"பயணம் தொடர்கிறது'

மீனு · மீனு Sat 12 Sep 2009 - 13:38

"பயணம் தொடர்கிறது'

"எனக்கு தெரிந்த இசை ரசிகர்களின் கைத்தட்டல்தான். எனக்கு புரிந்ததும் அந்த இசைதான். கௌதமி பேசும்போது ஸ்ருதி இசையமைப்பாளர் ஆக வேண்டும் என்பது என் நீண்ட நாள் கனவு, திட்டம் என்றெல்லாம் சொன்னார். கனவாக இருந்தாலும் திட்டமாக இருந்தாலும் அல்லது எதுவாக இருந்தாலும் நடக்க வேண்டும். அதை நடத்தி காட்டிய ஸ்ருதிக்கு நன்றி.

இந்த விழாவில் எம்.எஸ்.விஸ்வநாதன், இளையராஜா, ஏ.ஆர்.ரஹ்மான் உள்ளிட்டோர்களை எல்லாம் அழைத்து பேச வைத்திருக்க வேண்டும். சில சூழ்நிலைகளால் அது முடியாமல் போய்விட்டது. அவர்களையெல்லாம் ஸ்ருதி தனியாகச் சந்தித்து ஆசி பெறுவார்.

அக்ஷரா வயதில் என்னை கதாநாயகனாக ஆக்கி அழகு பார்த்தவர் இயக்குநர் பாலசந்தர். அவருடைய கண்டுபிடிப்பு நான் என சொல்லுவதை விட அவர் என்னை கண்டுபிடித்தார் என்று சொல்லுவதுதான் சரியாக இருக்கும்.

என்னை அடுத்த தலைமுறை வரை கொண்டு வந்ததற்காக அவருக்கு என் நன்றி. ஸ்ருதியை அறிமுகப்படுத்தும் இந்த விழாவில் என் ரசிகர்கள் கலந்திருப்பது மகிழ்ச்சி. அவர்கள் முன்னிலையில் ஸ்ருதியை அறிமுகப்படுத்துவதில் சந்தோஷம்.

நான்கு வயதில் "களத்தூர் கண்ணம்மா' படத்துக்காக எனக்கு வசனம் சொல்லிக் கொடுத்த அண்ணன் சந்திரஹாசனும் இந்த விழாவில் பங்கு கொண்டிருப்பதில் அளவற்ற மகிழ்ச்சி. கற்பனை செய்ய முடியாத சில எல்லைகளைத் தொட்ட இந்த பயணம் தொடர்கிறது'

அண்மையில் நடைபெற்ற "உன்னைப் போல் ஒருவன்' திரைப்பட பாடல் வெளியீட்டு விழாவில் இப்படிச் சொன்னார் நடிகர் கமல்ஹாசன்.