பூமிக்கு வந்த புதிய மனிதன்

உலகின் முதல் செயற்கை மனிதன் லண்டனில் மக்களை சந்தித்து வருகிறார்
‘ இ யற்கையோடு மீண்டும் ஒருமுறை விளையாட முயற்சி செய்திருக்கிறான் மனிதன்’ -தத்ரூபமான மனித முகம், இயல்பாக செயல்படும் உடல் உறுப்புகளோடு லண்டனில் அறிமுகம் செய்யப்பட்ட உலகின் முதல் செயற்கை மனிதன் ரெக்ஸைப் பார்த்தவர்கள், வியப்போடு உதிர்த்த வார்த்தைகள்தான் இவை.
-
ஏறக்குறைய ஒரு மில்லியன் டாலர் செலவில் கடந்த வாரம் லண்டன் விஞ்ஞானிகளால் அறிமுகப்படுத்தப்பட்ட பயோனிக் மனிதன் ( bionic man ) ரெக்ஸ். செயற்கை இழை ரத்தம், செயற்கைக் கால், கை,மூட்டுகள், கண்கள், இதயம், சிறுநீரகங்கள், பித்தப்பை, நுரையீரல், மண்ணீரல் என்று இயற்கை படைத்த மனிதனின் உடலில் இருக்கும் எல்லா உறுப்புகளையும் செயற்கையாகஆனால், இயல்பாக இயங்கும் தன்மையுடன் உருவாக்கியுள்ளனர்.
-
ரெக்ஸின் இதயம் பேட்டரி உதவியுடன் துடிக்கிறது. சிறுநீரகங்கள் இயல்பாக டயாலிசஸ் செய்து, கழிவுகளை வெளியேற்றுகிறது. மண்ணீரல் தொற்றுகளை ரத்தத்திற்குப் போக விடாமல் தடுக்கிறது. செயற்கை ரத்தம் உடல் முழுவதும் இயல்பாக ஓடிக் கொண்டிருக்கிறது. கண்ணாடியில் பிரதிபலிக்கும் பிம்பங்கள்மைக்ரோ சிப்பிற்குள் செல்கின்றன. அதுதான் ரெக்ஸின் விழித்திரை. அதிலிருந்தே மின் அதிர்வுகள் மூளைக்குச் செல்கின்றன. ஒரே ஒரு குறை, இயற்கையாக சிந்திக்கும் திறன் மட்டும் ரெக்ஸிற்கு இல்லை.
-
6.5 அடி உயரத்தில் பழுப்பு நிறக் கண்களுடன் கடந்த வாரம் லண்டன் அருங்காட்சியகத்தில் ரெக்ஸ் அறிமுகப்படுத்தப்பட்டார். இந்த மாதம் (மார்ச்) 11ம் தேதி வரை அங்குதான் இருப்பார்.
இதில் கூடுதல் ஆச்சரியம்... கம்ப்யூட்டர் சிப் உதவியுடன் மனித மூளையின் செயல்பாடுகளைப் போலவே ரெக்ஸின் மூளையும் உருவாக்கப்பட்டு உள்ளது. ஆக்ஸ்போர்டு பல்கலைக்கழகம்உட்பட உலகின் முன்னணி பல்கலைக்கழகங்கள் மற்றும் ரோபோடிக் கம்பெனிகள் இணைந்து நிகழ்த்தியுள்ள இந்தச் சாதனை மூலம், மனிதன்உருவாக்கியுள்ள இவ்வகை செயற்கை உறுப்புகள், உறுப்பு மாற்று அறுவைச் சிகிச்சைக்கு தெளிவான நம்பிக்கையை முதன்முறையாக கொடுத்துள்ளது. இதைத் தொடர்ந்து கண்கள், இதயம் உட்பட முக்கிய மனித உறுப்புகளை இதைவிடவும் மேம்பட்ட தொழில்நுட்பத்தில் உருவாக்கும் முயற்சிகள் நடக்கின்றன. இது சாத்தியமாகும்போது, வெறுமனே இழந்த உறுப்புகளுக்குப் பதிலாக செயற்கை உறுப்புகளை பொருத்துவதற்குப் பதிலாக இயற்கையான மனித உறுப்புகளைப் போலவே இவை செயல்படுவதற்கான வாய்ப்புகளும் அதிகரித்து உள்ளன.
-
சுவிட்சர்லாந்தைச் சேர்ந்த சமூக மனநல ஆய்வாளர் பெர்டோல்டு மேயர் சாயலில் ரெக்ஸ் உள்ளார். குழந்தையிலிருந்தே செயற்கைக் கைகளோடு வாழும் பெர்டோல்டு, செயற்கை உறுப்புகள் செய்வதில் புதிய தொழில்நுட்பத்தைப் பல ஆண்டுகளாக ஆவலோடு எதிர்பார்த்தேன். 6 ஆண்டுகளுக்கு முன்புகூட எந்த நம்பிக்கையும் இல்லாமல் இருந்தது. தற்போதுமனித உடலை உருவாக்க முடியும் என்ற நம்பிக்கை உறுதியாகிவிட்டது" என்கிறார், ரெக்ஸின் கன்னங்களை வாஞ்சையோடு வருடியபடி.
-
புதிய தலைமுறை