காலையில் இஞ்சி... கடும்பகல் சுக்கு!

**krishnaamma** · **krishnaamma** Thu Sep 27, 2012 9:28 pm

தலைப்பை பார்த்ததும் ரைமிங்கா இருக்கேனு பார்க்கிறீங்களா? அது உங்களோட பார்வையை பொறுத்தது! சரி விஷயத்துக்கு போவோமா? மூலிகை வைத்தியத்தோட மகத்துவத்தை சொல்லும் வரிகளே இது. இன்னும் கொஞ்சம் விரிவா சொல்லணும்னா...

காலையில் இஞ்சி, கடும்பகல் சுக்கு, மாலையில் கடுக்கா‌ய்... மண்டலம் தின்றால் கோலை ஊன்றி குறுகி நடப்பவன் கோலை வீசி குலுக்கி நடப்பனே... என்று சித்த மருத்துவத்துல சொல்றாங்க. இந்த வரிகளோட அர்த்தம் என்னன்னா... நல்ல உடல் நலத்தோட வாழணும்னா மேலே சொன்னபடி காலை வேளையில இஞ்சி சாப்பிடணும். காலங்காத்தால இஞ்சியை சாப்பிடணுமானு நீங்க கேட்குறது எனக்கு புரியுது? அதேநேரத்துல நாங்க சாப்பாட்டுல இஞ்சி, பூண்டு தவறாம சேர்ப்போம்னு சிலபேர் சொல்றதும் எனக்கு கேட்குது.

இஞ்சியை சாறாக்கி காலைல குடிக்கணும். சாறு எடுத்தவுடனே பத்து நிமிஷம் அப்பிடியே வச்சீங்கன்னா அடியில (வெ‌ள்ளையும் மஞ்சளும் கலந்த நிறத்துல) வண்டல் படியும். அதை அப்பிடியே விட்டுட்டு மேல தெளிஞ்ச நீரை மட்டும் எடுத்து குடிக்கணும். காலையில் வெறும் வயித்துல குடிச்சா நல்லது. வெறுமனேயும் குடிக்கலாம், தேன் சேர்த்தும் குடிக்கலாம். டீயில போட்டும் குடிக்கலாம். இப்பிடி குடிக்கிறதுனால அஜீரணக்கோளாறு சரியாகும்.

ரத்த அழுத்தம், இருதயக்கோளாறுக‌ள் சரியாகும். வயித்துப்புண்... அதுதான் அல்சர்னு சொல்றாங்களே, அது இருந்தா குடிக்காதீங்க. மத்தபடி சாதாரணமா குடிக்கலாம். தினமும் குடிக்கணும்னு அவசியம் இல்லை. பாதிப்புக‌ள் இருக்குறவங்க ஒரு மண்டலம் (48 நா‌ள்) குடிக்கலாம். பிறகு வாரத்துல ஒருநா‌ள் குடிச்சிட்டு வந்தாலே போதும். ரத்த அழுத்தம் குறையும்போது இஞ்சி சாறை குடிக்கலாம். இந்த மாதிரி நேரங்க‌ள்ல தலை வலிச்சிக்கிட்டு உட்காரவும் முடியாம, நிக்கவும் முடியாம ஒரு மாதிரி பண்ணும். அப்போ இஞ்சி சாறோட தேன் கலந்து குடிச்சா 5 இல்லைனா 10 நிமிஷத்துல தலைவலி நிக்குறதோட ரத்த அழுத்தம் சரியாயிரும். அதுக்கு அப்புறம் தேவையானத சாப்பிட்டு ரத்த அழுத்தத்தை சரி செஞ்சா பிரச்சினையில்லை.

இஞ்சியை துவையல் செஞ்சும் சாப்பிடலாம். இஞ்சி ரசம், இஞ்சி குழம்பு, இஞ்சி ஜூஸ் சாப்பிடலாம். இஞ்சி ஜூஸ் எப்பிடி செ‌ய்யணும்னா இஞ்சியை சாறு எடுத்து வடிகட்டி அதோட எலுமிச்சை சாறு, நெல்லிக்கா‌ய் சாறு, தேன், சர்க்கரை சேர்த்தா ஜூஸ் ரெடி. இதை காலை நேரத்துல குடிச்சா வயிறு எரிச்சல் இல்லாம ஆரோக்கியமா இருக்கும். இஞ்சி ஜூஸை புதுசா சாப்பிட்டா சில பேருக்கு ஒத்துக்கிடாது. அதனால முதல்ல வாரத்துல ஒருநா‌ள் சாப்பிடுங்க, பிறகு விருப்பம்போல சாப்பிடுங்க. இஞ்சி முரப்பாவும் சாப்பிடலாம்.

