மினரல் வாட்டர் தான் குடிப்பீங்களா? உங்களுக்கு ஆப்புத் தான் !

முஹைதீன் · முஹைதீன் Wed 28 Sep 2011 - 13:56

மினரல் வாட்டர் தான் குடிப்பீங்களா? உங்களுக்கு ஆப்புத் தான் !

நீர்இன்று அமையாது உலகெனின் யார்யார்க்கும்
வான்இன்று அமையாது ஒழுக்கு.
- குறள் ( 20 )

ஏழை எளிய மக்களுக்கு சுத்தமான நீர் கிடைப்பதில்லை. இதனால் அவர்கள் குழாயில் வரும் நீரினையும், சில நேரங்களில் அதை விட தாழ்ந்தத் தரத்திலான நீரினையும் குடிப்பார்கள். பலர் அது அசுத்தமானது நோய் பரவும் என்றக் காரணத்தினால் எங்கு சென்றாலும் மினரல் வாட்டர் தான் குடிப்பார்கள். பேசும்போது கூட எப்போதும் பாட்டில் வாட்டர் தான் சார் என்பார்கள். அதனால் அவர்களுக்கு நோய் பரவாது என்று நினைப்பார்கள். ஆனால் அது முற்றிலும் உண்மையில்லை. சுகாதாரமற்ற நீர் குடிப்பவர்களுக்கும், மினரல் வாட்டர் குடிப்பவர்களுக்கு ஒரே சதவீத அளவிலான நோய் பரவும் ஆபத்து இருக்கின்றது. அண்மையில் ஸ்பெயினில் நடந்த ஆய்வில் இதனைக் கண்டறியப் பட்டுள்ளது. பெரும்பாலும் மினரல் வாட்டர் குடிப்பவர்களும், அதே சதவீதமானோர் இயல்பான நீரினைக் குடிப்பவர்களுக்கும் ஒரே அளவிலான நோய்த் தாக்குதல் வந்திருப்பதை அறிந்துள்ளனர். அது மட்டுமில்லை மினரல் வாட்டர் குடுவைகள் பல சமயங்களில் புற்றுநோய் பரப்பும் கிருமிகளைக் கொண்டிருப்பதையும் கண்டறிந்துள்ளனர்.

அத்தோடு மட்டும் இல்லாமல் குடுவைகள் பறிமாறப்படும் மினரல் வாட்டர்களில் trihalomethanes ( THM ) எனப்படும் கெமிக்கல் தாது அதிகமாக இருப்பதும், இது புற்றுநோயை உண்டாக்கும் சாத்தியத்தை அதிகரிக்கும் என்றும் அத்தகவல் கூறியது. இதே அளவிலான THM நீச்சல்குளம், பொது குளியல் நீர்களில் இருப்பதும் அதன் மூலமும் இது நம் உடலுக்குள் நுழையும் சாத்தியம் இருப்பதாகவும் மேலும் கூறுகிறது.

இந்த ஆய்வில் ஈடுபட்ட மரு. ஜெம்மா காஸ்டோ வினியல் டெய்லி மெயில் பத்திரிக்கைக்கு கூறும்போது, '' அதிகம் வசதிப் படைத்தவர்களும், படித்தவர்களும் குடுவையில் பறிமாறப்படும் நீரினை ( Bottled Drinking Water ) பயன்படுத்துவதால் நோய் தாக்காது, ஆரோக்கியமாக வாழலாம் என நினைக்கிறார்கள். ஆனால் அது உண்மையில்லை, அதே போல நீண்ட நேரம் நீச்சல் குளத்தில் நீச்சல் அடிப்பவர்களுக்கும், அதிக நேரம் குளிப்பவர்களுக்கும் நீரில் இருக்கும் THM தாக்கால் புற்றுநோய் ஏற்படும் அபாயம் உள்ளது '' என்றார்.

இந்தியாவில் பல மினரல் வாட்டர்கள் சுகாதாரமற்ற முறையில் பறிமாறப்படுவதும். சில மினரல் வாட்டர் விற்கப்படும் பெரும் குடுவைகள் அசுத்தமாக இருப்பதையும், அதனையே மீண்டும் மீண்டும் பயன்படுத்தவதையும் நான் பார்த்துள்ளேன். அதே போல கடையில் கிடைக்கும் குடுவை நீர்களைப் பருகுவதை விட, சிறந்த முறையிலான வாட்டர் ஃபில்டர்களை பொறுத்தி குழாய் நீரினை சுத்தப்படுத்தி அருந்தி வருவது சாலச் சிறந்தது ஆகும்.

நன்றி : http://topsitv.blogspot.com/2011/07/blog-post_3787.html

**krishnaamma** · **krishnaamma** Wed 28 Sep 2011 - 13:58

வெளியே போகும்போது எவ்வளவு தான் எடுத்து போவது?

முஹைதீன் · முஹைதீன் Wed 28 Sep 2011 - 14:34

இதுக்கு வருத்தப்பட்டா பின்னாடி ரொம்ப கஷ்டப்பட வேண்டி வருமே

கஷ்டதிற்கு பிறகுதான் லேசு இருக்கு

Guest · Guest Wed 28 Sep 2011 - 17:06

த்தோடு மட்டும் இல்லாமல் குடுவைகள் பறிமாறப்படும் மினரல் வாட்டர்களில் trihalomethanes ( THM ) எனப்படும் கெமிக்கல் தாது அதிகமாக இருப்பதும், இது புற்றுநோயை உண்டாக்கும் சாத்தியத்தை அதிகரிக்கும் என்றும் அத்தகவல் கூறியது. இதே அளவிலான THM நீச்சல்குளம், பொது குளியல் நீர்களில் இருப்பதும் அதன் மூலமும் இது நம் உடலுக்குள் நுழையும் சாத்தியம் இருப்பதாகவும் மேலும் கூறுகிறது. சூப்பருங்க