இரவு ரோந்தில் தூங்கிய இன்ஸ்பெக்டர் இடமாற்றம்

இரா.பகவதி · இரா.பகவதி Wed Apr 18, 2012 8:13 pm

திண்டுக்கல் : திண்டுக்கல் மாவட்டம் நிலக்கோட்டை அருகே விளாம்பட்டியில் கோயில் விழாவில் நடந்த கோஷ்டி மோதலில் 3 பேர் கொலை செய்யப்பட்டனர். அசம்பாவிதங்களை தடுக்க விளாம்பட்டி பகுதியில் தினசரி இரவு, ஒரு இன்ஸ்பெக்டர் தலைமையில் போலீசார் ரோந்து பணி மேற்கொள்ள உத்தரவிடப் பட்டது. கடந்த 15ம் தேதி இரவு பழநி டவுன் இன்ஸ்பெக்டர் ரவிக்கு ரோந்து பணி கொடுக்கப்பட்டது. அன்று இரவு 11மணிக்கு திண்டுக்கல் எஸ்பி ஜெயச்சந்திரன் இன்ஸ்பெக்டரை வாக்கி டாக்கியில் அழைத்தார். ஆனால் அவரிடமிருந்து பதில் இல்லை. பலமுறை முயன்றும் வாக்கி டாக்கியை இன்ஸ்பெக்டர் எடுக்கவே இல்லை.

பொறுமையிழந்த எஸ்பி ஜெயச்சந்திரன் காரில் விளாம்பட்டி சென்றார். அங்கு, இன்ஸ்பெக்டர் ரவி, ஜீப் டிரைவர் ஆகியோர் ஜீப்பில் தூங்கி கொண்டிருந்தனர். இதையடுத்து, பணியில் மெத்தனமாக இருந்ததற்காக இன்ஸ்பெக்டர் ரவியை திண்டுக்கல்,திருச்சி சாலையில் உள்ள சோதனை சாவடி பணிக்கு இடமாற்றம் செய்து எஸ்பி உத்தரவிட்டார்.
இந்த சோதனை சாவடி பணிக்கு ஏட்டு அல்லது பயிற்சி எஸ்ஐ மட்டுமே நியமிக்கப்படுவர். இன்ஸ்பெக்டரை சோதனை சாவடி பணிக்கு மாற்றம் செய்தது போலீசார் மத்தியில் கலக்கத்தை ஏற்படுத்தி உள்ளது. இன்ஸ்பெக்டருடன் தூங்கிய ஜீப் டிரைவர் திண்டுக்கல் ஆயுதப்படைக்கு இடமாற்றம் செய்யப்பட்டார்.

நன்றி