கச்சத் தீவை மீட்க ? - நடிகர், நடிகையர் பேரணி:

**கே. பாலா** · **கே. பாலா** Wed Jun 29, 2011 5:11 am

கச்சத் தீவை மீட்க வலியுறுத்தி நடிகர், நடிகையர் பேரணி: சரத்குமார்

கச்சத் தீவை மீட்க ? - நடிகர், நடிகையர் பேரணி: Cin2

தலைமைச் செயலகத்தில் முதல்வர் ஜெயலலிதாவை
செவ்வாய்க்கிழமை சந்தித்த தென்னிந்திய நடிகர் சங்க நிர்வாகிகள் சத்யராஜ்,
மனோரமா, ராதாரவி, சரத்குமார், குயிலி, மய

சென்னை,
ஜூன் 28: கச்சத் தீவை மீட்க வேண்டும் என்ற சட்டப் பேரவை தீர்மானத்தை
நிறைவேற்ற வலியுறுத்தி நடிகர், நடிகையர் சார்பில் விரைவில் பேரணி நடைபெறும்
என்று தென்னிந்திய நடிகர் சங்கத் தலைவர் சரத்குமார் தெரிவித்தார்.சரத்குமார்
தலைமையில் நடிகர் சங்க நிர்வாகிகள் ராதாரவி, மனோரமா,சத்யராஜ், மயில்சாமி,
குயிலி, கே.ஆர். செல்வராஜ் ஆகியோர் தலைமைச் செயலகத்தில் செவ்வாய்க்கிழமை
முதல்வர் ஜெயலலிதாவை சந்தித்துப் பேசினர்.பின்னர் செய்தியாளர்களிடம் சரத்குமார் கூறியது:மூன்றாவது முறையாக முதல்வராக பொறுப்பேற்றுள்ள ஜெயலலிதாவுக்கு தென்னிந்திய நடிகர்கள் சங்கம் சார்பில் வாழ்த்துக்களை தெரிவித்தோம்.இலங்கை
மீது இந்திய அரசு பொருளாதாரத் தடை விதிக்க வேண்டும், கச்சத் தீவை மீட்க
வேண்டும் என்பதை வலியுறுத்தி தமிழக சட்டப் பேரவையில் தீர்மானம்
நிறைவேற்றப்பட்டுள்ளது. அதற்காக முதல்வருக்கு நடிகர் சங்கம் சார்பில்
நன்றியைத் தெரிவித்தோம்.இந்தத் தீர்மானங்களை நாடாளுமன்றத்தின் மூலம்
நிறைவேற்ற வலியுறுத்தி நடிகர், நடிகையர் பேரணியாக சென்று தமிழக ஆளுநரிடம்
மனு கொடுக்க முடிவு செய்துள்ளோம்.நடிகர், நடிகைகளிடம் கலந்து ஆலோசித்த பிறகு இதற்கான தேதி அறிவிக்கப்படும். இது குறித்தும் முதல்வரிடம் தெரிவித்தோம்.கடந்த
திமுக ஆட்சியில் வீடு கட்டிக் கொள்வதற்காக பையனூரில் இடம் ஒதுக்கப்பட்டது.
நடிகர் சங்கத்தில் உள்ள முதியவர்கள் வீடு கட்டிக் கொள்ள
விரும்புகிறார்கள். பையனூர் தொலைவில் இருப்பதால் நல்ல இடம் ஒதுக்குமாறு
முதல்வரிடம் கோரிக்கை விடுத்துள்ளோம்.பாராட்டு விழா: மூன்றாவது
முறையாக முதல்வராக பொறுப்பேற்றுள்ள ஜெயலலிதாவுக்கு நடிகர் சங்கம் சார்பில்
பாராட்டு விழா நடத்த இருப்பதாக முதல்வரிடம் தெரிவித்தோம். துறைவாரியாக
ஆய்வுக் கூட்டங்கள் நடத்தவிருப்பதால் பாராட்டு விழா வேண்டாம் என்று
கூறிவிட்டார். ஆனாலும், அவருக்கு பாராட்டு விழா நடத்த நாங்கள் ஆர்வமாக
இருக்கிறோம் என்றார் சரத்குமார்.

தினமலர்

சின்றெல்லா · சின்றெல்லா Wed Jun 29, 2011 7:02 am

கே. பாலா wrote:பாராட்டு விழா: மூன்றாவது
முறையாக முதல்வராக பொறுப்பேற்றுள்ள ஜெயலலிதாவுக்கு நடிகர் சங்கம் சார்பில்
பாராட்டு விழா நடத்த இருப்பதாக முதல்வரிடம் தெரிவித்தோம். துறைவாரியாக
ஆய்வுக் கூட்டங்கள் நடத்தவிருப்பதால் பாராட்டு விழா வேண்டாம் என்று
கூறிவிட்டார். ஆனாலும், அவருக்கு பாராட்டு விழா நடத்த நாங்கள் ஆர்வமாக
இருக்கிறோம் என்றார் சரத்குமார்.

சிறந்த முடிவு... சூப்பருங்க