பினர் நாமல் ராஜபக்ச
இளைஞர் விவகாரம் மற்றும் திறனபிவிருத்தி அமைச்சர் டலஸ் அழகப்பெருமா உட்பட
பலரும் உரையாற்றினர்.
நன்றி - 4தமிழ்மீடியா

SK · SK Mon Jun 06, 2011 2:41 pm

வி.புலிகளின் போராளிகள் அனைவரும் டிசம்பருக்குள் விடுதலை? : சந்திரசிறி கஜதீர 224747944

Guest · Guest Mon Jun 06, 2011 3:01 pm

SK wrote:

பாதி பேரை கொன்ற பிறகு ? இது

நல்ல விடயம் தான்

Sponsored content · Sponsored content

வி.புலிகளின் போராளிகள் அனைவரும் டிசம்பருக்குள் விடுதலை? : சந்திரசிறி கஜதீர

வி.புலிகளின் போராளிகள் அனைவரும் டிசம்பருக்குள் விடுதலை? : சந்திரசிறி கஜதீர

Re: வி.புலிகளின் போராளிகள் அனைவரும் டிசம்பருக்குள் விடுதலை? : சந்திரசிறி கஜதீர

Re: வி.புலிகளின் போராளிகள் அனைவரும் டிசம்பருக்குள் விடுதலை? : சந்திரசிறி கஜதீர

Re: வி.புலிகளின் போராளிகள் அனைவரும் டிசம்பருக்குள் விடுதலை? : சந்திரசிறி கஜதீர

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக