சூரிய ஒளியில்

சூரிய ஓளி மூலம் மின்சாரம் தயார் செய்து என் வீட்டில் உள்ள பல்பு, ஃபேன் போன்ற வற்றை வேலை செய்ய வைக்கவேண்டும். குறைந்த பட்சம் 3 பல்பு, 3 ஃபேன். இதற்கு எவ்வளவு செலவாகும், யாரை அணுகவேண்டும். தெரிந்தவர்கள் பதில் சொல்லவும்.

அற்புதமான யோசனை...இதற்கு விடை கிடைத்தால் எல்லோருக்கும் பயன்படும்...
ராஜ்அருண் படித்துவிட்டு அள்ளித்தருவார் யோசனைகளையும் தொடர்பான தள முகவரிகளையும்...

மின்சாரம் :

மின்சாரம் இரண்டு வகைப்படும். 1. ஏசி கரண்ட் (Alternative Current). இந்த வகை மின்சாரத்தை தான் நாம் வீடுகளில் உபயோகப்படுத்துகிறோம். இதன் மின் அழுத்தம் (VOLT) 220 V ஆகும். லைட்டிலிருந்து அனைத்து மின் சாதனக்களும் 220V. ஏசி -ல் இயங்குபவை. இவ்வகை மின்சாரத்தை சேமிக்க முடியாது. உதாரணத்திற்கு ஒரு மின்நிலையம் 100 MW மிசாரத்தை உற்பத்தி செய்யும் பொழுது, 60MW மின்சாரம் மட்டுமே உபயயோகப்படுத்தப்பட்டால், மீதி மின்சாரத்தை சேமிக்க முடியாது.
இரண்டாவது வகை டி.சி எனப்படும் டயரக்ட் கரண்ட் (DIRECT CURRENT). இதை நடைமுறையில் பாட்டரி கரண்ட் என சொல்லுவோம். அதாவது சேமிக்கப்பட்டு தேவைப்பட்ட நேரத்தில் உபயோகிக்ககூடியது. தேவைபடாத நேரத்தில் பாட்டரியில் இருக்கும் மீதி மின்சாரம் அடுத்த முறை உபயோகத்திற்கு பயன்படும்.

சூரிய ஒளி மின்சாரம் :
சூரிய ஒளியிலிருந்து மின்சாரத்தை தயாரிக்க கூடியது பி.வி (photovoltaicCell) எனப்படும் சிரிய பாட்டரியாகும். தேவைப்படும் மின்சாரத்திற்கேப பல பாட்டரிகளை இணைத்து பிளேட் வடிவத்தில் அமைக்கப்படுவது தான் சோலார் பேனல் ஆகும். இது 15W 12V, 30W-12V என பல அளவுகளில் தயாரிக்கப்படுகிறது.

சோலார் பானல்கள் மூலம் கிடைக்கும் மின்சாரத்தை பாட்டரிகளில் சேமிக்க வேண்டும். அதன் பின் பாட்டரி மின்சாரத்தை நம் உபயோகத்திற்கான 220V ஏ.சி மின்சாரமாக மாற்ற வேண்டும். இதற்கு இன்வெர்ட்டர் என்ற உபகரணம் பயன் படுகிறது.

சோலார் பானல்கள் மூலம் கிடைக்கும் மின்சாரத்தின் அளவு சூரிய ஒளியை பொருத்தது என்பதால், மின்சாரம் ஒரே அளவில் இருக்காது. அது பாட்டரியின் சார்ஜிங் அளவை காட்டிலும் கூடுதலாக அல்லது குறைவாக இருக்கும். அப்படியே அதை பாட்டரியில் சார்ஜ் செய்தால் பாட்டரி கெட்டுவிடும். இதை தடுக்க சார்ஜ் ரெகுலேட்டர் என்ற கருவி வழியாக சோலார் மின்சாரத்தை பட்டரியில் சார்ஜ் செய்ய வேண்டும்.

சார்ஜ் ரெகுலேட்டர்


12V / 100Ah பாட்டரி
இவ்விதம் பாட்டரியில் சேமிக்கப்பட்ட மிசாரத்தை இன்வெர்ட்டர் மூலம் 220 வோல்ட் ஏசி மின்சாரமாக மாற்றவேண்டும்.



சோலார் பானல், ரெகுலேட்டர், பாட்டரி, இன்வெர்ட்டர் இவற்றை எல்லாம் எப்படி இணைக்கவேண்டும் என்பதை கீழே உல்ள படம் விளக்கும்


தேவைகளும் பயன்பாடும்
ஒரு சிறிய வீட்டிற்கு அல்லது ஒரு வீட்டின் ஒரு பகுதி மின்சார தேவையை சோலார் பவர் மூலம் பூர்த்தி செய்வதைப்பற்றி பார்ப்போம். இதற்கு முதலில் ஒரு நாள் ஒன்றிற்கு எவ்வளவு மின்சாரம் (UNIT) தேவை என்பதையும், ஒரே நேரத்தில் (Maximum Power Consumption at a time) அதிகப்படியாக எவ்வளவு மின்சாரத்தை உபயோகிப்போம் என்பதை கணக்கிட வேண்டும்.

ஒரு யூனிட் என்பது 1000 வாட் பல்பு ஒரு மணி நேரம் எரிந்தால் அதற்கு தேவைப்படும் மின்சாரம் ஆகும் 100 வாட் என்றால் 10 மணி நேரத்திற்கு தேவைப்படும் மின்சாரம்.

எந்தெந்த உபகரணங்கள் எவ்வளவு வாட் என்பதை தெரிந்து கொள்வோம்.

Fan 60WATTS
Tube Light 40WATTS
Television 100 WATTS

ஒரு நாளில் உபயோகப்படுத்தப்படும் மின் சாதங்களின் அட்டவணை

டி.வி 1 100 W 3 மணி நேரம் 300 வாட்ஸ்
ஃபேன் 1 60 W 12 மணி நேரம் 720 வாட்ஸ்
டியூப் லைட் 3 40 W 4 மணி நேரம் 480 வாட்ஸ்
மொத்தம் 1500 வாட்ஸ்

ஒரே நேரத்தில் அதிகப்படியாக உபயோகிக்கும் மின்சாரத்தை கணக்கிடலாம். அதிகப்படி மின்சாரத்தை செலவு செய்வது இரவு 6.30 முதல் 9.30 வரைதான். அதன்படி பார்த்தால் 3 டியூப் லைட்டுகள்( 3 * 40 =120 வாட்ஸ்), டிவி (1* 100= 100வாட்ஸ்), பேன்(1*60= 60 வாட்ஸ்) எல்லாம் சேர்ந்து 280 வாட்ஸ். ஆக நமக்கு தேவை 600 VA திறன் (Capacity) கொண்ட இன்வெர்ட்டர்.

நாள் ஒன்றுக்கு 1500 வாட்ஸ் அல்லது 1.5 யூனிட் மின்சாரம் தேவை.
சோலார் மின்சாரத்தை மட்டுமே நம்பி இருக்க வேண்டியவர்கள் 3 நாட்களுக்கு தேவையான் மின்சாரத்தை பெற்று சேமிக்கும் வகையில் சோலார் பேனல்களையும், பாட்டரிகளையும் இணைக்கவேண்டும்.

நாம் இங்கு ஒரு நாள் தேவையை மட்டும் பூர்த்தி செய்யும் திறன் கொண்ட சோலார் யூனிட்டை பற்றி பார்க்கலாம்.

100 வாட் / 12 வோல்ட் சோலார் பேனல் 1 உத்தேச விலை = ரூ.20,000
600 VA இன்வெர்ட்டர் 1 உத்தேச விலை = ரூ. 4000.
100 Ah பாட்டரி 2 = ரூ.12,000
சார்ஜ் ரெகுலேட்டர் = ரூ. 2000
இதர செலவுகள் = ரூ.7000
ஆக உத்தேச செலவு = ரூ 45,000 -50000

இது ஒரு நீண்ட கால் முதலீடு.

சோலார் பேனலின் ஆயுட் காலம் 30 ஆண்டுகளுக்கு மேல். கம்பெனி வாரண்டி 20 வருடங்கள்.
பாட்டரி சுமார் 4-5 வருடங்கள் வரும்

அட்வாண்டேஜ் ,டிஸ் அட்வாண்டேஜ்
அட்வாண்டேஜ் :
1.கரண்ட் பில் கட்ட தேவையில்லை
2.தினந்தோறும் பராமரிக்க தேவை இல்லை
3.காற்று மாசுபடுவதில்லை
4.ஆட்டோமேடிக் சிஸ்டம் என்பதால் manual ஆக ஏதும் செய்ய வேண்டாம்
5.நீடிய உழைப்பு, பேனல்20 வருடங்கள் ,பேட்டரி 5 வருடங்கள்
6.புகை மற்றும் சத்தம் வருவதில்லை

டிஸ் அட்வாண்டேஜ் :
1.மழை காலம் ,மேக மூட்டம் சமயங்களில் சார்ஜ் ஏறுவது கடினம் ,
2.இட வசதி (மொட்டை மாடி இல்லாத வீடுகளுக்கு கடினம் தான் )
3.செலவு அதிகம்

சூரிய ஒளி மின்சாரத்திற்கு அரசின் பங்கு:
1.சோலார் பவர் சிஸ்டம் வாங்குபவர்களுக்கு தனியார் வழியாக உடனடி கடன் வழங்குவதுடன் 0% வட்டியுடன் மாதாந்திர திட்டமாய் நீண்ட கால அடிப்படையில் வசூல் செய்ய ஆவண செய்து கொடுத்து, தனியாரின் இழப்பீடாக வட்டியை அரசே ஏற்றுக் கொள்ளுதல்.
2. சோலார் பவர் சிஸ்டம் பயன்படுத்துவோரின் வீட்டின் அரசு மின் இணைப்பின் மாதாந்திர அடிப்படை கட்டணத்தை தவிர்த்து.. உபயோகத்திற்கு மட்டுமே கட்டணம் என்ற அடிப்படையில் பயன்படுத்திய மின்சாரத்திற்கு மட்டும் கட்டணம் பெறுதல்.

கிடைக்கும் இடங்கள் :
ஈரோடு
rpvsolarsystems
+91 9894643370
olx.in தளத்தில் 10,000 ரூபாய்க்கு கொடுப்பதாக கூறியுள்ளார் (ஒல்க்ஸ் செகண்ட் ஹேண்ட் பொருட்கள் கிடைக்கும் இடம் )

கோயம்புத்தூர்
235, Kamarajar Road, Above sub registrar office, Uppilipalayam Post, Coimbatore - 641 015, Tamil Nadu

Company Name:
Jai Solar Systems
Contact Person: Mr. J. Rajani Ganth
Telephone: +(91)-(422)-6454150
Mobile / Cell Phone: +(91)-9842297391
Address: No. 310, Kamarajar Road, Opposite Balasubramaniya Mills, Uppilipalayam Post, Coimbatore, Tamil Nadu - 641 015 (India)

சென்னை
Prosun Energy PVT LTD
No 195, Sainagar Coimbatore - 641021, RMT Bungalow Road, Saidapet, Chennai - 600015 |
Call: +(91)-44-66323189

Sunedison
Old No 110 New No 165 Menon Eternity 10th Floor, ST Marys Road, Alwarpet, Chennai - 600018 |
Call: +(91)-(44)-42923818

Eco Green Solar
Velamurtha Towers, Opp To Post Office, No 15/7 Nallana Mudhali Street, Royapettah, Chennai - 600014 |
Call: +(91)-(44)-65511021

Ever Green Solar System
No 40/35 Kuttiappan 1ST Floor, Behind To UMA Complex, 2ND Street, Kilpauk, Chennai - 600010 |
Call: +(91)-44-66369151

மேலும் நிறைய இடங்களில் கிடைக்கிறது

ரா.ரா3275 wrote:அற்புதமான யோசனை...இதற்கு விடை கிடைத்தால் எல்லோருக்கும் பயன்படும்...
ராஜ்அருண் படித்துவிட்டு அள்ளித்தருவார் யோசனைகளையும் தொடர்பான தள முகவரிகளையும்...

ராரா இதுல உள்குத்து ஏதுமில்லயே

ராஜ் அருண் - அருமையான தகவல்.

கணினி உலக விட்டு வந்து சோலார் சிஸ்டத்திலும்
உங்க முத்திரையை பதிச்சிட்டீங்க - வாழ்த்துகள்.

நன்றி ராஜ் அருண்....

சூப்பர் ராஜ் அருண்

அருமை அருமை அருமை

பதில் கொடுததற்கு 3 எழுத்தில் நன்றி மட்டும் சொன்னால் போதாது, thanks, தன்யவாத். என் கேள்விகள் தொடரும்.

varadalakshmi wrote:பதில் கொடுததற்கு 3 எழுத்தில் நன்றி மட்டும் சொன்னால் போதாது, thanks, தன்யவாத். என் கேள்விகள் தொடரும்.

பதிலளிக்க நாங்களும் தயார்!