தீவிரவாதிகள் மிரட்டல் எதிரொலி: மதுரையில் பாதுகாப்பு ஏற்பாடுகள் தீவிரம்

DERAR BABU · DERAR BABU Thu Aug 22, 2013 11:35 am

தீவிரவாதிகளின் மிரட்டலை தொடர்ந்து மதுரையில் கண்காணிப்பு பணிகளை போலீசார் தீவிரப்படுத்தி உள்ளனர்.

பாகிஸ்தானில் பயிற்சி பெற்ற தீவிரவாதிகள் இலங்கை வழியாக தமிழகத்தில் ஊடுருவி மதுரை, மயிலாடுதுறையில் சதிவேலையில் ஈடுபட திட்டம் தீட்டி உள்ளதாக மத்திய உளவுத்துறை எச்சரித்துள்ளது. இதனையடுத்து தமிழகத்தில் தீவிரவாத கண்காணிப்பு நடவடிக்கைகள் தீவிரப்படுத்தப்பட்டுள்ளன.

மதுரையில் போலீஸ் கமிஷனர் சஞ்சய் மாத்தூர், போலீஸ் சூப்பிரண்டு பாலகிருஷ்ணன் மற்றும் போலீஸ் அதிகாரிகள் ஆலோசனை நடத்தி பாதுகாப்பு நடவடிக்கைகளை முடுக்கி விட்டுள்ளனர்.

மதுரையில் முக்கிய பகுதிகளான மீனாட்சி அம்மன் கோவில், ரெயில் நிலையம், விமான நிலையம் மற்றும் முக்கிய வழிபாட்டு தலங்கள் ஆகியவற்றில் போலீஸ் பாதுகாப்பு போடப்பட்டுள்ளது. மதுரை மீனாட்சி அம்மன் கோவிலில் 3 அடுக்கு பாதுகாப்பு போடப்பட்டுள்ளது.

ரெயில் நிலையத்தில் பயணிகள் பலத்த சோதனைக்கு பின்னரே அனுமதிக்கப்படுகிறார்கள். பாதுகாப்பு பணிக்காக மதுரையில் 3 ஆயிரம் போலீசார் ஈடுபட்டுள்ளனர். இதுதவிர மதுரையில் அனைத்து பகுதிகளிலும் 24 மணி நேர ரோந்து பணியும், முடுக்கி விடப்பட்டுள்ளது. லாட்ஜூகளிலும் போலீசார் சோதனை நடத்தி வருகிறார்கள்.

மதுரை நகருக்குள் வரும் அனைத்து பாதைகளிலும் சோதனைச்சாவடி அமைத்து வாகன சோதனையும் நடத்தப்பட்டு வருகிறது.

இதுகுறித்து அதிகாரி ஒருவர் கூறுகையில், தீவிரவாத அச்சுறுத்தலை தொடர்ந்து மதுரையில் பாதுகாப்பு ஏற்பாடுகள் பலப்படுத்தப்பட்டுள்ளன. அனைத்து பகுதிகளும் போலீஸ் கண்காணிப்பு வளையத்தில் இருந்து வருகிறது என்றார்.

மதுரைக்கு வந்த சோதனை ..

மாலைமலர்

**மதுமிதா** · **மதுமிதா** Thu Aug 22, 2013 11:41 am

தீவிரவாதிகள் மிரட்டல் எதிரொலி: மதுரையில் பாதுகாப்பு ஏற்பாடுகள் தீவிரம்

தீவிரவாதிகள் மிரட்டல் எதிரொலி: மதுரையில் பாதுகாப்பு ஏற்பாடுகள் தீவிரம்

Re: தீவிரவாதிகள் மிரட்டல் எதிரொலி: மதுரையில் பாதுகாப்பு ஏற்பாடுகள் தீவிரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக