அரசியலெனும் அமுதம்..

தேனி சூர்யாபாஸ்கரன் · 09/06/2010

பெரியதொரு மாற்றம் அரசியலில் விரும்பும் மக்களே..!
இனியதொரு அரசியலமைப்பு சட்டம் அமைத்திட
புதியதொருவனாய் அரசியலுக்கு வருகிறேன்..
அரியதொரு வாய்ப்பு தருவீரா..? என் மேல் ஓட்டுப்பதிவீரா..?

அரசியல்வாதி எனும் பெயர் இதுவரை எனக்கில்லை.
அதனால் என் கைகளில் இதுவரை கறைபடிந்ததில்லை.
இலவச பொருள் தந்து இயலாதவனாக்க வரவில்லை.
இதுவரை என் குடும்பம் அரசியலில் இருந்ததில்லை.
இனிமேலும் அவர்களை இங்கே இழுக்கப் போவதில்லை.!

அரிதாரம் பூசிக்கொண்டு பேச நான் நடிகனில்லை..
அவதூறு பேசி தகராறு செய்திட கலக நாரதருமில்லை..
நற்பண்புகள் கற்றுத்தந்து நல்லதொரு நாடு உருவாக்க
நானும் உரைக்கிறேன்..என் தேர்தல் அறிக்கையை..!

படிப்பினை இலவசமாய் கட்டாயமாக பயில வழி வகுத்திடுவேன்..!
பருவத்தினர் எல்லோர்க்கும் இராணுவ பயிற்சியினை அளித்திடுவேன்.!
சாதிகளையும் அதன் கட்சிச்சங்கங்களையும் ஒழித்திடுவேன்..!
லஞ்சம் வாங்கி பதுக்குபவர்களின் குடியுரிமையை பறித்திடுவேன்..!

காந்தகோடு அட்டை மூலம் உங்கள் விபரகணக்குகளை ஒன்றிணைப்பேன்..!
களவு,கொலை,கற்பழிப்பு செய்பவருக்கு கடின தண்டனை தந்திடுவேன்..!
அயல்தேசப் பணிக்கு குறைவான வருட அனுமதியே தந்திடுவேன்..!
அங்கு அவர்கள் குடியிரிமை பெறுவதை அடியோடு நிறுத்திடுவேன்.!

அனாதைகளை தத்தெடுத்தால் அரசாங்க வேலை தந்திடுவேன்..!
முதியோர்கள் இல்லத்தினை இலவசமாய் முன்னின்று நடத்திடுவேன்..!
அரசியலுக்கும் அடிப்படை தகுதி,வயது வரம்பு அமைத்திடுவேன்..!
சாதி மத அடிப்படை இல்லாத,தகுதிக்கான வேலை அளித்திடுவேன்.!

மனிதமெனும் சாதி மட்டும் இருந்திடச் செய்வேன்..!
புனிதமெனும் ஜோதியாய் அது ஒளிரச்செய்வேன்..!
பிச்சை எனும் ஏழ்மை நிலைதனை ஒழித்திடுவேன்..!
இச்சைகள் இல்லா சமுதாயம் உருவாக்கிடுவேன்..!

அரசியலெனும் சாக்கடையை அமுதமேனும் அரசியலாக்க..
இந்திய ஆட்சி பணி ( I.A.S) பயின்ற என்னை அரியணையில்
ஏற்றுவீரா..? அமைதிவாழ்வுக்கு என்மேல் ஓட்டுப்பதிவீரா..?

அரசியலெனும் அமுதம்.. 14workerspartyrallyforg

அரசியலெனும் அமுதம்.. 14workerspartyrallyforg

SK · SK Fri 15 Jul 2011 - 19:15

நல்லதோர் தேர்தல் அறிக்கை ஆனால் நாம் மக்கள் இதை ஏர்க்கமாட்டார்கள் உங்கள் கல்வி (I.A.S) தகுதி போதுமானதாக இல்லை

தேவயான தகுதிகள்
நீங்கள் 10வது தாண்டி இருக்க கூடாது
அரசியல் வாதியின் மகனாகவோ உறவினராகவோ
நடிகனாகவோ நல்லவன் என்ற பெயரில் (420) யாகவோ
இருத்தல் அவசியம்

கவிதை மிகவும் அருமை

இந்த பதிவைத் துவங்கியவர் நன்றி கூறியுள்ளார் SK

miruthula · miruthula Fri 15 Jul 2011 - 19:39

தேர்தல் அறிக்கை நன்றாக இருந்தது.

தேனி சூர்யாபாஸ்கரன் · 09/06/2010

SK wrote:நல்லதோர் தேர்தல் அறிக்கை ஆனால் நாம் மக்கள் இதை ஏர்க்கமாட்டார்கள் உங்கள் கல்வி (I.A.S) தகுதி போதுமானதாக இல்லை

தேவயான தகுதிகள்
நீங்கள் 10வது தாண்டி இருக்க கூடாது
அரசியல் வாதியின் மகனாகவோ உறவினராகவோ
நடிகனாகவோ நல்லவன் என்ற பெயரில் (420) யாகவோ
இருத்தல் அவசியம்

கவிதை மிகவும் அருமை

அப்ப நம்ம நிலைமை மாறதோ..? அன்பு மலர்

நன்றி.s.k அவர்களே...

kitcha · kitcha Sat 16 Jul 2011 - 0:35

இதை நீங்கள் மேடையில் முழங்கும் போது, உங்களை தவிர யாரும் இருக்க மாட்டார்கள்.

தேனி சூர்யாபாஸ்கரன் · 09/06/2010

kitcha wrote:இதை நீங்கள் மேடையில் முழங்கும் போது, உங்களை தவிர யாரும் இருக்க மாட்டார்கள்.

நல்லதோர் வீணை செய்து ....என்ற பாரதியின் கவி வரிகள் கண்முன் நிழலாடுகிறது... சோகம்

செய்தாலி · செய்தாலி Sat 16 Jul 2011 - 15:00

எல்லாரும் சொல்வார்கள் அரசியல் ஒரு சாக்கடை
என்னை பொறுத்தவரை கவிஞர் சொன்னதுபோல் அது ஒரு அமுதம் தான்

வம்சவாதிகள் ,புத்தியற்றவன் ,திருடன் ,கோமாளி ,மதவாதி இப்படி
சுய இலாபத்திற்காக கட்சி உருவாக்கி அரசியலை சீர்கேடுக்குகிரார்கள்

சீழ் பிடித்து துர்நாற்றம் வீசும் அரசியலை கண்டாலே மூக்கை பிடித்து செல்கிறார்கள்
கல்வி ,தகுதியும் திறமையும் உள்ள சில மனிதர்கள்

நல்ல மனிதர்கள் அரசியலின் உன்னதம் உணராதவரை
ஏற்க்கனவே இருக்கும் மனிதர்களால் சீழ்பிடுத்து நாறிக்கொண்டே இருக்கும் அரசியல் .

ஊராட்சி அதிகாரி ,தாலுகா ஆதிகாரி ,மாவட்டத்தை ஆளும் அதிகாரி
இவர்களை எல்லாம் ஆளும் தகுதி அந்த சட்டமன்ற உறுப்பினருக்கு இருக்கா என்று
பொதுமக்கள் உணராதவரை இந்த அரசியல் தொடரும் (இதில் இன்றைய அரசியல்வாதிகளின் தவறுகள் ஏதும் இல்லை அவர்களின் தவறை கண்டும் காணமல் இருப்பது நம் பொதுமக்கள் மீதுதான் தவறு இருக்கு )

உங்கள் கவிதையை வாசித்தபோது இப்படி எழுத தோன்றியது
இதில் நல்லதை எடுத்துக்கொள்ளுங்கள் மற்றதை விட்டுவிடுங்கள்

கவிதை சிறப்பு நண்பா பாராட்டுக்கள் வாழ்த்துக்கள்

பூஜிதா · பூஜிதா Sat 16 Jul 2011 - 15:23

கவிதை மிகவும் அருமை

செய்தாலியின் கருத்தும் அருமை

மகிழ்ச்சி

**ayyamperumal** · **ayyamperumal** Sat 16 Jul 2011 - 16:17

கண்டேன் !கண்டேன்!

ஞாலத்தை திருத்தும் ஞானத்துடனான
நாளைய தலைவரை நானும் கண்டேன் !

சூலத்தை ஏந்தி -இன்றய
அரசியல் சூத்திரத்தை சூனியமாக்கும்
காளியை கவிதையில் கண்டேன் .

(கொலை வாளினை எடடா
கொடியோர் செயல் அறவே !)

dsudhanandan · dsudhanandan Sat 16 Jul 2011 - 17:44

நீ நில்லு தல... என்ற ஓட்டு உண்க்குத்தான்... (ஆமா ஓட்டுக்கு எவளோ தருவே?) -- இது இன்றைய அரசியல் ...

உங்கள் கனவு!? பலிக்க, மாற்றம் பிறக்க பாடுபடுவோம்!!!!
சூப்பருங்க

Sponsored content · Sponsored content

அரசியலெனும் அமுதம்..

அரசியலெனும் அமுதம்..

Re: அரசியலெனும் அமுதம்..

Re: அரசியலெனும் அமுதம்..

Re: அரசியலெனும் அமுதம்..

Re: அரசியலெனும் அமுதம்..

Re: அரசியலெனும் அமுதம்..

Re: அரசியலெனும் அமுதம்..

Re: அரசியலெனும் அமுதம்..

Re: அரசியலெனும் அமுதம்..

Re: அரசியலெனும் அமுதம்..

Re: அரசியலெனும் அமுதம்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக