தேர்தல் தோல்விக்கு ஸ்பெக்ட்ரம் வழக்கு காரணமல்ல : கருணாநிதி பேட்டி

சென்னை : ‌சட்டமன்ற தேர்தலில் தோல்வி ஏற்பட்டதற்கு ஸ்பெக்ட்ரம் வழக்கு காரணமல்ல என தி.மு.க., உயர்நிலை செயல்திட்ட கூட்டத்திற்கு பின்னர் கூறினார். 2ஜி ஸ்பெக்டரம் தொடர்பான வழக்கில் கனிமொழி கைது செய்யப்பட்டதற்கு தி.மு.க., கண்டனம் தெரிவித்துள்ளது.

தி.மு.க.,வை சேர்ந்த முன்னாள் மத்திய அமைச்சர் ராஜா, ராஜ்யசபா எம்.பி., கனிமொழி கலைஞர் டிவி நிர்வாக இயக்குநர் சரத்குமார் ஸ்பெக்ட்ரம் முறைகேடு தொடர்பான வழக்கில்கைது செய்யப்பட்டு திகார் ஜெயிலில் அடைக்கப்பட்டுள்ளனர். கனிமொழி, சரத்குமார் ஆகியோரது ஜாமீன் மனுக்கள் தள்ளுபடி செய்யப்பட்டன. இதனையடுத்து அவர்கள் தொடர்ந்து சிறைியல் அடைக்கப்பட்டுள்ளனர். இதனையடுத்து அவர்கள் சுப்ரீம் கோர்ட்டில் மேல்முறையீடு செய்துள்ளனர்.

இந்நிலையில் சென்னை அண்ணா அறிவாலயத்தில் தி.மு.க., உயர்நிலை செயல்திட்ட கூட்டம் தி.மு.க., தலைவர் கருணாநிதி தலைமையில் நடந்தது. இந்த கூட்டத்தில் கட்சி பொதுச்செயலாளர் அன்பழகன், ஸ்டாலின் , அழகிரி உள்ளிட்ட கட்சியின் முக்கிய தலைவர்கள் கலந்து கொண்டுள்ளனர். இந்த கூட்டத்தில் மத்திய அரசிலிருந்து வெளியேறுவதில்லை. 2ஜி வழக்கு தொடர்பான குற்றப்பத்திரிகையில் கனிமொழி எம்.பி., மற்றும் கலைஞர் டிவி நிர்வாக இயக்குநர் சரத்குமார் ஆகியோரை சேர்த்திருப்பது தவறு. தொலைக்காட்சி நிறுவனம் கடன் வாங்கி துவக்கப்பட்டது. அரசு ஓதுக்கீடு செய்த அலைகற்றை விவகாரத்தில் தொடர்பில்லை. கடன் தொகை வங்கி மூலம் வெளிப்படையாக திருப்பி தரப்பட்டது. கடன் பரிவர்த்தனை வழக்கில் சி.பி.ஐ., தவறாகும். கடன் தொடர்பான வழக்கில் கோர்ட் சம்மன்படி கோர்ட்டில் ஆஜராகும் போது அவர்களை கைது செய்தது தவறான செயல் என சட்டவல்லுநர்கள் கருத்து தெரிவித்துள்ளனர். இதனை எதிர்த்து சுப்ரீம் கோர்ட்டில் மேல்முறையீடு செய்யப்படும். ஏற்கனவே முடிவு செய்தபடி சட்டப்பூர்வ நடவடிக்கைகளை தொடரவும் முடிவு செய்யப்பட்டுள்ளது. ஜூலையில் ‌கட்சியின் பொதுக்குழு கூட்டத்தை கூட்டவும் முடிவு செய்யப்பட்டுள்ளது. தமிழக சட்டமேலவையை ரத்து செய்யப்பட்டதற்கு கண்டனம் தெரிவித்து தீர்மானம் நிறைவேற்றப்பட்டது. கட்சியின் தீரமானங்களை கட்சி தொடண்டர்கள் வரும் ஜூன் 20ம் தேதி முதல் 30ம் தேதி வரை பொதுக்கூட்டங்கள் நடத்தி மக்களுக்கு தெரியப்படுத்த வேண்டும் என தீர்மானம் நிறைவேற்றப்பட்டுள்ளது.

கருணாநிதி ‌பேட்டி : சட்டமன்ற தேர்தலில் தி.மு.க., தோல்வியடைந்ததற்கு ஸ்பெக்ட்ரம் முறைகேடு வழக்கு காரணமல்ல.நான் காங்கிரசுக்கு எதிரானவன் அல்ல. ஒரு சிலர் ஸ்பெக்டரம் வழக்கை தேவையற்ற விவகாரங்களை பிரசாரம் செய்து வருகின்றனர் 2ஜி வழக்கில் காங்கிரஸ் கட்சி உதவவில்லை என ஏமாற்றமடையவில்லை. என கூறினார்.

தினமலர்

தி.மு.க., தோல்வியடைந்ததற்கு ஸ்பெக்ட்ரம் முறைகேடு வழக்கு காரணமல்ல.நான் காங்கிரசுக்கு எதிரானவன் அல்ல. ஒரு சிலர் ஸ்பெக்டரம் வழக்கை தேவையற்ற விவகாரங்களை பிரசா

நீங்க சொன்னா சரியாத்தான் இருக்கும் தலைவரே