எக்ஸெலில் ஆடியோ கோப்புகளை இணைப்பதற்கு

**இளமாறன்** · **இளமாறன்** Sat Oct 29, 2011 1:24 am

எக்ஸெலில் ஓடியோ கோப்புகளை இணைப்பதற்கு
[ வெள்ளிக்கிழமை, 28 ஒக்ரோபர் 2011, 08:38.29 மு.ப GMT ]
எக்ஸெல் ஒர்க்ஷீட்டில் உள்ள தகவல்களைக் காட்டிலும், நாம் தரும் விளக்கங்களைக் காட்டிலும், சில வேளைகளில் ஓடியோ இயக்கம் கூடுதல் விளக்கங்களைத் தரும்.

இதனால் ஒர்க்ஷீட்டினைப் பயன்படுத்துபவர்களுக்கு ஒரு மல்ட்டி மீடியா அனுபவம் கிடைக்கும். இதற்கென வசதியினை எக்ஸெல் கொண்டுள்ளது.

இதற்கான செட்டிங்ஸ் வழி இதோ:

1. எங்கு ஓடியோ கோப்பை இணைத்து இடம் அமைக்க வேண்டுமோ அதன் அருகே உள்ள செல்லைத் தேர்ந்தெடுக்க வேண்டும்.

2. Insert மெனு சென்று அங்கு Object என்பதனைத் தேர்ந்தெடுக்கவும். இது காட்டப்படாமல்(Not enabled and gray in colour) இருப்பின் உங்கள் செல் தேர்வில் சிறிய தவறு உள்ளது என்று பொருள். சரியாக இருந்தால், இங்கு ஆப்ஜெக்ட் டயலாக் பொக்ஸ் காட்டப்படும்.

3. இந்த பொக்ஸில் Create from File என்ற டேப்பினைத் தேர்ந்தெடுக்கவும். இதன் மேலாக ஓடியோ கோப்பைத் தேர்வு செய்திட பிரவுஸ் பட்டனும், நீள் சதுரமும் கொடுக்கப்பட்டிருக்கும் இதனைப் பயன்படுத்தி நீங்கள் இணைக்க விரும்பும் ஓடியோ கோப்பைத் தேர்ந்தெடுக்கவும்.

4. இந்த பொக்ஸிலேயே Link to file மற்றும் Display as Icon என்பவை தரப்பட்டிருக்கும். இவற்றையும் தேர்ந்தெடுக்கவும்.

5. அனைத்தும் முடிந்த பின்னர் ஓகே கிளிக் செய்து வெளியேறவும். இப்போது ஒர்க் ஷீட்டில் நீங்கள் இணைக்க நினைத்த இடத்தில் ஓடியோ ஐகான் காட்டப்படும். இதில் கிளிக் செய்தால் அந்த கோப்பு இயக்கப்பட்டு ஒலிக்கும்.

lankasritechnology