ரசித்த கவிதைகள்....

**Powenraj** · **Powenraj** Mon Feb 25, 2013 4:12 pm

http://www.thamilan.lk/news_images/987760281.2.jpg
சூளுரை:
வாழ்ந்த பாரதிக்கு துதியும் தூபமும்
வாழும் பாரதிக்கு மிதியும் சாபமும் -
வாய்க்கரிசி போடுமிந்த வக்கிரத்தால்
நாறிப் போகுமே நற்றமிழின் தலைவிதி ?
•
இலக்கண வேலியில்லா
இலக்கிய வயல்களில்
விதைத்திட்ட வித்தெல்லாம்
வீணாமோ பாழாமோ ?
குரங்குகளும் மந்திகளும்
கூத்தாடி விளையாடி
நற்பயிரைக் கொன்றொழித்து
நாசமாக்கிப் போய்விடவோ ?
•
ஆழ் மனதில் ஊற்றெடுக்கும்
அழகான உணர்வுகளை
அம்மணமாய் அரைகுறையாய்
அலையவிட அனுமதியோ ?
ஆடைகட்டி , மேடையேற்றி
அம்பலத்தில் ஆடவிட்டால் ;
பாடைகட்டிப் போகாதல்லோ
பைந்தமிழின் நற்குணங்கள் ?
•
நேற்றையத் தமிழனை
நினைத்தே உம்பெருமை
நாளையத் தமிழினை
நினைத்தே என்கவலை!
•
உக்கிரம் எடுத்து வக்கிரம் கெடுத்து
இழிவுகள் அழித்து தமிழழிவுகள் ஒழித்து ,
ஞானக் கலைஞனை மேடையேற்றுவோம் !
ஊனக் கொலைஞனை பாடையேற்றுவோம் !
சீறும் குணமும் சீரிய மனமும்
வீறுடன் தூக்கி விரைந்துவா! தோழா!
நாறும் கழிவகற்ற நாளும் பணிசெய்வோம்!
மாறும்! வரும்மாற்றம்! மார்தட்டு சூள்கொட்டு!
http://www.thamilan.lk/news_images/644096991how-to-draw-elves.WidePlayer2.jpg
ஓவியம்:
வெள்ளைத்தாள்
விளைநிலத்தில் - பேனாக்குள்
விதைத்த
வியர்வைத் துளிகளே
வீணாகாத
ஓவியங்கள்
http://www.thamilan.lk/news_images/2004335457waiting-man-vector-7614262.jpg
என்னவளே:
தொலைவினில் ஏதோ
இடி முழக்கம் என்று
அலைபேசியில்
சொன்ன
உன்னிடம்-நான்
எப்படிச்சொல்வேன்-அது
உனக்காக காத்திருக்கும்
நிமிடங்களில் துடிக்கும்
எனது
இதயதுடிப்பென்று?
-
நன்றி-தமிழன்

**கரூர் கவியன்பன்** · 23/09/2012

முதற்கவிதை மூளையின் முற்றத்தில் முந்திவிரித்து உட்கார்ந்துக் கொண்டது.

சூப்பருங்க

**உமா** · **உமா** Mon Feb 25, 2013 8:18 pm

ஓவியம்:
வெள்ளைத்தாள்
விளைநிலத்தில் - பேனாக்குள்
விதைத்த
வியர்வைத் துளிகளே
வீணாகாத
ஓவியங்கள்

என்ன ஒரு சிந்தனை வளம்.
எழுதியவருக்கும் பகிந்தவருகும் வாழ்த்துகள்.

**T.N.Balasubramanian** · **T.N.Balasubramanian** Tue Feb 26, 2013 8:43 am

என்னவளே:
தொலைவினில் ஏதோ
இடி முழக்கம் என்று
அலைபேசியில்
சொன்ன
உன்னிடம்-நான்
எப்படிச்சொல்வேன்-அது
உனக்காக காத்திருக்கும்
நிமிடங்களில் துடிக்கும்
எனது
இதயதுடிப்பென்று?
-
நன்றி-தமிழன்

நன்றி தமிழன்/ மறு பதிவிட்ட Powenraj இருவருக்கும் அன்பு மலர்