திருமலையில் தங்கும் விடுதிகள் பெறுவதற்கு தொடுதிரை கணினி அறிமுகம்

DERAR BABU · DERAR BABU Wed Dec 12, 2012 4:16 pm

திருமலை: திருமலையில் பக்தர்கள் தங்கும் அறைகள் ஒதுக்குவதில் ஊழியர்களுடன் இடைத்தரகர்கள் இணைந்து, முறைகேடுகள் செய்வதாக பல்வேறு புகார்கள் வந்தது. இதுதொடர்பாக சமீபத்தில் 4 ஊழியர்களிடம் தேவஸ்தான முதன்மை செயல் அலுவலர் விசாரித்தார்.இந்நிலையில், முறைகேடுகளை தவிர்க்க, திருமலை ஏழுமலையான் கோயிலுக்கு வரும் பக்தர்கள் தங்கும் விடுதிகள் பெறுவதற்கான தொடுதிரை கணினி திட்டத்தை தேவஸ்தானம் நேற்று அறிமுகப்படுத்தியது.

முதல் கட்டமாக பத்மாவதி தங்கும் விடுதி விசாரணை மையத்தில் இந்த புதிய தொடு திரை கணினி மையம்Õ அமைக்கப்பட்டுள்ளது. இதில், ரூ.1000 முதல் 6 ஆயிரம் வரை வாடகையில் தங்கும் அறைகள் பெறும் பக்தர்கள் இந்த வசதியினை பயன்படுத்தி கொள்ளலாம்.

அறைகளை பெற விரும்பும் பக்தர்கள் இந்த தொடுதிரையில் தங்கள் கைரேகை மற்றும் புகைப்படத்தை பதிவு செய்தவுடன் தானியங்கி கணினியிலிருந்து, அறை ஒதுக்கப்பட்டுள்ள பகுதி மற்றும் அறை எண் கொண்ட ரசீது வரும். இந்த ரசீதை விடுதியில் உள்ள தேவஸ்தான ஊழியர்களிடம் கொடுத்தால், அறைக்கான தொகையை பெற்றுக்கொண்டு அறையின் சாவி வழங்குவர்.

இந்த திட்டத்தில் சன்னிதானம், சங்குமிட்டா, ஸ்ரீசக்கரா, ஆதிசேஷா ஆகிய பக்தர்கள் தங்கும் 4 விடுதிகள் முதற்கட்டமாக இணைக்கப்பட்டுள்ளது. இத்திட்டத்துக்கு பக்தர்களிடம் கிடைக்கும் வரவேற்பை பொறுத்து மற்ற இடங்களில் விரிவாக்கப்படும் என தேவஸ்தான அதிகாரிகள் தெரிவித்துள்ளனர்...........

தினகரன்

**ரா.ரா3275** · **ரா.ரா3275** Wed Dec 12, 2012 5:25 pm

பகிர்வுக்கு நன்றி

திருமலையில் தங்கும் விடுதிகள் பெறுவதற்கு தொடுதிரை கணினி அறிமுகம்

திருமலையில் தங்கும் விடுதிகள் பெறுவதற்கு தொடுதிரை கணினி அறிமுகம்

Re: திருமலையில் தங்கும் விடுதிகள் பெறுவதற்கு தொடுதிரை கணினி அறிமுகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக