புதிய சொந்தமான வீடுபெற வேண்டுவோர் பாராயணம் செய்ய வேண்டி திருப்புகழ்

**இளமாறன்** · **இளமாறன்** Sat Feb 04, 2012 10:05 pm

புதிய சொந்தமான வீடுபெற வேண்டுவோர் பாராயணம் செய்ய வேண்டி திருப்புகழ் ஒன்றை வள்ளிமலை சச்சிதானந்த சுவாமிகள் அளித்துள்ளார்.

"அண்டர்பதி குடியேற மண்டசுரர் உருமாற
அண்டர்மன மகிழ்மீற அருளாலே
அந்தரியொ (டு) உடனாடு சங்கரனு மகிழ்கூர
ஐங்கரனும் உமையாளும் மகிழ்வாக
மண்டலமும் முனிவோரும் எண்திசையில் உளபேரும்
மஞ்சினும் அயனாரும் எதிர்காண
மங்கையுடன் அரிதானும் இன்பமுற மகிழ்கூற
மைந்துமயிலுடனாடி வரவேணும்
புண்டரிக விழியாள! அண்டர்மகள் மணவாள!
புந்திநிறை அறிவாள! உயர்தோளா
பொங்குடலுடன் நாகம் விண்டுவரை இகல்சாடு
பொன்பரவு கதிர்வீசு வடிவேலா
தண்தரண மணிமார்ப! செம்பொன் எழில் செறிரூப!
தண்தமிழின் மிகுநேய முருகேசா
சந்ததமும் அடியார்கள் சிந்தையது குடியான
தண்சிறுவை தனில்மேவு பெருமாளே''

இத்திருப்புகழினை மனமுருகிப் பாராயணம் செய்து புதிய சொந்தவீடு வேண்டுவோர் பலருக்குத் தவறாமல் முருகன் வரம் அளித்துள்ளான். `அண்டர்பதி' என்று துவங்கும் பாடல் தன்னை பாடுவதால் சொந்தவீடு கிட்டுவதோடு இன்பம் மகிழ்ச்சியும் தாண்டவமாடும்.

மாலைமலர்

கபாலி · கபாலி Sat Feb 04, 2012 11:06 pm

முதலிலுன் வருமான மென்னவென் றறிந்தபின்
உதவிடுமுன் னுறவுகளையும் முற்றுமு ணர்ந்தபின்
கதவதுவாம் தக்கவங்கி யதனையுந் தட்டுவாய்
சிதறாமல் வீடுபேற டைவாய் நீ உணர்வாயே.

இந்த பாடலை தினம் 10 முறை வாசித்தால் ஒரே மாதத்தில் வீடு வாங்குவது உறுதி..!

**பிஜிராமன்** · **பிஜிராமன்** Sat Feb 04, 2012 11:10 pm

கபாலி wrote:முதலிலுன் வருமான மென்னவென் றறிந்தபின்
உதவிடுமுன் னுறவுகளையும் முற்றுமு ணர்ந்தபின்
கதவதுவாம் தக்கவங்கி யதனையுந் தட்டுவாய்
சிதறாமல் வீடுபேற டைவாய் நீ உணர்வாயே.

இந்த பாடலை தினம் 10 முறை வாசித்தால் ஒரே மாதத்தில் வீடு வாங்குவது உறுதி..!

இந்தப் பாடலை படித்தால், மட்டும் போதுமா, அல்லது இதில் கூறியுள்ள படி எல்லாம் செய்ய வேண்டுமா நண்பா..... சிரி

கபாலி · கபாலி Sun Feb 05, 2012 12:00 am

கற்க கசடற கற்பவை கற்றபின்
நிற்க அதற்குத் தக.

**இளமாறன்** · **இளமாறன்** Sun Feb 05, 2012 12:14 am

கபாலி wrote:முதலிலுன் வருமான மென்னவென் றறிந்தபின்
உதவிடுமுன் னுறவுகளையும் முற்றுமு ணர்ந்தபின்
கதவதுவாம் தக்கவங்கி யதனையுந் தட்டுவாய்
சிதறாமல் வீடுபேற டைவாய் நீ உணர்வாயே.

இந்த பாடலை தினம் 10 முறை வாசித்தால் ஒரே மாதத்தில் வீடு வாங்குவது உறுதி..!

அருமையான பாடல் ... நன்றாக இயற்றி உள்ளீர்கள் ... இது மனிதன் தான் தன்னை மட்டுமே நம்பும் மனிதனுக்கு நல்ல பாடலாக அமையும் நன்றி மகிழ்ச்சி

சதாசிவம் · சதாசிவம் Sun Feb 05, 2012 8:20 am

நல்ல தகவல் பகிர்தமைக்கு நன்றி மாறன்.

அழகிய கவிதைக்கு நன்றி கபாலி,

இன்றைய சூழ்நிலையில் உதவும் உறவு வெகுக் குறைவு, வீட்டு மனைகள் இருக்கும் விலையில், வங்கிகள் போடும் கட்டுப்பாடுகளில் நேரடியாக வீடு பேறு அடைந்துவுடுவோமா என்று தோன்றுகிறது.