அடுத்ததா.. கடும்பகல்ல சுக்கு சாப்பிடுங்க. கடும்பகல்ல அவனவன் வேலை பாத்திட்டு இருக்கும்போது இதயெல்லாம் எங்க செ‌ய்யுறது. சாயங்கால நேரத்துல செ‌ய்யுங்க. ஆமா... சுக்கை வெறுமனே எப்பிடி சாப்பிடுறது? சுக்கு காபி போட்டு சாப்பிட்டா சூப்பரா இருக்கும். இதுக்கு என்னென்ன தேவைனா மிளகு ஒரு பங்கு அதைவிட 2 மடங்கு சுக்கு, இந்த சுக்குக்கு இன்னொரு பங்கு கொத்தமல்லி... அதாவது தனியா. கொஞ்சம் ஏலக்கா‌ய் சேர்த்துக்கோங்க. இதை எல்லாத்தயும் பொடி பண்ணி வச்சிக்கோங்க. அதோட துளசி, தூதுவளை, நொச்சி, ஆடாதொடை, ஓமவல்லி இலைக‌ள் கிடைச்சா சேர்த்துக்கலாம்.

இது எல்லாத்தையும் தேவையான அளவு தண்ணி விட்டு கொதிக்க வச்சி வடிகட்டி கருப்பட்டி... அதாவது பனைவெல்லம் சேர்த்து குடிச்சீங்கன்னு வச்சிக்கோங்க. ஜலதோஷம், சளி, இருமல், தொண்டைக்கட்டு எல்லாம் சரியாகிடும். மழைக்காலத்துல இத குடிச்சிட்டு வந்தாலே போதும். வைத்தியரு, டாக்டருனு அலைய வேண்டியதில்லை. இந்த சுக்கையும் ரசம் வைக்கலாம், குழம்பு வைக்கலாம். ஜலதோஷம் தொடங்குற நேரத்துல வர்ற தலைவலினாலும் சரி, வேற சில காரணங்களால வர்ற தலைவலினாலும் சரி சுக்கை கொஞ்சம் தண்ணி விட்டு ஒரசி (இழைத்து) நெத்தியில பத்து போட்டா அஞ்சே நிமிஷத்துல தலைவலி பஞ்சா பறந்துரும்.

மாலையில் கடுக்கா‌ய். சாயங்காலம் சுக்கை சாப்பிட்டுட்டு கடுக்கா‌ய் சாப்பிடணுமானு நீங்க ‘ஙே’னு முழிக்கிறது புரியுது. ராத்திரியில வச்சிக்கோங்க. சாப்பிட்டுட்டு தூங்கப்போற நேரத்துல கடுக்கா‌ய் கசாயம் குடிங்க. காலையில் எந்த பிரச்சினையும் இல்லாம காலைக்கடனை கழிக்கலாம். கடுக்காயை சாப்பிடுறதுலயும் ஒரு முறை இருக்கு. கடுக்கா‌ய் முழு கடுக்காயையும் போட்டுறக்கூடாது. ரெண்டு தட்டு தட்டி தோலை மட்டும் எடுத்துக்கோங்க, கொட்டையை தூர போட்டுருங்க.

ஒரு ஆளுக்கு ரெண்டு கடுக்கா‌ய் போதும். தண்ணி விட்டு நல்லா கொதிக்க வைங்க. நல்லா சுண்டினவுடனே சூடு ஆறினதும் மடக்குனு குடிச்சிருங்க. துவர்ப்பா இருக்கும். வாந்தி கீந்தி எடுத்திராதீங்க. பாக்கு, பான்பராக்குனு எந்தெந்த கருமத்தையெல்லாமோ சாப்பிடும்போது இதை சாப்பிடுறதில தப்பே இல்லை. காலையில ரெண்டு கடுக்காயோட பலனை நல்லாவே உங்களால உணர முடியும். இது சத்தியம்... சத்தியம். ஆமாங்க எல்லா நம்ம அனுபவந்தான். இது எல்லாமே எனக்கு நான் செஞ்சி பார்த்து முழு பலனையும் அனுபவிச்சது எ‌ன்‌கிறா‌ர் மூலிகை ஆரா‌ய்ச்சியாளர் தமிழ்குமரன்.

நன்றி : இயற்கை வைத்தியம்.

