சனி பகவானின் சிறப்புகள்

இந்த சனி பிடித்தவள் சந்தைக்கு போனாலும் கந்தலும் அகப்படாது... இந்த சனியன் பிறந்த நாளிலிருந்து குடும்பத்தை பாடாய்படுத்துகிறது இப்படியாக சனியை பலகோணங்களில் வசை பாடினாலும் அவரின் மகத்துவம் சிறப்பானது. சனி ஒருவர் மட்டுமே பிற கிரகங்களை விட உலகத்து மக்களிடம் பிரபலமானவர். குரு கிரகத்திற்கு அடுத்த கிரகம் சனி. குறுக்களவு உத்தேசமாக 73,000 மைல்.

குமரிமாவட்டம் சுசீந்திரம் தாணு மாலையர் கோவிலில் கற்சிலையாக தூணில் பெண் உருவில் காட்சி தருகிறார். நெல்லையை அடுத்த கருங்குளத்திலும் சனி பகவான் நீலாவுடன் அமர்ந்துள்ளார்.

மனித உடலில் தொடைகளுக்கு உடையவர். குடல் வாதநோய் இவரால் ஏற்படும்.

மேலும் ஹிரண்யா, வி.டி, முதுகு வலி, விரைவீக்கம், முடக்குவாதம், யானைக்கால், பேய் தொல்லை, மூலநோய், மனதளர்ச்சி இவையும் இவரின் கட்டுப்பாட்டில் இருப்பதால் இந்நோய் பாதித்தவர்கள் சனியை வணங்குவதால் நோயின் வேகம் வெகுவாக தணியும்.

சனி ஜாதகத்தில் 3, 6, 1,0 11-ல் இருந்தால் நிலபுலம் வாங்குதல், வீட்டு வசதி, விவசாயத்தில் பாடு, உத்யோகம், வருவாய், பெரியோர் ஆதரவு, தலைமை தாங்கும் பொறுப்பு இவையாவும் சுலபத்தில் வந்து விடும்.

8-ம் இடத்து சனி„- தொல்லைகளை அள்ளித்தந்தாலும், ஆயுளை அதிகரிக்கச் செய்வார். ரேகை சாஸ்திரத்தில் நடுவிரலுக்கு நேர் கீழ்பாகம் உள்ள சனி மேட்டில், அதிக ரேகைகள் செங்குத்தாக காணப்பட்டால், ஒன்றல்ல பலவீடுகள் சுலபமாக அவர்களை நாடிவரும்.

12-ல் சனி இருக்கப் பிறந்தோர்„- வாழ்க்கை துணைக்கு வேட்டு வைக்கும் சுபாவம் நிலைக்கும். ஊதாரித்தனம், வந்த வருமானம் நாலாவிதமாக தீய வழியில் செலவிடுதல் போன்றவை நிகழும். பெருவிரலை அடுத்த சுக்கிர மேட்டில் பலவித குறுக்கு கோடுகள் அடியில் காணப்பட்டால் சனி பாடாய் படுத்தப் போவதின் அறிகுறி என திடமாக நம்பலாம்.

4-ல் சனி அன்னைக்கு அற்ப ஆயுள், கெட்ட நண்பர்கள் சேர்க்கை, வேண்டாத வம்பில் நம்மை இணைப்பது நிகழும்.

சனிபகவான் ஜாதகத்தில் சீராக அமைந்திருந்தால் இரும்பு, மெஷினரி, இரும்பு தொழிற்சாலை, தோல், சிமென்ட் ஏஜென்ட், தயாரிப்பு, கரும் பலகை, ரோஸ் உட், நல்லெண்ணை மொத்த வியாபாரம், போக்குவரத்து தொழிலிலும் பட்டால் வெற்றிதரும்.

சனியன்று சந்திராஷட தினமாக மகரராசி, திருவோண நட்சத்திரத்தில் பிறந்தோருக்கு அமையப்பெற்றால் அன்று கண் பார்வைக்காக அறுவை சிகிச்சை செய்தல் கூடாது.

லக்னத்தில் சனி அமர்ந்து உடலில் அபரிமிதமாக ரோமங்கள் காணப்பட் டால் இல்லாமை, பணமுடை ஏற்படும். அதற்கு பரிகாரம், சாதுக்கள் மற்றும் தானம் கேட்போருக்கு ஒரு இரும்பு ஸ்டவ் இனாமாக கொடுக்கலாம்.

சனி இரண்டில் இருந்தால் - நெற்றியில் எள் எண்ணெய் தேய்த்தல் கூடாது.

சனி மூன்றில் இருந்தால் - வீட்டு வாசல் கதவில் மூன்று இரும்பு ஆணி இருக்கச் செய்யவும்.

சனி நாலில் இருந்தால் - கறுப்பு ஆடை கள், கொள்ளு (தானியம்) தானம் செய்யலாம்.

சனி ஐந்தில் இருந்தால் - வீட்டின் மேற்கு பாகத்தில், செம்பு, வெள்ளி, தங்க உலோகம் இருக்கச் செய்யவும்.

சனி ஆறில் இருந்தால் - 40-க்குமேல் 48 வயதிற்குள்ள இடை காலத்தில் வீடு கட்டுதல் கூடாது.

சனி 7-ல் இருந்தால் - கருப்பு நிற பசுவுக்கு புல் தரலாம். மூங்கில் குழாயில் சர்க்கரையை நிரப்பி வீட்டு வாசலில் பூமியினுள் மூடி வைப்பதுவும் போதுமானது.

சனி 8-ல் இருந்தால் - கல்லில் அல்லது மரப்பலகை நாற்காலியில் அமர்ந்து, தண்ணீரில் ஒரு ஸ்பூன் பாலை கலந்து குளித்தல் சிறப்பானது.

சனி 9-ல் இருந்தால் - வீட்டின் மொட்டை மாடியில் புல் வளர்த்தல் கூடாது.

சனி 10-ல் இருந்தால் - 10-பார்வையில்லாதோருக்கு தானம் செய்யலாம்.

சனி 11-ல் இருந்தால் - வீட்டை நீண்டநாள் பூட்டி செல்லும் போது வீட்டு வாசலில், சிறு குடம் தண்ணீரை வைத்து செல்வது தீமையை அகற்றும்.

சனி 12-ல் இருந்தால் - வீட்டின் கடைசி இருட்டறையில் 12-பாதாம் பருப்பை கறுப்பு துணியில் முடித்து வைப்பது நன்மையூட்டும்.

சனியை முறையோடு வணங்கினால் - தொல்லைகளை அகற்றிவிடுவார்.