வருகிறது ரஜினியின் நிஜ சுயசரிதை!

வருகிறது ரஜினியின் நிஜ சுயசரிதை!


கடந்த 2009 ஆம் ஆண்டு ரஜினியின் தீவிர ரசிகையான சென்னையின் பிரபல கண் மருத்துவர் டாக்டர் காயத்ரி ஸ்ரீகாந்த் ’தி நேம் ஈஸ் ரஜினிகாந்த்’ என்ற தலைப்பில் ரஜினியின் சுயசரிதையை எழுதியிருந்தார். இந்தப் புத்தகத்தை பாராட்டியும் இருந்தார் ரஜினி. தமிழிலும் ‘ரஜினியின் பெயரைக் கேட்டாலே’ என்ற தலைப்பில் வெளியானது. ஆனால் விற்பனையில் பெரும் தோல்வியைச் சந்தித்தது இந்தப் புத்தகம்!

ஆனால் தற்போது, ரஜினி தனது வாழ்க்கையை சொல்லச் சொல்ல அதை தனது மொழியில் எழுதியிருக்கிறாராம், சர்வதேச சினிமா விமர்சகரும் பத்திரிகையாளருமான நமன் ராமச்சந்திரன். இந்தப் புத்தகம் எதிர்வரும் ரஜினியின் பிறந்த நாளாக கொண்டாடப்படவிருக்கும் 12.12.12 அன்று வெளியாக இருக்கிறது என்று ரஜினி ஊடக நண்பர்கள் வட்டாரத்தில் இருந்து தகவல் கிடைக்கிறது.


ரஜினியின் வாழ்க்கையைப் பற்றிய முழுமையான புத்தகமாக இது மட்டுமே இருக்கும் என்று கூறப்படும் இந்தப் புத்தகத்தை பெங்குவின் பதிப்பகம் வெளியிட இருக்கிறதாம். இதுகுறித்து அந்தப் பதிப்பகம் வெளியிட்டுள்ள செய்திக் குறிப்பில், “இதுவரை ரஜினியின் வாழ்க்கை வரலாறுப் புத்தகம் சில வந்திருக்கலாம். ஆனால் மிகத் துல்லியமாக அவரைப் பற்றி இந்தப் புத்தகம் பதிவு செய்திருக்கிறது. அபூர்வராகங்கள் முதல் வரவிருக்கிற ராணா வரை அனைத்து விவரங்கள், அவர் வாழ்க்கையில் நடந்த அத்தனை நிகழ்வுகளையும் உள்ளடக்கியதாக இந்தப் புத்தகம் உருவாக்கப்பட்டுள்ளது. அவரது எளிமை, திரையுலகில் அவரது ஆளுமை, அரசியலில் அவரது செல்வாக்கு என அனைத்தும் இந்தப் புத்தகத்தில் இடம்பெற்றுள்ளது,” என குறிப்பிட்டுள்ளது.

புத்தகத்தின் எழுத்தாளர் பற்றியும் குறிப்பிட்டுள்ள பென்குயின்...

“டைம்ஸ் ஆஃப் இந்தியா பத்திரிகையில் சினிமா விமர்சகராக பணியாற்றி, பின்னர் எச்பிஓ சேனலில் சேர்ந்தார் ராமச்சந்திரன். ஸ்டார், பிபிசி, எம்டிவி, சோனி, ஹாஸல்மார்க் என பல சேனல்களில் பணியாற்றியவர். இப்போது லண்டனில் ‘சினியூரோப்பாவின்’ செய்தியாளராக உள்ளார். திரைப்பட விழாக்கள் ஒருங்கிணைப்பு, ஆலோசனை மற்றும் படத் தயாரிப்பு பணிகளில் ஈடுபட்டுள்ளார்.


ஏற்கெனவே இந்திய சினிமா குறித்து ‘லைட்ஸ், கேமரா, மசாலா’ என்ற புத்தகம் எழுதியுள்ளார். இப்போது ரஜினியின் வாழ்க்கை வரலாற்றை எழுதிவருகிறார்.

எப்படிப் பிறந்தது இந்த சுயசரிதை புத்தகம் என்று விசாரித்தால்…சிங்கப்பூரில் சிகிச்சை பெற்று மறுஜென்மம் கொண்டு திரும்பிய பிறகு ரஜினி தனது எண்ணத்தை மாற்றிக்கொண்டார். தனக்கு உடல்நலம் சரியில்லை என்றவுடன் கோயில் கோயிலாக பிரார்த்தனை மேற்கொண்ட மக்களிடம், இதுவரை வெளியே தெரியாத தனது கதையை, பகிர்ந்து கொள்ள விரும்பி தனது சுயசரிதயை எழுத முடியுமா என்று நமன் ராமச்சந்திரனிடம் ரஜினி கேட்டுக்கொண்டதோடு, “ உங்களுடன் நான் சேர்ந்து எழுதலாமா? ‘ என்று கேட்டாராம் நமனிடம்! தற்போது இந்தப் புத்தகத்தின் முதல் பத்து அத்தியாயங்கள் எழுதப்பட்டு, பதிப்பகத்தின் க்ரியேட்டிவ் போர்ட், முக்கிய குடும்ப உறுப்பினர்கள், எஸ்.பி.முத்துராமன், சோ உள்ளிட்ட பலரிடம் கொடுத்து அவர்களின் கருத்தை தொடக நிலையிலேயே அறிந்துகொண்டு தொடர்ந்து எழுதி வருகிறார்களாம் நமனும் ரஜினியும்!


pakirvu - http://www.tamilleader.in/cine/1176-2012-01-05-11-04-52.html

உண்மையான சுயாசரிதையா?

அப்படி வந்தால் தமிழ் நாட்டில் பாதி பித்தர்கள் திருந்தி வாழ்க்கையில் உருபட்டு விடுவார்கள்