**Dr.சுந்தரராஜ் தயாளன்** · 03/09/2011

நன்றி..நன்றி...இஞ்சியும் சுக்கும் நன்றாகவே அனுபவம் உள்ளது...இந்த கடுக்காய இதுவரை கையாண்டதில்லை....பார்த்துற வேண்டியது தான் மகிழ்ச்சி

இந்த பதிவைத் துவங்கியவர் நன்றி கூறியுள்ளார் Dr.சுந்தரராஜ் தயாளன்

யினியவன் · யினியவன் Thu Sep 27, 2012 9:40 pm

Dr.சுந்தரராஜ் தயாளன் wrote:நன்றி..நன்றி...இஞ்சியும் சுக்கும் நன்றாகவே அனுபவம் உள்ளது...இந்த கடுக்காய இதுவரை கையாண்டதில்லை....பார்த்துற வேண்டியது தான்

பார்க்கிறேன்னு சொல்லிட்டு அம்மாக்கு கடுக்கா குடுத்துடாதீங்கைய்யா புன்னகை

**ரா.ரா3275** · **ரா.ரா3275** Thu Sep 27, 2012 10:49 pm

காலையில் கள்ளைக் குடி
கடுவெயிலில் அரக்கைப் போடு
மாலையில் லிக்கர் போடு
மைந்தனே சுகமாய் வாழ்வாய்

-இப்படி எங்க ஊரில் சொல்லுவார்...இதுக்கும் ஏதேனும் அர்த்தம் இருக்குமோ?

**Dr.சுந்தரராஜ் தயாளன்** · 03/09/2011

யினியவன் wrote:
Dr.சுந்தரராஜ் தயாளன் wrote:நன்றி..நன்றி...இஞ்சியும் சுக்கும் நன்றாகவே அனுபவம் உள்ளது...இந்த கடுக்காய இதுவரை கையாண்டதில்லை....பார்த்துற வேண்டியது தான்
பார்க்கிறேன்னு சொல்லிட்டு அம்மாக்கு கடுக்கா குடுத்துடாதீங்கைய்யா

வேறு யாருக்கெல்லாமோ கடுக்கா கொடுத்துள்ளேன் யினியவன் , அம்மா தப்பித்துக்கொண்டார்கள். அறுபது ஆகிவிட்டது, ஆகவே இனி அதற்க்கு வாய்ப்பே இல்லை. நாற்பதுகளில் ஒரு சில வாய்ப்புகள் வந்தபோது மனதை அடக்கிக்கொண்டேன். மகிழ்ச்சி

**மாணிக்கம் நடேசன்** · 14/12/2009

மிக மிக மிக நன்றி அக்கா.

Guest · Guest Fri Sep 28, 2012 10:11 am

மிக அருமை அம்மா ... இயற்கை வைத்தியத்தை விட்ட நாள் முதல் நோய்கள் தமிழன் பின்னாலே அலைகிறது .. சோகம்

யினியவன் · யினியவன் Fri Sep 28, 2012 11:31 am

Dr.சுந்தரராஜ் தயாளன் wrote:வேறு யாருக்கெல்லாமோ கடுக்கா கொடுத்துள்ளேன் யினியவன் , அம்மா தப்பித்துக்கொண்டார்கள். அறுபது ஆகிவிட்டது, ஆகவே இனி அதற்க்கு வாய்ப்பே இல்லை. நாற்பதுகளில் ஒரு சில வாய்ப்புகள் வந்தபோது மனதை அடக்கிக்கொண்டேன்.

பார்த்தீங்களா சும்மா ஒரு பிட்ட போட்டு உங்களின் நாற்பதில் நடந்ததை நாடறிய செய்துவிட்டேன். புன்னகை

Guest · Guest Fri Sep 28, 2012 12:14 pm

யினியவன் wrote:
Dr.சுந்தரராஜ் தயாளன் wrote:வேறு யாருக்கெல்லாமோ கடுக்கா கொடுத்துள்ளேன் யினியவன் , அம்மா தப்பித்துக்கொண்டார்கள். அறுபது ஆகிவிட்டது, ஆகவே இனி அதற்க்கு வாய்ப்பே இல்லை. நாற்பதுகளில் ஒரு சில வாய்ப்புகள் வந்தபோது மனதை அடக்கிக்கொண்டேன்.
பார்த்தீங்களா சும்மா ஒரு பிட்ட போட்டு உங்களின் நாற்பதில் நடந்ததை நாடறிய செய்துவிட்டேன்.

எத பத்தி பேசுறிங்க ? அதிர்ச்சி

யினியவன் · யினியவன் Fri Sep 28, 2012 1:04 pm

புரட்சி wrote:எத பத்தி பேசுறிங்க ?

கடுக்கா கடுக்கால்ல அதப் பத்தி மதன் புன்னகை

Sponsored content · Sponsored content

காலையில் இஞ்சி... கடும்பகல் சுக்கு!

காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

Re: காலையில் இஞ்சி... கடும்பகல் சுக்கு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக