கூடங்குளம் அணு உலையை எதிர்த்து சாகவும் தயாராக இருக்கிறோம்: உதயகுமார் பரபரப்பு பேட்டி

கூடங்குளம் அணு உலை எதிர்ப்பு போராட்டக்குழு ஒருங்கிணைப்பாளர் உதயகுமார் நிருபர்களிடம் கூறியதாவது:-
:-
கூடங்குளம் அணு உலை தொடர்பான சுப்ரீம் கோர்ட்டின் இறுதி தீர்ப்பு இன்னும் வரவில்லை. ஆனால் சுப்ரீம் கோர்ட்டு தீர்ப்பை விட பெரியதான மக்களின் உணர்வுகளை மத்திய, மாநில அரசுகள் மதிக்கவில்லை. மனித உரிமைகள் மீறப்பட்டுள்ளது கண்டிக்கத்தக்கது.
:-
அணுக்கழிவை என்ன செய்யப்போகிறீர்கள்? பேரிடம் மேலாண்மை பயிற்சி எவ்வாறு கொடுக்கப்போகிறீர்கள்? என்று சுப்ரீம் கோர்ட்டுகேள்வி எழுப்பியுள்ளது.
இதற்கு மத்திய அரசு சரியானபதில் அளிக்கவில்லை.
:-
கர்நாடகாவில் எந்த இடத்திலும் அணுக்கழிவை வைக்க அனுமதிக்கமாட்டோம் என அம்மாநில மக்கள் கூறுகிறார்கள். அவர்களை மத்திய அரசு மதிக்கிறது. கர்நாடகாவில் அணுமின் திட்டம் அறிவிக்கப்பட்டு பணிகள் தொடங்கியதும் அத்திட்டம் கைவிடப்பட்டது.
:-
கர்நாடக காங்கிரஸ் மத்திய மந்திரி வீரப்ப மொய்லி அணுமின்திட்டத்தை எதிர்க்கிறார். ஆனால் தமிழகத்தில் உள்ள காங்கிரஸ் மந்திரிகள் அணுமின் திட்டம் பாதுகாப்பானது எனக்கூறி வரவேற்கிறார்கள். தமிழர்களை மத்திய அரசு மாற்றான் தாய் மனப்பான்மையில் நடத்துகிறது.
கர்நாடக முதல் மந்திரி ஷெட்டர் அணுக்கழிவை தங்களது மாநிலத்தில் கொட்ட விடமாட்டோம் என கூறியுள்ளார்.
:-
எங்களை தேசத்துரோகி எனக்கூறும் பா.ஜ.க.வினர் கர்நாடக முதல் மந்திரியை தேச துரோகி என்று கூறுவார்களா?. தமிழகமக்களின் உணர்வை மதிக்காதது கண்டிக்கத்தக்கது. தமிழக இயற்கை வளத்தை ரஷ்யாவிற்கு வழங்க அனுமதிக்கமாட்டோம்.
:-
உயிரை கொடுத்தாவது இயற்கை வளத்தை காப்போம். கூடங்குளம் அணுமின் நிலையத்தை எதிர்த்து நாங்கள் சாகவும் தயாராக இருக்கிறோம்.
இவ்வாறு உதயகுமார் கூறினார்.
:-
மாலை மலர்

வாழ்க மக்கள் போராட்டம்!

எங்களை தேசத்துரோகி எனக்கூறும் பா.ஜ.க.வினர் கர்நாடக முதல் மந்திரியை தேச துரோகி என்று கூறுவார்களா?. தமிழகமக்களின் உணர்வை மதிக்காதது கண்டிக்கத்தக்கது. தமிழக இயற்கை வளத்தை ரஷ்யாவிற்கு வழங்க அனுமதிக்கமாட்டோம்.

-----------------------------------------------------------------------------------------------------------------------
அமெரிக்கா இங்கிலாந்து போன்ற நாடுகளுக்கு அனுமதி உண்டா??