பெண் போலீஸ் கற்பழித்து கொலை

அவினாசி அருகே பெண்போலீஸ் கற்பழித்து கொலை? பாதுகாப்பு பணிக்கு வந்தவர் கயவர்கள் கையில் சிக்கினார்


திருப்பூர்: அவினாசி அருகே பெண்போலீஸ் பிணமாக மீட்கப்பட்டுள்ளார். திருப்பூரில் நடைபெற்ற விழாவில் பாதுகாப்பு பணிக்காக வந்த அவர் கற்பழித்து கொலை செய்யப்பட்டிருக்கலாம் என போலீசார் விசாரித்து வருகின்றனர். திருப்பூரில் கடந்த 23 ம் தேதி ஈசா பவுன்டேஷன் மரக்கன்று நடும் விழா நடந்தது. இதில் துணை முதல்வர் ஸ்டாலின் பங்கேற்றார். விழா பாதுகாப்பிற்காக நூற்றுக்கணக்கான போலீசார் வந்திருந்தனர். இதில் ஈரோடு மாவட்டம் காங்கேயம் அனைத்து மகளிர் காவல்நிலையத்தில் பணியாற்றும் பெண்போலீஸ் ஜெயமணி ( 40 ) என்பவரும் வந்திருந்தார். ஆனால் அவர் பணி முடிந்து வீடு திரும்பவில்லை. இவரது கணவர் மணியன் இது குறித்து போலீசில் புகார் செய்திருந்தார். போலீசாரும் வழக்கம்போல் வழக்குப்பதிவு செய்து காணாமல் போனது தொடர்பாக தேடி வந்தனர்.


சீருடை தனியாக அவிழ்ந்தபடி : இந்நிலையில் ஜெயமணி அவினாசி அருகே பெருமாநல்லூர் காட்டுப்பகுதிக்குள் பிணமாக கிடந்தார். இவரது பிணத்தை கைப்பற்றி போலீசார் விசாரித்து வருகின்றனர். சம்பவ இடத்தில் எஸ். பி., கண்ணன் விசாரணை நடத்தினார். இவரை கொலை செய்தது யார்? கொலைக்கான காரணம் என்ன என்பது குறித்து முதல் கட்ட விசாரணையில் திடுக்கிடும் தகவல்கள் வெளியாகியுள்ளன . பிணத்தின் அருகே அவர் அணிந்திருந்த சீருடை தனியாக அவிழ்ந்தபடி கிடந்துள்ளது. இதனால் அவர் கற்பழிக்கப்பட்டு கொலை செய்யப்பட்டிருக்கலாம் என்ற கோணத்தில் விசாரணை நடத்தப்பட்டு வருகிறது.


பாதுகாப்பு பணிக்கு வந்த பெண் போலீஸ் ஒருவர் கொலை செய்யப்பட்ட சம்பவம் கோவை , திருப்பூர், ஈரோடு , அவினாசி உள்ளிட்ட பகுதிகளில் பெரும் பரபரப்பை ஏற்படுத்தியுள்ளது. தொடர்ந்து விசாரணைநடக்கிறது.

அடக்கடவுளே , போலீசுக்கே இந்த கதியா ??

போலீஸ் உம பெண்கள் தானே ராஜா அண்ணா..இதற்க்கு எதுக்கு வடிவேலு ஸ்டைல போலீஸ்க்கேவா என்று இழுவை

meenuga wrote:போலீஸ் உம பெண்கள் தானே ராஜா அண்ணா..இதற்க்கு எதுக்கு வடிவேலு ஸ்டைல போலீஸ்க்கேவா என்று இழுவை

சுவிஸ்ல இருக்குறதால , நம்ம தமிழ்நாடு நிலைமை தெரியாது போல மீனுவுக்கு , நான் சொன்னது . இதெல்லாம் (கற்பழிப்பு) செய்யுறதே போலிசு தான்.

அதனால் என்ன அண்ணா ..அவங்களும் மனுசங்க தானே ..

meenuga wrote:அதனால் என்ன அண்ணா ..அவங்களும் மனுசங்க தானே ..

ஆமாம் மீனு

ஏன் இப்படி வக்கிரமான மனிதர்கள் உலகத்தில் இருக்கிறார்கள் என்று புரியவில்லை, இப்படியான நிகழ்வுகளின் போது யாரை குற்றாம் சொல்வது என்று புரியவில்லை, இப்படியானவர்களை இன்னும் உலவவிடும் சமூகத்திற்கா? இப்படியான மனனிலையி இருப்பவர்களை கண்டு பிடிக்காத பெற்றோரிலா? தற்காப்பு எதுகும் இன்றி நடமாடும் பெண்களையா?