கார்பைடு பயம் இல்லாமல் சுவையான மாம்பழம் சாப்பிட ?

தாமு · தாமு Wed Jun 08, 2011 8:22 pm

மாம்பழத்தை ஒரு நாள் முழுக்க ஃப்ரிட்ஜில் வைத்திருந்தோ, தண்ணீர் பானையில் போட்டு
வைத்தோ சாப்பிட்டால் ‘கார்பைடு’ பயம் இல் லாமல் சாப்பிடலாம் என்று உணவு ஆய்வாளர் கூறியுள்ளார்.

தமிழகத்தில் மாம்பழ சீசன் தற்போது களைகட்டி இருக்கிறது. நெல்லையில் மாம்பழ விற்பனை அமோகமாக உள்ளது. தடுக்கி விழுந்தால் மாம்பழத்தில்தான் விழ வேண்டும்.. அந்த அளவுக்கு வகைவகையாக குவிந்திருக்கின்றன. கிளிமூக்கு மாம்பழம் ஒரு கிலோ ரூ.15. நீலம், செந்தூரம் ரூ.20&க்கும் பஞ்சவர்ணம் ரூ.25&க்கும் விற்கப்படுகின்றன. மல்கோவா ரூ.50, இமாம்பசந்த் ரூ.60.

நெல்லை மாவட்டத்துக்கு மாம்பழங்கள் மதுரை நத்தம், தென்காசி வல்லம், பெரியகுளம், கடையம் ஆகிய பகுதிகளில் இருந்து வருகின்றன. கிளிமூக்கு, நீலம் விலை குறைவு என்பதால் அதிகம் விற்பனையாகின்றன. விற்பனை ஒரு பக்கம் அதிகம் நடந்தாலும்.. ‘கார்பைடு’ பீதி ஒரு பக்கம் கலங்கடிக்கிறது. ‘‘வைக்கோல், அரிசி உள்ளிட்ட இயற்கை பொருட்களை பயன்படுத்தி பழுக்க வைப்பதால் பழங்கள் அழுகுவதற்கான வாய்ப்பு அதிகம். மேலும், இந்த முறையில் பழுக்க வைப்பதால் பழம் சுருங்கிவிடும். பளபளப்பு இருக்காது. சில மாம்பழங்களில் புழு இருக்கவும் வாய்ப்புண் டு. கார்பைடு கல் வைத்து பழுக்க வைக்கும் பழங்களில் இதுபோன்ற பிரச்னைகள் இருக்காது. பழம் சுருக்கமின்றி, கடினமாக இருக்கும். ப ளபளப்பாக இருக்கும். சீக்கிரம் அழுகாது’’ என்று கார்பைடு கல்லுக்கு சப்பைக் கட்டு கட்டுகின்றனர் வியாபாரிகள்.

இதற்கிடையில், கார்பைடு ரசாயனம் பயன்படுத்தி பழுக்க வைக்கப்படும் மாம்பழங்கள் பறிமுதல் செய்து அழிக்கப்படும் நடவடிக்கையும் தீவி ரமாக நடந்து வருகிறது. கார்பைடு கல் மூலம் பழுக்க வைக்கப்பட்ட மாம்பழங்களால் ஏற்படும் பாதிப்புகள், அதை தவிர்க்கும் முறைகள் குறித்து உணவு ஆய்வாளர் சங்கரலிங்கம் கூறியதாவது: கார்பைடு பயன்படுத்தி பழுக்க வைக்கப்பட்ட மாம்பழங்கள் சாம்பல் பூத்ததுபோல இருக்கும். அதன் மேல் கருப்பு புள்ளிகள் தோன்றும். இந்த பழத்தை அப்படியே சாப்பிட்டால் வயிற்று கோளாறு உருவாகும். அல்சர் பாதிப்பும் ஏற்படலாம். தொடர்ந்து சாப்பிட்டால் புற்றுநோய் தாக்கும் அபாயமும் இருக்கிறது. கார்பைடு கல் மூலம் பழுக்க வைக்கப்பட்ட மாம்பழங்களை 24 மணி நேரம் ஃப்ரிட்ஜில் வைக்கும்போது ஓர ளவுக்கு விஷத்தன்மை முறியும். அல்லது, தண்ணீர் பானைகளில் போட்டு வைத்தாலும் விஷத்தை ஓரளவு போக்கலாம். இவ்வாறு சங்கரலிங்கம் கூறினார்.

ஞானமுத்து